Tiis Yɛla: Na'am Dissʋg Yɛla

Dabpiinɛ anaasi la da lunɛ arizumdaar ka tiis la wʋsa yina. Na'anya'adib la da anɛ Atɛ'ɛg nɛ Aduan nɛ Ata'aŋ nɛ Agaan nɛ Apunsig nɛ Akikaŋ nɛ Apoŋguda (na'asaasisibig) nɛ Avuoŋ. Bam pʋ'ʋs na'abi naae la ka na'ab yɛli ba ye ba mɔya. Zina ka m daa zi'eli tisi ya ka ya sid kena la li pa'al ye ya nini mu'oe ya hali. Wina'am ya'a sʋŋɛ, ya sʋnya na ma'ae. Tɔɔ, nannanna na'anya'adib la an ala? Ka ba lɛbi ye, anii. M niŋ yadda ye ya miilimi ba bɛdegʋ. Li anɛ sida, ti mi' ba amaa ti zi' ban na di na'am la ka tʋm si'eli tisi tii. Faa, zin'idibaa, ya pʋ wʋmmɛ bɛɛ? Li ya'a an man ya'aminɛ, m na yɛl ye na'anya'adib la yi yinne yinne na tu'as ban an si'em nɛ ban na tʋm si'em tisi ti.