Thomas Anaba

Thomas Anaba aan Assembly man nam yinne tis Garu-Tempane District Assembly bɛ Upper East region, Ghana. On nɛ ninsieba da laꞌasi sɔb gbaʋŋʋ tis ye ba bɔɔd ye ba kilim Medical Director tis Ridge Hospital bɛ Accra la, ka Wina'am da sʋŋ ka o paam.

O sakur yɛla

Dr Anaba mɔrnɛ Masters Degree in Critical Care and Emergencies dinɛ ka o diꞌe yi La Sapienza University bɛ Rome, Italy la yʋʋm tusa ayi nɛ awai la ni (2009). O da lɛn keŋ Higher Institute of Medical Sciences, Havana, bɛ Cuba la yʋʋm tusa ayi nɛ ayɔpɔi la ni  (2007) zamisi naae ka yina nɛ Specialist Anaesthesilogist and Resuscitation kasɛta gbaʋŋ..

O da lieb medical doctor yʋʋm tusa ayi nɛ yinne la ni (200)1 on da naae Higher Institute of Medical Sciences, Santa Clara, bɛ Cuba la nyaꞌaŋ.

Duꞌatakanɛ ka Cuba dim da paꞌal la yʋꞌʋn anɛ Senior Lecturer nɛ Head of Department, Anaesthesia bɛ School of Medical and Health Sciences, University for Development Studies kpɛŋ kanɛ ka o mɔr hali yʋʋm tusa ayi nɛ awai la ni (2009).

Dr Thomas Anaba yʋꞌʋn anɛ CEO nɛ Medical Director tis Habana Medical Services bɛ Tamale la.

Tʋʋma

Dr Anaba da maali o Clinical Attachment bɛ nɛ Korle Bu Teaching Hospital yʋʋm tusa ayi nɛ yinne nwadis piiga la ni (October 2001) paae yʋʋm tusa ayi nɛ ayi yʋʋmpaal nwadig la ni (January 2002). O da lieb House Officer bɛ Korle Bu Teaching Hospital din yi yʋʋm tusa ayi nɛ ayi la ni nwadisa atan la ni (March 2002) paae yʋʋm tusa ayi nɛ atan nwadisa yiꞌ la ni (February 2003). O da anɛ Medical Officer din yi yʋʋm tusa ayi nɛ atan la nwadisa tan paae nwadis piiga la ni (March and October 2003) bɛ Korle Bu Teaching Hospital.

Yʋʋm tusa ayi nɛ ayɔpɔi la ni (2007) paae yʋʋm tusa yiꞌ nɛ anii la ni (2008) o da anɛ Specialist Anaesthesilogist and Resuscitation bɛ Ridge Regional Hospital.

Yʋʋm tusa yiꞌ nɛ awai (2009) paae yʋʋm tusa ayi nɛ piinɛ yi la ni (2012), o da anɛ Consultatant Anaesthesilogist nɛ Head of Department Anaesthesia and Critical Care bɛ Tamale Teaching Hospital.

On nyaŋi maal siꞌel

O yʋʋma biꞌela banɛ ka o da bɛ tʋʋma ni la, o da nyaŋi pinꞌil ka critical care unit tis Tamale Teaching Hospital ka gɔsi di sʋꞌʋŋa ka di an sʋꞌʋŋa.

O da paam ligidi yi Rotary Internationali maal obstetric High Depended Uniti tis Tamale Teaching Hospital yʋʋm tusa ayi nɛ piinɛ anu la ni (2015).

O da lɛn laꞌas anaesthetists banɛ bɛ northern Ghana nɛ tembanɛ kaꞌ anina paꞌali ba tʋʋma la suor. O da lɛm maal teŋ la wʋsa vɛɛnsʋg zaŋi keŋ pulse oximeters yɛla tis LifeBox Foundation UK, ka di kɛ k aba da piinl teŋ la pulse oximeter nam kɔbistan nɛ pisi (320).

Dr Anaba da maal yiiga BSc Nurse Anaesthesia Programme Africa wʋsa. National Accreditation Board da bas sour ka o keŋ University for Development Studies din yi yʋʋm tusa ayi nɛ piinɛ ayi la ni sa (2012). Zamiskaŋa kena sʋŋi maal yɛla bɛdigʋ tis teŋ la ka yɔꞌɔg suori tis anaesthetists dim Ghana kpɛla banɛ yʋꞌʋm paam suori tɔlisi zamisidi di yɛla. Onɛ da maal ka gɔsidi asʋꞌo-m-mɛŋ sibiti bil kanɛ yʋꞌʋri an HABANA MEDICAL SERVICES bɛ Tamale la.

Yaꞌan piinbanɛ ka o diꞌe

O da di International Award in Excellence and Business Prestige, Gold Category bɛ International Quality Submit, New York yʋʋm tusa ayi nɛ piinɛ nu la ni (2015).

LifeBox Foundation dim tiendi o yɛla ye o anɛ Humanitarian Hero on da maal siꞌel yʋʋm tusa ayi nɛ piinɛ anu (2105) bɛ UK la nɛ on da sʋŋ ka anaesthesia yɛla paae dunia wʋsa la.

O da lɛn nyaŋi paam suori kpɛnꞌ ka kɛ ka Duke University School of Nursing nɛ UDS

Da maal nɔnaalʋg ye di sʋŋ department of anaesthesia dinɛ da nɔk yiiga BSc Nurse Anaesthesia Distance Programme bɛ Africa la. Nɛꞌ da sʋŋ nɛɛsnam banɛ bɛ tʋʋma ni ka nyaŋi tɔlisi keŋ zamis ka pʋ basi ba tʋʋmaa.

O da lɛn laꞌas nɛ Johns Hopkins University an onɛ gɔsidi di teŋin la ye o paꞌal nidib k aba mɛ paꞌali ba taaba universal precaution adherence yʋʋm tusa ayi nɛ piinɛ nu nwadis piiga la ni (August 2015), bɛ Tamale.

O da diꞌe ‘World Leader Business Person Awardꞌ piini yi World Confederation of Business, yʋʋm tusa ayi nɛ piinɛ nu nwadis piiga la ni (August 2015), Houston, bɛ Texas.

Sʋŋir

Dr Anaba sʋŋ siꞌelnam bɛdigʋ laꞌanɛ gbaʋŋ zamisʋg yɛla. Ba sieba anɛ;

O sʋŋ Policy and Guidelines tis Hospital Accident and Emergency Services bɛ Ghana.

O da lɛn sʋŋ National Referral Policy Guidelines tis Ministry of Health. Dr da lɛn anɛ onɛ sʋŋ Guidelines for Public Health Units sibinamin, Ministry of Health.

O da maal Preoperative Anaesthesia Assessment Protocoli tis Tamale Teaching Hospital. O da lɛn buoen Anaesthesia Monitoring Chart tis Tamale Teaching Hospital.

O da lɛm paasi sʋŋi tiak Tamale Regional Hospital la ka di yʋꞌʋn an Teaching Hospital ka lɛn tʋm hali di dɔɔd mɛɛbin

Onɛ an kʋkdaani tis interview panel banɛ gaansid sakur biis k aba maan BSc Nurse Anaesthesia programme, University for Development Studies, School of Medicine and Health Sciences hali yʋʋm tusa ayi nɛ piinɛ yi la ni (2012).

Laꞌasbanɛ ka o bɛ

Thomas Anaba da anɛ ka nan kpɛm paas laꞌasʋg nam bɛdigʋ. O paasi Academic Board, bɛ University for Development Studies.

Ka lɛm paas School of Medicine and Health Sciences Board zinꞌikanɛ ka o bɛ hali yʋʋm tusa yi nɛ piinɛ ayi la ni (2012).

Dr Anaba paas WHO Global Initiative for Emergency and Essential Surgical Care. Anaesthesiology Working Group.

O da paas Tamale Airport Emergency Committee din yi yʋʋm tusa ayi nɛ piiga la (2010) paae yʋʋm tusa ayi nɛ piinɛ atan la ni (2013).

O da lɛn paas Ministerial Committee on Emergencies for the Ministry of Health din yi yʋʋm tusa ayi nɛ piinɛ yinne (2011) paae yʋʋm tusa ayi nɛ piinɛ atan la ni (2013).

O da lɛn anɛ Board Member, ‘Nazareth Home for God's Children’ Northern Region.

O lɛm paas tʋʋma zinꞌis kɔnꞌɔb kɔnꞌɔb. O paas Ghana Medical Association. Ka lɛm aan Associate member of the Caribbean Medical Association.

Dr Anaba anɛ Associate member, Cuban Society of Anaesthesiology and Resuscitation.

O paas Ghana Anaesthetist Society hali yʋʋm tusa ayi nɛ ayɔpɔi la ni (2007) ka lɛn an paas Cuban College of Anaesthesiology and Resuscitation.

Baꞌasigɔ, o anɛ Associate member of the Association of Anaesthetist of Great Britain nɛ Ireland.