Pʋ'a kʋʋr nɔkir

Kʋʋr nɔkir anɛ saal vum karig ya'a ti pɛ'el ka o kɔn'ɔŋ o yuvur, ka nɛ sɔba a pʋ'a sɛɛ ba nɔkii o kʋʋr mɔr kul o ba'ayin. Din ka ti buon ye kʋʋr nɔkir la. Kusaas nɔkir nɛ pʋ'a ma'a kʋʋr ka ba pu nɔkir dau kʋʋrɛ

Kʋʋr nɔkir anɛ ba kuan'a daam ka daama bɛnim daar banɛ mɔr nɔa kɛŋ paae ba pʋ'atanu yinnɛ biig yin.Ya ansiŋa nadɔliya kɛŋ paae yin ka ya puusiba,ka nɔk nɔa la sɔs kʋʋra.Bana siak ka tisiya kʋom ka ya nu ka nan nɔk kʋʋra

Kʋʋra nɔkid la'ad anɛ:nɔa, kpan'aʋg, pɛnyaŋ, suma,bɛŋa, ma'ana, yuunɛ, kpalug, sum-mɛŋa, yarim, nazun'es. Banɛ la'as la'abama mɔr yi samanina, yiiga banɛ ku' pʋ'atanug la nɔa ka yan ku' pɛn'ɔg la na nɛ la'abanɛ kpɛlim wusa. Ba ya'a naae dina wusa, yit-la biig na kpɛn' zakin zaŋpʋ'a kanɛ kpi la dan'avug, sakɛdir, vʋgir, nɛ nierkaŋ tis yampʋʋn ka pʋ'ala ba'anam sie. Ba ya'a paae suorin ba na sɛn' nɔɔsa sɛba ɔnb ka mɔr sɛba kul. Dina ya'a maal naae di pa'al ye o kʋʋr lɛm kae dau la yinɛ.

Pʋ'a la ba'anam la ya'a paae yin ba na bɔ nɔa nɛ kpaʋg buol sizua ka o kɛna ku' kpe'ɛs kʋʋra