Rita Naa Odoley Sowah

Rita Naa Odoley Sowah

human

Sex or gender	female
Country of citizenship	Ghana
Given name	Rita
Date of birth	1968
Languages spoken, written or signed	English
Occupation	politician
Position held	Member of the 8th Parliament of the 4th Republic of Ghana

Rita Naa Odoley Sowah (born 2 July 1968) anɛ Gaana pɔlitiks nwɛ’ɛd. O anɛ Ma’asim tiid Na’adɔɔg, National Democratic Congress (NDC) nid. o anɛ Wadmaani tis La Dade Kotopon Constituency. O yinɛ  Labadi bɛ Greater Accra Region la, o anɛ Diisi (Municipal Chief Executive (MCE)) kʋdʋgʋ tis La Dade kotopon Municipal Assembly (LADMA) din yi yʋʋm tusa ayi nɛ piinɛ atan (2013) paae yʋʋm tusa ayi nɛ piinɛ ayɔpɔi (2017).

On sin’iŋ si’em

Ba da du’a Rita Naa Odoley Sowah nɛ yʋʋm tusir kɔbiswai nɛ piyuobʋ nɛ anii Nwadisa ayɔpɔi la daba ayi daar (2 July 1968). O anɛ Ga ka yit La zin’ikanɛ ka ba buon ye Labadi la Greater Accra Region, sʋ’ʋlim, Ghana.

Tʋʋma

Sin’iŋir tʋʋma

Sowah da anɛ gbansɔbid Premix Secretariat dinɛ bɛ ziminam tʋʋm zin’igin la (Fisheries Commission) Gaana. O da lɛn an Data Entry Officer bɛ Department of National Lotteries dinɛ yʋ’ʋn an National Lottery Authority bɛ Gaana la o da lɛn an gbansɔbid tis La Dade Kotopon Wadmaan Ofis.

On da an Diisi la (MCE)

O da an Diisi (MCE) tis La Dade kotopon Municipal Assembly (LADMA) din yi yʋʋm tusa ayi nɛ piinɛ atan (2013) paae yʋʋm tusa ayi nɛ piinɛ ayɔpɔi (2017).

O da lɛn an ligidsu’adi tis National Association of Local Authorities of Ghana (NALAG).

Pɔlitiks

On da nan nya’ad nɛ o na’adɔɔg nidib

O da nya’ Ma’asim tiig Na’adɔɔg (NDC) la nidib ye ba gaŋ o ka zi’eni nya’ kʋk la yʋʋm tusa ayi nɛ pisi, 2020 vɔɔtʋg la ka di. Di da kpɛn’ gbana ni ye onɛ an pʋ’a kanɛ an yiiga di La Dade-Kotopon kʋk la yʋʋm tusa ayi nɛ pisi la ni (2020). O da dinɛ nɛ vɔɔt tusa pisnaasi nɛ ayɔpɔi, kɔbisyuobʋ nɛ ayuobʋ (47,606) dinɛ an pisnu nɛ atan du’al pisyuobʋ nɛ ayɔpɔi (53.67%) ka onɛ da ti’al o la, Joseph Gerald Tetteh Nyanyofio onɛ an Wabʋg Na’adɔɔg la, New Patriotic Party (NPP) nid la paam vɔɔt tusa pisnaasi nɛ yinne, kɔbiga nɛ yinne (41,101) dinɛ an pisnaasi nɛ ayuobʋ du’al pistan nɛ atan kɔbiga pʋʋgin (46.33%). O paasnɛ pʋ’ab pisnaasi (40) banɛ da di zi’eni ba sʋ’ʋlim dim Wadmaanib yikanɛ paasi anii la yʋʋm tusa ayi nɛ pisi nɛ yinne yʋʋmpaal Nwadig la daba ayɔpɔpi daar la.

On da an Wadmaan la

Sowah da kpɛn’ Wadmaanib yin la zi’eni tis La Dade Kotopon Constituency dim Gaana Wadmaanib yikanɛ paasi anii la, Republic kanɛ paasi anaasi nɛ yʋʋm tusa ayi nɛ pisi nɛ yinne la yʋʋmpaal Nwadig la daba ayɔpɔi daar (7 January 2021). O paas la’askanɛ gɔsid pʋ’asada, dasam nɛ ninwisigir, buudi malimanam yɛla, o lɛn paas la’askanɛ gɔsid pʋ’ab, dap nɛ biis yɛla la.

Mɛŋ bɛlim

Sowah anɛ Kristo biig.