Nakuom (Nakom)
Nakuom (Nakom) anɛ teŋkpɛŋ n bɛ Pusug - Pusiga sʋ'ʋlim. Nakuom anɛ Kusaas teŋ ka lɛɛ mɔr buudi kɔn'ɔb-kɔn'ɔb nwenɛ: Busaans, Yaam, Simiis, Zangbɛɛs nɛ sieba.
Nidib kal
[dɛmisim gbɛlima | dɛmisimi din yi zin'isiana]Nakoum nidib kal na an wʋʋ nidib tusa ayi nɛ pʋsʋg nɛ (2500). Nidib bama nii, sɔmɛkama wusa mɔr tʋʋma kanɛ ka o tʋmmi did. Bam anɛ kpaadib, ka bam an pan'anib, laafi tʋm-tʋmnib, dɔkpa'adib ka si'eba mɛ an da'ditib. Ba onn tʋʋma anɛ lɔmbɔn'ɔd tʋʋma wuu gabʋ, nanzʋ'ʋs, zɛnmaansa nam, saman tɔɔsi nɛ sieba.
Kusaas la mɔr dɔɔd kɔn'ɔb-kɔn'ɔb. Ba sieba anɛ: Na'aram,Teŋsʋŋ, Pusug dim, Wiid dim, Kpaligin dim, Mɔkpalib, Za'aŋkpalis, nɛ sieba.
Na'aram dɔɔg dim la an Na'a dɔɔg. Nakuom Na'ab na'am yʋ'ʋri an Na'aba Samilinmiig pɛ'ɛl Mu'ar. Da' la ditnɛ dabisa atan'-tan' ka li lid Widaan da' daar wusa.
Linɛ kɛ ka ba buon ye Nakuom la anɛ yee, Na'asar nam la da kennɛ da'ad Ninsabilis la, ka ɛti kena nɔk sieba keŋ Germany teŋin n zamisi ba langima tʋʋma. Ba da kena ka ba ɛɛnti diisid na'am ka ken kɔldaʋg si'a ni n gbi'ed kuom tit Na'ab la ka o nu ka ba diis o na'am la.
Na'asar nam la da kena ka ba ya'a ye ba diis na'am, ba na yɛl ye ba kem n gbi'e Na'ab nam kuom la na ka ba tis Na'ab la. Ka ba kpem pʋt zi'ig kan la yee Nakuom
Nakuom da deŋi mɔr da' ka ba pʋt ye Sʋnnɔ'ɔg da'. Amaa da' kan la len kai ya'ase.
Ba da yuolim n yɔ'ɔg da' paalig ka li yʋ'ʋr an Nakuom da'.
Nakuom teŋ la da paam sini lʋgir dim banɛ ka buon ye Rasquache Film Production kanɛ bɛ Na'asaar teŋ USA sʋ'ʋlim la nɛ Winimi Films kanɛ bɛ Nakuom la ka ba la'asi maal sini ka li yʋ'ʋr an Nakom la yʋʋm tusa ayi nɛ piina anaasi (2014) la ni. Sini nwa da lalig teŋ n zian'ak Nakuom yʋ'ʋr.