Mohammed Adamu Ramadan

Mohammed Adamu Ramadan

ninsaal

Sex or gender	Dau
Country of citizenship	Ghana
Zak yu'ur	Ramadan
Du'am yuum	3 Sigsaa/Nwadisayuobʋ 1975
Duam zin'ig	Accra
Father	Ahmed Ramadan
Languages spoken, written or signed	English, Hausa, Twi
Tuuma	politician
Position held	Member of the 8th Parliament of the 4th Republic of Ghana
Educated at	University of Ghana
Academic degree	business administration
Member of political party	National Democratic Congress (NDC)
Religion or worldview	Islām

Mohammed Adamu Ramadan (da duꞌanɛ 3 May 1975) anɛ Gaana pɔlitiks nwɛꞌɛd. Paasnɛ Maꞌasim tiig Naꞌadɔɔg la National Democratic Congress la ni. O anɛ Wadmaani tisi Adenta Constituency sʋꞌʋlim dim. O anɛ pɔlitiks nwɛꞌɛd Ahmed Ramadan dakɔɔnr ka aan Samira Bawumia, onɛ an pirɛsidɛn nyaꞌadɔl pʋꞌa la, taun kpɛɛm.

On sinꞌiŋ siem nɛ o sakur yɛla

Ba da duꞌa Mohammed Adamu Ramadan nɛ yʋʋm tusir, kɔbiswai nɛ pisyɔpɔi nɛ anu Nwadisa anu la daba atan daar, (3 May 1975). O yinɛ Ashalley Botwe bɛ Greater Accra Region sʋꞌʋlim la. O mɔr bachelor's degree of Business Administration, master's degree in Business Administration dinɛ ka zamis ligidi yɛla sʋꞌʋŋa. O lɛn mɔr Master of Arts in Economic Policy Management.

Tʋʋma

Ramadan da anɛ onɛ sʋŋid (Special Assistant) nɛ presidential staffer bɛ Flagstaff House sankanɛ ka John Mahama da an pirɛsidɛn la.

Pɔlitiks

On da nan bɔɔd ye o nyaꞌ la

Yʋʋm tusa ayi nɛ piinɛ ayuobʋ (2016) Wadmaanib vɔɔtʋg la, Ramadan da ziꞌen Maꞌasim tiig National Democratic Congress zugʋ nyaꞌAdenta Constituency ka Wabʋg Naꞌadɔɔg, New Patriotic Party's nid la, Yaw Buaben Asamoa. Asamoa di ka bas o nɛ vas o nɛ vɔɔt tusa pistsn nɛ atan, kɔbiswai nɛ pisnu nɛ ayi (33,952) dinɛ an pisnu duꞌal pisyuobʋ nɛ anaasi kɔbiga pʋʋgin (50.64%) ka Ramadan paam vɔɔt tusa pistan nɛ ayi,kɔbisnu nɛ pisnii nɛ anii, (32,588) dinɛ an pisnaasi nɛ anii duꞌal pisyuobʋ nɛ yinne kɔbiga pʋʋgin (48.61%). O da lɛn ziꞌeni nyaꞌ Maꞌasim tiig NDC ninsieba ka dii lɛn nyaꞌ yʋʋm tusa ayi nɛ pisi (2020) vɔɔtʋg la. O da diya ka bas Minista kʋdʋg kanɛ da gɔsid dap nɛ pʋꞌab nɛ biis bɛlim yɛla (Gender, Children and Social Protection), Nana Oye Lithur. O da diya nɛ vɔɔt kɔbisyɔpɔi nɛ pistan (730) ka pʋꞌa la paam vɔɔt kɔbisnu nɛ pisnu nɛ anii (558) ka ba yɛl nyain ye onɛ di.

O ken kanɛ da paasi ayi la ka o da bɔɔd ye o di Adenta Constituency kʋk la, o da diya ka bas onɛ zinꞌi kʋk la, Yaw Buaben Asamoah onɛ da nyaꞌ nɛ o yʋʋm tusa ayi nɛ piinɛ ayuobʋ (2016) vɔɔtʋg la, o da paam vɔɔt tusa pisyuobʋ nɛ atan, kɔbisnaasi nɛ pistan nɛ ayuobʋ 63,436 dinɛ an pisnu nɛ anu duꞌal awai kɔbiga pʋʋgin (55.9%) ka o tiraan la paam tusa pisnaasi nɛ awai, kɔbisyi nɛ pisnu nɛ anu (49,255) dinɛ an pisnaasi nɛ atan duꞌali anaasi kɔbiga pʋʋgin (43.4%).

Wadmaan tʋʋma

Mohammed Adamu Ramadan da kpɛnꞌ Wadmaan yin la ziꞌeni tisi Adenta Constituency sʋꞌʋlim Gaana Wadmaanib yikanɛ paasi anii Republic kanɛ paasi anaasi la ni yʋʋm tusa ayi nɛ pisi nɛ yinne yʋʋmpaal Nwadig la daba anii daar. O da paas laꞌaskanɛ gɔsid nimmaꞌasim lʋgʋr la nɛ laꞌaskanɛ gɔsid kpikpiŋ yɛla Wadmaan yin la.

Mɛŋ yɛla

Onɛ aan Ahmed Ramadan People's National Convention (PNC) kʋkdaan kʋdʋg la dakɔnkpɛɛm ka aan Samira Bawumia, onɛ an pirɛsidɛn nyaꞌadɔl pʋꞌa la, taun kpɛɛm. o anɛ mɔr kanɛ pɛsigi o mɛŋ. On da nam pʋ kpɛn pɔlitiks la o da tʋm nɛ Ghana Airways nɛ Ghana International Airlines.