Kusaal Siilima

Bɔɔ an siilima

Siilima anɛ yaꞌam pianꞌad linɛ ka Kusaas ɛɛnti pianꞌa libil ka li zi'eni tis si'ɛl ka yaꞌam dim bɛɛ onɛ an yaꞌam gɔnlʋŋ sɔb na tun'e baŋi li gbin.

Siilim banɛ dig nwa anɛ siilim banɛ nɔk ninsaal niŋgbina ziꞌisi sɔb.

1. Zʋŋzɔŋ ye paŋ bɛ ka nif kae.

2. Fʋ yaꞌa kʋʋ fʋ biig ye o tʋbir pʋꞌ wʋmma, sɔꞌ tʋmnɛ o naꞌayiig na ye o pʋꞌʋsif kʋʋr.

3. Nif na nyɛꞌ ka nɔɔr kʋ lɛm.

4. Niŋkaꞌand yɛl tiɛŋ ye di kaꞌa waalim an kpɛʋŋɔɔ.

5. Biinri bɛ ka lieŋ bugid.

6. Siig bɔɔd ka niŋgbinna kaꞌa paŋa.

7. Gbinvɔɔnr ye on yaꞌa daa miꞌi ye pɛn diꞌesid saam on daa ku ke ka o aan o kpiaꞌa.

8. Zaal bɔɔd pɛn pʋ sʋmida.

9. Bupuŋ yaꞌa vɛnl ka pʋ mɔr yaꞌam o pɛnnɛ namisid.

10. Yuꞌor yaꞌa zɛm nɛ gbɛrɛɛ, li mɔtnɛ.

11. Dakʋʋr yaꞌa maꞌa ye o mɔr pʋa o maꞌad nɛ o yuꞌor.

12. Fʋ yaꞌa liaꞌad zɔlʋg ka o zi dinɛ yɛla ka fʋ liaꞌadʋʋ, fuom yuꞌori paꞌalʋ.

13. Ma yir pʋ tiesid nɛ gɔbʋgɔ.

14. Nɔɔr kani yɛl ka kiꞌis la gbinvɔɔr sɔnꞌʋg.

15. Biig ɔnb kikama ka li nwɛlig kpɛɛm suunr.

16. Biꞌe-biꞌeli naad kʋkɔm nuꞌubibis.

17. Ba pʋ nɔkid nuꞌuyiŋi kaad tɛꞌɛgɔ.

18. Pʋa yaꞌa dʋg zɛnbɛꞌɛd o tʋba bɛnɛ yiŋ.

19. Ba ye anayaꞌak saꞌap bɛnɛ m suurin.

20. Ba enti gɔs nɛ saan nindaa ka dugʋ bit.

21. Atiŋɔ sʋŋidii agɔbʋg, ka agɔbʋg mɛ sʋŋidii datiʋŋ

22. Awʋm tʋba gaada anye nini.

23. Zuk bɛnɛ nɛ gɔŋ.

24. Dikudug pʋ likid nyinnɛɛ.

25. Gbinvɔɔnr waꞌalim an bin.

26. Onɛ waꞌad ziꞌi ye o gbin gɔnligyaa.

27. Kuꞌom kaadi basidi fʋ mɛŋ gɛɛngʋŋ.

28. Kʋkɔm nyɛ niꞌim ka bɔɔd nuꞌus.

29. Azampɛꞌɛl nintɔɔd, vɔlimaa li pʋ vɔnna, tunꞌʋsimaa li pʋ tunꞌʋsida.

30. Kpieꞌim nyina pʋ kaana.

31. Fʋ yaꞌa biind kpiꞌɛmnam nini fʋ nyɛtii kpieꞌimnam.

32. Sɔꞌ tituom an sɔꞌ pʋan(pʋʋg) tiim.

33. Kpiibig zusʋŋ ka biim pɛꞌɛl dug.

34. Dakɔɔr yaꞌam biꞌigʋ o bɛŋa.

35. Ba ye balɛrʋg fʋ ye zumaʋg.