Licitar

Licitar

pastry, Slovenian cuisine

Country of origin	Croatia
Intangible cultural heritage status	Representative List of the Intangible Cultural Heritage of Humanity
Described at URL	https://ich.unesco.org/en/RL/00356, https://ich.unesco.org/fr/RL/00356, https://ich.unesco.org/es/RL/00356
Course	dessert

Licitars (ka ba buon ye: [lǐtsitaːr]; Croatian: licitarska srca; Slovene: lectova srca) anɛ biscuits banɛ ka ba maali ba yi siind zɔm linɛ bɛ Croatia nɛ Slovenia malima pʋʋgin. Li anɛ zanbin linɛ bɛ tis Croatian tɛmpʋʋg titaꞌar kanɛ yʋꞌʋri an Zagreb la. Li anɛ piini linɛ an bʋnyʋbisa, ka ba nidib tisid taaba malima banɛ nwɛnɛ pʋꞌadiir bɛɛ Valentine's Day. Buninya saŋa, Zagreb tɛmpʋʋg buninya tiig linɛ ka ba ɛɛnti ziꞌel tɛnsʋk la ɛɛnti paae nidib tusa bɛdegʋ yaꞌam.

Yʋʋm tusa ayi nɛ piiga la ni, UNESCO da paas Gingerbread craft linɛ yit Northern Croatia la "Representative List of the Intangible Cultural Heritage" bɛnɛ Croatian malima pʋʋgin.

Labakʋda nɛ malima

Malʋŋ kanɛ an ye ba maan ka lɛm piin Licitars la da pinꞌilnɛ yʋʋm kɔbʋs piiga nɛ ayuobu la saŋa sa. Banɛ maan Licitar, ka ba buoni ba ye Medičari, da nyɛt naꞌasi hali ba tɛŋin la, ka nidib mɛ bɔɔd Licitars la hali (licitars tisib da mɔr girima gat tiig puum tisib). Zina nwa, malʋŋ kaŋa nan kpɛlim vʋe nidib biꞌela yaan, ka ban da maani ba siꞌem la pʋ tiak wala saa. Banɛ maani li nan kpɛn nɔkid saŋa ka li tʋʋgid nwadig yinne maan Licitar yinne.

Licitars nyɛ yʋꞌʋr ban kuosidi li bɛ Marian teŋgbanin la, linɛ bɛ Marija Bistrica (pʋ lal Zagreb la) anina ka suor kennib kaad St Mary of Bistrica ditnɛ linɛ an Assumption bɛɛ St Margaret's Day dabisir la. Li kaꞌ winpʋꞌʋs siꞌa diti lii, amaa nidib da daꞌad licitars mɔri kʋn yin ka li anɛ zanbin ye ba wienꞌ keŋ suowɔk hali paae Zagorje. Licitars' vɛnlim yɛla da kɛ ka nidib daꞌadi li kun yin ye ba paꞌali ba yidim nɛ ba kpiꞌes, ba yaꞌa nwienꞌ ka lɛbidi kun.

Laꞌad nɛ tiꞌebʋg

Lect maalug zin'ig

Laꞌad banɛ ka ba mɔri maan Licitars anɛ tɛŋ kan laꞌad nɛ ba yaꞌam ka kaꞌ tɛŋ siꞌa dimi paꞌani baa. Laꞌad la anɛ siind, zɔm, gɛla, kuꞌom nɛ vɛnlim laꞌad, amaa li maalʋg yʋʋgidnɛ. Zɔm la nɔkidnɛ dabisa miꞌigid, ka ba mɛɛli ban bɔɔd ye li an siꞌem ka tʋlʋgi di ka basi li bakɔi ayi ka li kʋdʋg. Vɛnlim laꞌad la tiꞌal, ba yaꞌa basi li bakɔi ayi ka li kʋdʋg la. Li yaꞌa kʋdʋgʋ naae, ba nɔkid laꞌavɛnla la niŋidi li ka lɛm basi li bakɔi yinne ka li kʋdʋg yaꞌas.

Licitars maalʋg wʋsa anɛ nuꞌus ka ba mɔri maani li, ka ke ka li mɔr bɔɔnlim gbilig, puum bibis, ka saŋa sieba ka ba paas gɔtiŋ bil. Ban nɔk siind nɛ diib laꞌadi maali li la, ba tʋnꞌe dii li ka nyaan paas vɛnlim laꞌad la. Ninsieba buon Licitars ye gingerbread, ba ziꞌilim la zug, baa ban pʋ mɔr kakaduru maani li la.

Nananna tʋʋma

Licitar

Saŋa nwa, Licitars anɛ Croatia nɛ Slovenia dim din (ka li bɛ Croatian nɛ Slovenian naꞌasaa silig zinꞌisin nɛ zinꞌis banɛ ka ba daꞌad piini laꞌad wʋsa), buninya tiig maalʋg, puꞌadiir piini nam, tʋmtʋmnibi piin taaba, nɛ li vɛnlim yɛla, ka nidib nan mɔri li tisid banɛ ka ba nɔŋi.

Gɔsim nɛꞌ mɛn

Culture of Croatia

Culture of Slovenia

Lebkuchen