Upper east Regional House of chiefs

Upper East Regional House of chiefs anɛ naꞌatitada banɛ bɛ Upper East Region la laꞌasʋg.^[1] Di anɛ zinꞌikanɛ ka Naꞌanam la laꞌasid taaba gbanꞌad temmaalʋg yɛla nɛ ban na niŋ siꞌem zanl nidib la ka daʋŋ da bɛɛ.^[2]^[3]

Banɛ paasi di ni

Upper east regional House of chiefs la sieba anɛ Chiana-Pio Pe Ditundini A. Ayagtam II, House La zuraan,^[4]^[5] Mirigu-Naba Anthony Anonsona Abisa III, Zuraan nyaꞌadɔl, Paga-Pio Charles Awiah Awampaga II, Naba Asigri Abugrago Azoka II, Naaga-Naba Olando A. Awini II, nɛ Sandem-Nab Nab Azagsuk Aantgilow II.

Naꞌapaala zuŋir

Upper EAST Regional House of Chiefs da zuŋ Naꞌapaala yʋʋm tusa ayi nɛ pisi la ni (2020). Justice Jacob Boom, onɛ an Supervising High Court Judge, ka da zuŋ naꞌanam la, kpɛmis naꞌapaala la ye ba dɔl wada banɛ bɛ yin la ka mɛ dɔl Chieftaincy and the Legislative Instrument la ba tʋʋma ni. Nimbanɛ ka o da zuŋ la anɛ;

Naba Biliya Maltinga Afeghera III, onɛ an Pʋlis kpɛɛm, ka ba da zuŋ o ka o an Paramount Chief tis Traditional Area kanɛ mɔr sub-chiefs piinɛ atan. Banɛ kpɛlim la yinɛ Kusaʋg nɛ Sandema sʋꞌʋlim. Ba anɛ; Naba Robert Agetwin, Binduri Naꞌab, Naba Abdulai Abugri, Bugri Naꞌab, Naba Mohamadu Assibi Azonko I, Gumbo Naꞌab, Naba Ibrahim Aguur Ayuumah, Pusiga Naꞌab, Naba Nbangiba Ayagiba III, Sapeliga Naꞌab, Naba Issifu Teag Achebelongo, Tilli Naꞌab nɛ Naba John Dazuur Tiigah, Kpikpira Naꞌab. Bama wʋsa yinne Kusaug Traditional Area.

Banɛ kpɛlim la anɛ Nab Francis Akanbegmi Asangalisa, Chuchuliga Naꞌab, Nab Nkrumah Apaalinchang, Gbedema Naꞌab, Nab Atirekperi Anmalugsi, Gbedmbilisa Naꞌab, Nab Akanjianya Akanfella, Kanjarga Naꞌab nɛ Nab Afulang Gilbert Apig-Jiak, Siniensi Naꞌab, bama wʋsa mɛ yinɛ Sandema Traditional Area.^[6]

Bawku zaba la yɛla

Upper East Region House of Chiefs yɛl ye Naba Asigri Abugrago Azoka II ka bam miꞌ ka o an Naꞌabi tis Bawku ka sɔꞌ wʋsa miꞌ ka sɔꞌ yaꞌa maꞌ ye o diisnɛ naꞌaba di anɛ daʋŋʋ tis ban hali. “Tinam miꞌ ye Naba Asigri Abugrago Azoka II (Zugraan) an Paramount Chief tis Bawku Traditional Area ka lɛm paas Upper East Region House of Chiefs ni,^[7] ba paas ye, “hali o paas National House of Chiefs,^[8] ka paalʋ pʋ naan ka di nar ye sɔꞌ diis naꞌab ka yɛl ye onɛ an paramount chief paali tis Bawku.^[9]

“Tinam, banɛ bɛ Upper East Region House of Chiefs ni la miꞌ sʋꞌʋŋa ye Naba Asigri Abugrago Azoka II an paramount chief tis Bawku ka on maꞌaa mɔr paŋ kanɛ na nyaŋi diis naꞌasieba o sʋꞌʋlimin”.

“Ti wʋm pianꞌakanɛ ka Minister for Information pianꞌa paꞌal gɔmena ziꞌesim yɛlkaŋa ni la, ka mɛ ye ti paasi ti kʋkɔr ye ti kʋ nyaŋi mɔr paramount chiefs ayi Bawku”.^[10]

Gbanvɛɛnsa

[1] ttps://mcra.gov.gh/regional-houses-of-chiefs/

[2] ttps://www.ghanaweb.com/region/smartnewsghana/Dr-Mahamudu-Bawumia-Inaugurates-Refurbished-Office-Building-Of-Upper-East-Regional-House-Of-Chiefs-106238

[3] ttps://www.modernghana.com/news/1160711/full-statement-upper-east-regional-house-of-chie.html

[4] ttps://newsghana.com.gh/chiana-pio-elected-president-of-ue-regional-house-of-chiefs/

[5] ttps://www.a1radioonline.com/63068/president-of-upper-east-regional-house-of-chiefs-encourages-participation-in-greening-ghana/index.html

[6] ttps://newsghana.com.gh/upper-east-regional-house-of-chiefs-swears-in-13-chiefs/

[7] ttp://nhoc.gov.gh/index.php?option=com_content&view=article&id=305&catid=42

[8] ttp://nhoc.gov.gh/index.php?option=com_content&view=article&id=305&catid=42

[9] ttps://gna.org.gh/2023/02/upper-east-region-house-of-chiefs-urges-government-to-resolve-bawku-crisis-2/

[10] ttps://gna.org.gh/2023/02/upper-east-region-house-of-chiefs-urges-government-to-resolve-bawku-crisis-2/

[1]

[2]

[3]

[4]

[5]

[6]

[7]

[8]

[9]

[10]