Abantu for Development
| Inception | Sawa'ar/Nwadispii nɛ yinne 1991  |
|---|---|
| Field of work | women's politics, sustainable development, women's rights, social equality, social justice |
| Named after | ninsaal |
| Location of formation | London |
| Headquarters location | London, Nairobi |
| Official website | https://abantu-rowa.com/ |
| Intended public | African people |
| Operating area | Africa |
Abantu for Development anɛ an asʋ'ʋm-mɛŋ pʋꞌab laꞌasʋg dim (non-governmental organisation). Li tʋʋma anɛ ye li sʋŋ pʋꞌab banɛ bɛ Africa pɔlitis nwɛꞌɛb nɛ ba daꞌa diib keŋ tʋoni ba mɛŋ tɛŋ kpɛmisin ba sʋꞌʋlimin, ba tɛŋgbaʋŋ bɛn nɛ dunia sʋꞌʋlim wʋsa. Li dɔlisidi laꞌasʋgnam pʋʋgin, zamispaala ni, Gbana sɔb pʋʋgin nɛ saꞌalʋg nam pʋʋgin. Abantu paae tɛɛns bɛdigʋ ka ba miꞌi di yɛla, ka li yinɛ ban mɔr laꞌasʋg dɔɔg London la, anina ka pʋꞌabanɛ da yit ninsabilis tɛnꞌɛsin (Africa) da pinꞌil laꞌasʋg nwaꞌ yʋʋm tusir, kɔbiswai nɛ piswai nɛ yinne (1991) la ni. Li laꞌasʋg dɔɔdi lɛm bɛ tensieba anɛ Kenya, Tanzania, Ghana nɛ Nigeria. Abantu mɔr suoya nwɛꞌɛb nɛ United Nations Economic and Social Council (ECOSOC).
Din an siꞌem
[dɛmisim gbɛlima | dɛmisimi din yi zin'isiana]Abantu linɛ an asʋꞌʋ-m-mɛŋ laꞌasʋg kanɛ ka tɛŋ siꞌa gɔmena pʋ sʋꞌoe di (International non-governmental organisation). Tenkanɛ yʋꞌʋri bʋon London,[1] ka pʋꞌabanɛ da yit ninsabilis tɛɛsin da pinꞌil laꞌasʋg nwaꞌ yʋʋm tusir, kɔbiswai nɛ piswai nɛ yinne (1991) la niꞌ, ka onɛ an ba kpɛɛm ka o yʋꞌʋr an Wanjiru Kihoro, Mɛ da paasi ba.[2]
Abantu gbin anɛ “ninsaalib” ninsabilis buudi bɛdego pianꞌad pʋʋgin. Zina nwaꞌ li laꞌasʋg dɔtitada bɛnɛ tɛɛns bama London, United Kingdom, Nairobi, Kenya[3] nɛ Tanzania.
Ti ya-tuona ninsabilis sʋꞌʋlim (West Africa) laꞌasʋg dɔtitaꞌar bɛnɛ Accra, Ghana ka li kpɛɛm an Rose Mensah-Kutin[4][5] ka li laꞌasʋg dɔbil mɛ bɛ Nigeria. Abantu anɛ laꞌastitaꞌar ka laꞌasbibis bɛɛ li niꞌ. Li tʋʋma anɛ naꞌana, ban mɔr laꞌasbibis la zug, ba dɔlisid pʋꞌab laꞌasbibisin la paamid paŋi tʋmmi ba tʋʋma.
Abantu mɔr suora nwɛꞌɛb nɛ United Nations Economic and Social Council (ECOSOC). Li mɛ paas Gender Action on Climate Change for Equality and Sustainability dim pʋʋgin. Abantu mɛ tʋmmi li tʋʋma nɛ United Nations Economic Commission for Africa nɛ Organisation of African Unity dim.[6]
Abantu tʋmmi li tʋʋma nɛ laꞌasbanɛ kaꞌ ninsabilis tɛŋinɛ, amaa li gbanꞌe ye li kʋ bas suor ka naꞌasaanam sʋꞌoe ba. Lin nwɛꞌɛd sʋora nɛ United Nations Economic and Social Council (ECOSOC) la nɛ ba laꞌasʋg dɔɔgi bɛ London tɛŋin la kɛ ka li paam sʋŋir bɛdego. Ninsabilis tɛɛnsin (Africa), li nyɛ yuꞌur hali nɛ ya-tuona ninsabilis sʋꞌʋlim (West Africa).[4]
Gbanꞌar
[dɛmisim gbɛlima | dɛmisimi din yi zin'isiana]Abantu anɛ li sʋŋ ka ninsabilis tɛɛsin (Africa) pʋꞌab nyaŋi gbanꞌe gbanꞌar nɛ ba mɛŋ yandi ba tɛŋkpɛmisin, ba tɛŋ sʋꞌʋlim ni,nɛ dunia bɛn wʋsa.[1] Li bɔɔdim anɛ di tis pʋꞌab paŋ ka ba paas naꞌam nyaꞌab pʋʋgin nɛ daꞌ diib pʋʋgin wʋsa, ka yis linɛ wʋsa guꞌud pʋꞌab kati waꞌae ba naꞌam nyaꞌab pʋʋgin, wada pʋʋgin, malima banɛ guꞌudi ka ba paami ba nyadi wada pʋʋgin nɛ ba daꞌ diib pʋʋgin.[7] Ba bɔɔdim lɛn anɛ ba laꞌas pʋꞌab ka ba nyaŋi paas temmaalʋg pʋʋgin ninsabilis sʋꞌʋlim (africa).[3] Laꞌaskaŋa nwa nye yɛlkpana anaasi ka li nar ye ba gɔsi li yɛla: pʋꞌab nɛ dap nɛ nɔŋ pʋʋgin bɛllim yɛla, pʋꞌab nɛ dab nɛ zaba pʋʋgin yɛla, pʋꞌab nɛ dab nɛ teŋ sʋꞌʋgʋr yɛla nɛ pʋꞌab nɛ dab labaya tisib pʋʋgin nɛ pianꞌad pʋʋgin sʋŋir laꞌad yɛla. Abantu yɛlkpan anɛ pʋꞌab yɛla, amaa li mɔr gbanꞌar ye fʋ yaꞌ sʋŋ pʋꞌa, li mɛ mɔr sʋŋiri tis daʋ.[1]
Tʋʋma nam
[dɛmisim gbɛlima | dɛmisimi din yi zin'isiana]Abantu dɔlisid sʋoya atanꞌa tʋmmi ba tʋʋma: Zamisʋg nɛ tʋʋma nɔbʋgir pʋʋgin, yɛl paala baŋir nɛ gbana sɔbʋg pʋʋgin nɛ pianꞌad pʋʋgin, nɛ sʋŋir nɛ saꞌala nɛ alaꞌasi tʋm pʋʋgin. Abantu mɔr paꞌannib ka ba gaad kɔbisnu (500) paꞌan laꞌasʋg kɔnꞌɔb kɔnꞌɔb Africa nɛ United Kingdom. Paꞌannib bama maan vɛɛnsʋg dap nɛ pʋꞌab nɛ yɛla maalʋg ba tɛɛnsin nwɛnɛ gender stereotypes, social change, climate change nɛ HIV tʋntʋnnib. Abantu paꞌan kpɛɛmnam suosieba ka baŋ ye dap nɛ pʋꞌab zamisidnɛ kɔnꞌɔb kɔnꞌɔb ka pʋ nwɛn taaba. Yaꞌasaa, di lɛn maan laꞌasʋgʋ tisid pʋꞌab laꞌasʋg nam nɛ tuon gatib.[8] Abantu's Gender and Poverty Hearings bɛdegʋ Eastern nɛ Southern Africa sʋŋya ka gɔmena gbanꞌa nie nyain. Abantu vɛɛnsʋg yi labaya ni na paꞌal ye ba paꞌan nidib nimaꞌasim yɛla, dap nɛ pʋꞌab bɛllim yɛla nɛ pʋꞌab daʋŋʋ an siꞌel vɔɔtʋg saŋa.
Gbanvɛɛnsa
[dɛmisim gbɛlima | dɛmisimi din yi zin'isiana]- 1 2 3 https://www.britannica.com/topic/ABANTU-for-Development
- ↑ https://www.pambazuka.org/gender-minorities/wanjiru-kihoro-activist-feminist-patriot-visionary-leader-friend
- 1 2 https://books.google.com/books?id=_Swd3Z9foLQC&pg=PA100
- 1 2 http://myafrica.allafrica.com/view/people/main/id/07RbY7gpbuG5QlRH.html
- ↑ http://myafrica.allafrica.com/view/people/main/id/07RbY7gpbuG5QlRH.html
- ↑ https://books.google.com/books?id=_nyHS4WyUKEC&pg=PT33
- ↑ https://uia.org/s/or/en/1100054619
- ↑ https://books.google.com/books?id=8349Gh9JqXoC&pg=PA125