Iankim keŋ kʋ'ʋlʋmin la

Kusaas diid

Di yinɛ Wikipiidia

Kusaas mɔr diib kɔn'ɔb kɔn'ɔb banɛ tisid niŋgbiŋ laafi nɛ paŋ nɛ ya'am ka gu'ud ban'as. Ti yaanam da mi' dibama maalʋg ka mɛ lɛn mi' bʋmbanɛ ka ba na zaŋi maal diid kɔn'ɔb kɔn'ɔb nwa. La'abanɛ ka ba mɛ da mɔri maan la da anɛ tan dɔgid nɛ laas, nɛ wama, nɛ bi'es nɛ la'ad nɛ ba buudi. Pu'a ya'a da ye o dɛn'ɛl, asɛɛ ka o paam la'abama wʋsa.

Kusadiid banɛ ka zumaaŋ kanɛ gaad la da maan anɛ: Saꞌab nɛ walispɛɛlʋg nɛ waliszaꞌada bɛɛ ngbeinkʋtaꞌam nɛ buolabuola nɛ walis-nwiada nɛ Kukunba nɛ tuonbɛɛnr nɛ gɔnya nɛ fufura nɛ bɛrinkalaŋʋ nɛ bɛŋ-isi nɛ dɔɔnd  waliszaꞌada nɛ kal nɛ sɛnl nɛ zɔꞌɔmkɔta nɛ kikanɛ zɔꞌɔm nɛ maꞌasa nɛ kɔɔsɛ.

Ba nan kpɛn maan dibama sieba amaa zʋmaaŋ kaŋa pu'ab zi' diid la sieba maalʋgɔ. Ba mɛ mɔri kut dʋgid nɛ laas hali nɛ rɔba fʋnɛ suud diib. Dina ka' sʋ'ʋm bɔzugɔ, rɔba fʋn la mɔri si'elnam banɛ tisid dɛmis. Ti na sɔbi pa'al diid la maan si'em.