Nana Appiah Mensah

Nana Appiah Mensah

human

Sex or gender	male
Country of citizenship	Ghana
Languages spoken, written or signed	English
Educated at	University of Ghana, Adisadel College
Owner of	Menzgold Ghana Limited

Nana Appiah Mensah ka bɛdegʋ buon o ye NAM1, anԑ Ghana nid kanԑ mɔr tʋʋma nam bԑdԑgʋ  ka lԑn an onԑ  sʋŋid nidib. Ba da du'a o nɛ yʋʋm tusir, kɔbʋs wai ne pisnii nɛ anu la, nwadis anu la ni, dabisa piiga nɛ ayʋobu la daar(May 16,1985). O ma’ yʋ’ʋr buon Susie Ivy Brew, onɛ an Asʋ’ʋm-mɛŋ tʋʋma gandaʋg Ghana sʋ’ʋlim, ka o saam an Napoleon Mensah Abrompah,onԑ tum baŋ ni. O pʋ’a yʋ’ʋri buon Rose Mensah, onԑ sʋ’ʋe Rozzy's Collection, ka dʋ’a biribiŋ yinne.

Tʋʋma

Nana Appiah Mensah da pin’il o sʋ’ʋm-mɛŋ tʋʋma ka mɔr gban’ar ye o tiak di’ema yela (entertainment industry) Ghana sʋ’ʋlim. Yʋma tusa ayi’ nɛ piiga nɛ ayuobu la ni, o da pin’il Zylofon Media, linԑ  nyaŋi sʋŋ Ghana nidib banɛ mɔr ya’am kati wae diema pʋʋgin ka kɛ ka yʋʋma nam nɛ diema yela nyaŋi kɛŋ tuon. Mensah dɔlis Zylofon Media ni. O maal suor ka banɛ an diema tʋmtʋmnib, nɛ yʋmyʋmnib, nɛ banɛ maan sini nam ka ba nyaŋi pa’ali ba baŋir tis dunia wʋsa. yʋmyʋmnib banɛ ka o mi’ nɔkiba o tʋʋma ni la ba  sieba anԑ Shatta Wale, Stonebwoy, nɛ  Becca, nɛ Kumi Guitar, nɛ Joyce Blessing. Zylofon Media nɔbigi ba tʋʋma paae sini maanib (film industry)  kɛ ka banɛ ka nidib mi’ ba ka ba an sini maanib wʋʋ  Benedicta Gafah, nɛ Toosweet Annan, nɛ Nana Appiah mɛŋ paasi li pʋʋgin.

Linɛ paas on tʋm tʋʋm si’eba di'ema pʋʋgin anɛ ye, Nana Appiah Mensah da tumtʋʋmsia, li si’eba anԑ sanlima kuosug ne ya’ kuosug. Yʋʋm  tusa ayi’, nɛ piiga nɛ anaasi la ni, o da pin’il tʋʋm tʋʋm  kanɛ buon Menzgold la, ka li anɛ ba da da’adi sanlima, ka kuosid sanlima, ka mɔr sanlima kɛn tɛŋzʋmʋsin kuosid. Ba mɛ da lԑn su’ad kuga wʋʋ sanlima, nɛ anzurifa nɛ bʋmpielig (diamonds) ka li da anɛ nwԑnnԑ liksu’ak suak zin’ig. Amaa, Menzgold da nyԑ yela bԑdԑgʋ. Banɛ gɔsid lʋgir nwa tʋʋma ka ti buon ye Ghana Securities and Exchange Commission la da gu’oe ba tʋʋma yʋʋm tusa ayi’, nɛ piiga nɛ anii la, nwadis awai la ni (September 2018).

Mensah tʋʋma da ka’ diema yela nɛ sanlima tʋʋma ma’a nɛ’. O da sʋŋ ka tʋma  tʋʋma bԑdԑgʋ, ka ba sieba an Zylofon Art Complex, nɛ Brew Marketing Consult, nɛ Star Mad Football Club, nɛ Zylofon Music nɛ Media Company Limited, nɛ Brew Energy Company Limited, nɛ G. Tech Automobile Service.

Nana Appiah Mensah tʋʋma da kɛn tuon ka o da sʋŋid nidib nɛ tɛŋ bibis nam ye ba nyaŋi nɔbig. Li da dɔlisnԑ Zylofon Arts Fund ligidi, ka o da suŋ banɛ an yʋmyʋmnib nɛ banɛ nan duod di’ema tʋʋma ni, nɛ sini maanib nɛ ligidi ye ba nyaŋi nɔbig. O pa’al o mɛŋ ye o bɔɔd temmaalig yela, bͻzugʋ, o da mɔr sʋŋiri tisid gbaʋŋ zamisig yela, nɛ laafi yela nɛ tɛŋ maalig bʋʋdi wʋsa.

Menzgold faang

Yʋʋm tusa ayi’ nɛ piiga nɛ awai la, pin’ilig nwadig la, daba awai daar (9 January 2019), kootu da tis o gbaʋŋ ye ba gban’e Mensah ka yԑ o mɔri ligidi tʋm lin pʋ nar si’em ka mɛ len ma’a nidib ye o fan’e ba. Nwa’ da kɛ ka banɛ gɔsid tʋʋmbɛ’ɛd nam ka ba yʋ’ʋr buon Criminal Investigations Department bɛ Ghana Police Service tʋʋma ni la ka ba tis nɔɔr linɛ buon ye Interpol red alert. Ba da nɔk wada nwɛ’ o kali anɛ ye o tʋʋma la daa pʋ mɔr kasɛta gbaʋŋ kanɛ pa’al ye li anɛ suak zin’iga ka li pa’al ye o daa pan’asid nidib o tʋʋma pʋʋgin. Yʋʋm tusa ayi’ nɛ pisi nɛ atan’ (2023), ka A-G daa tis nɔɔr ye o na gɔs Menzgold tubur tɛɛgir yela, ka nwe’ o nɛ yela pistan’ nɛ awai (39).

On da yͻ Menzgold dim la

Yʋʋm tusa ayi, nɛ piiga nɛ anii la, nwadis awai la ni (September 2018), Menzgold da mɔr Securities and Exchange Commission, Ghana (SEC) nɛ Bank of Ghana (BOG) kɛŋ kɔɔtɔ ni’ banɛ daa die o tʋʋma gbaʋŋ la yela. Mensah da lɛb Ghana na yʋʋm tusa ayi, nɛ piiga, nɛ awai la, nwadis ayɔpɔi la ni (July 2019), ye wada pʋ gban’e o Dubai tɛŋine ka o na gɔs ka yɔ’ Menzgold sama’ la wʋsa. Sama’ la nam pʋ yɔ’ la ka banɛ kpɛn’ԑd Nana Appiah Mensah zug ye gɔmena pu maalʋ sum.

Menzgold daa ye li nar ka ba yɔ’ ba, dɔlisidi Dubai kɔɔtɔ daa bas suor siem ye na’saatɛŋ ligidi million pistan’ nɛ awai ($39 million) banԑ daa ku’os sanlima tis Royal Diamonds la bakwai atan’ saŋa, paas nɛ ban daa kpɛn’ԑsʋ

sarega ni saŋa biela la yela. Nana Appiah Mensah daa paae Ghana naan nwadisa ayɔpɔi la dabisa piiga nɛ yinne daar (11 July) ye banɛ ka ba buon ye Criminal Investigation Department ka li bɛ Ghana Police Service tʋʋma ni la, vɛԑnsi gɔs.

Yʋʋm tusa ayi’ nɛ pisi nɛ atan’, dabisa piiga, nɛ anii la daar (18 August 2023), Nana Appiah Mensah, daa gban’e ye o lɛn paam ligidi yi banɛ ka o mori ba sama la ni linɛ daa an Digital Verification Access Card ka li yɔɔd an million ayʋobu, tusa ayi’ nɛ kɔbʋs nu’ (GHC650) O daa mudugud ye yɔɔd la an suor kanɛ ka banɛ ka o mori ba sam la na pa’ali ba mɛŋ ka o nyaan yɔɔ ba. Nidib bedego daa pian’ nwa’ yela ka o daa bas gba’a kaŋa.

Sanrega kpԑn’ԑb

One an Attorney General, ka o yʋ’ʋr buon, Godfred Yeboah Dame, maligim nɔk yela wʋʋ kal pistan’ nɛ awai (39 charges) sun’ʋl Nana Appiah Mensah zug. Yɛla bama daa yi gbaʋŋin na nɛ yʋʋm tusa ayi’ nɛ pisi nɛ atan’, nwadis anii, dabisa pistan’ la daar (August 30, 2023). O na zien kɔɔtɔ tuon yela pa’al banɛ ka ba nɔki ziil o la nɛ yʋʋm tusa ayi’ nɛ pisi nɛ atan’, nwadis awai la dabisa piiga, nɛ awai la daar (September 19, 2023). One an Attorney General nɛ Minister of Justice daa tis nidib ti’ir ye banɛ ligidi bɛ Menzgold Ghana Limited dim ni la na paami ba ligidi dies, bͻzugͻ gɔmena pin’il ye ba tɛ’ɛg tʋʋma nwa’ tubir, nɛ one sʋ’ʋe li, Nana Appiah Mensah.

On nyaŋi maal si’el

da paam ya’an piini ayi’ nɛ on yaŋi sʋŋ ka Ghana tʋʋma nɔbig.- Blackstar Line an Cooperative Credit Union, la’as nɛ Marcus Garvey Foundation  daa nɔk ya’an piini ayi’ ka la an gbana tis NAM 1 on sʋŋ ka Ghana tʋʋma nɔbig la zug, ka sɔb on sʋŋ siem  la tabil.

O da sʋŋ ka Ghana nɔba diema dim ka ba buon Ghana U17 nɛ U20 la, nɛ million kɔbʋsyi’ (GHc 20,000)

O da paam ya’an piini ka li anɛ o tʋʋma yela benɛ Exclusive Men of the Year Africa Awards 2017.

4syte Music Video ya’an piini yʋʋm tusa ayi’ nɛ piiga nɛ ayɔpɔi la ni (2017) – ya’an piini tita’ar.

Tʋmtʋmnib zin’ig piini – dasam nɛ pʋ’asada ban pisnu banɛ nyaŋi tʋm tʋʋma tiak Ghana tɛŋ.

Ya’an piini linɛ bɛɛ li kɔn’ – yʋʋm tusayi’ nɛ piiga nɛ anii (2018) Radio and Television Personality (RTP) Awards ka nyaan paas ayi’ daani bɛ Most Influential Entertainment Personality Ghana sʋ’ʋlim yʋʋm tusa ayi’ nɛ piiga nɛ anii (2018), da tial ne one an chief executive officer tis EiB Network, Kwabena Adisi onԑ ka ba buon ye ‘Bola Ray’ la.

O da paas dasam nɛ pʋ’asada ban kɔbʋga banɛ nyaŋi tʋm tʋʋma ninsabilis sʋ’ʋlim gatti ba taaba, ka ba da die yi nɛ Confederation of West African Youth (CWAY), yʋʋm tusa ayi’ nɛ piiga nɛ anii, nwadis ayɔpɔi (July 2018) la ni.

O da die ya’an piini an onԑ paas anii 8th Ghana Entrepreneur and Corporate Executive Awards yʋʋm tusa sayi’ nɛ piiga nɛ anii, nwadis anaasi (April 2018) - Best Business Executive yʋʋm kan la.

Yʋʋm tusayi’ nɛ piiga nɛ anii, nwadis awai (November 2018) – O da die ya’an piini kanɛ bɛɛ li kɔn’ bɛ Ghana Music Awards South Africa.

O da die ya’an piini kane an one paas ayi’ one nyaŋidi sʋŋid diema yela ka ba buon 2nd Most Influential Entertainment Personality bɛ Ghana yʋʋm tusayi’ nɛ piiga nɛ anii (2018).

NAM 1 da paam linɛ buon lower-tier Star Madrid FC, ka li yinɛ o tʋʋm kanɛ buon ye Zylofon Cash la, ka li da anɛ yʋma nu’ ka ligidi kanɛ bɛɛ li pʋʋgin an na’asaatɛŋ ligidi million piiga ($10 million) anina kʋ da kilim one sʋŋid Ghana Premier League yʋʋm tusayi’ nɛ piiga nɛ anii, nwadis anu (May 2018) la ni.

Piini kane an Special Recognition Award for Business Innovation bene the Exclusive Men Of The Year Africa Awards (EMY AFRICA) League yʋʋm tusayi’ nɛ piiga nɛ ayɔpɔi, nwadis ayuobu (June 2017) la ni.