Abena Osei Asare

Abena Osei Asare

ninsaal

Sex or gender	pua
Country of citizenship	Ghana
Yu'ur Kane ka ba tis o	Abena
Zak yu'ur	Asare
Du'am yuum	16 Yʋʋmpaal/Nwadisayi 1979
Duam zin'ig	Ghana
Languages spoken, written or signed	English
Tuuma	politician, banker
Employer	New York University, Barclays Bank, Ghana gɔmena, Ghana gɔmena
Position held	Member of the Parliament of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Wesley Girls' Senior High School, University of Ghana
Member of political party	New Patriotic Party, Atiwa East Constituency
Religion or worldview	Christianity

Abena Osei-Asare anɛ Gaana pɔlitiks nwɛꞌɛd, o anɛ tυm ligidi tυυma Chartered Accountant. O anɛ wadmaan n tis Atiwa East linɛ bɛ Gaana Eastern Region sυꞌυlυm la. Ba da duꞌanɛ Buniya nyaꞌaŋ nwarig yinne la dabisim piina yuobu yυυm tusir nɛ kɔbiswai nɛ piisyɔpɔi nɛ awai.

O eli duꞌa mɔr biis atanꞌ, birimis ayi nɛ bipυŋ yinne.

O vυm pinꞌilυg nɛ sakur yɛla

Abena Osei Asare da pinꞌili sakur n bɛ Achimota Primary sakur la ni ka yii ni tɔlis Wesley Girls High Sakur la ni linɛ bɛ Cape Coast yυυm tusir nɛ kɔbiswai nɛ awai nɛ anu la, ani ka o da zamis General Arts.

Lin nyaꞌaŋ ka o tɔlisi keŋ University of Ghana naae ka diꞌe kasɛta gbaυŋ linɛ an B. A Economics Geography, o da lɛn tɔlisi zamis University of Ghana yaꞌas naae ka diꞌe kasɛta gbaυŋ linɛ an Msc. Development Finance.

Lin yaꞌaŋ ka o tυm nɛ Chartered Certified Accountants n bɛ UK yυυma tusa yi nɛ awai la ni, tυυma la nyaꞌaŋ ka ba nɔk o paas ye o an ba nid yinne yυυma tusa yi nɛ piina naasi la ni. On da lieb tυυma la nid la ka li dɔlisi ani ka o kena tυm nɛ Institute of Chartered Accountants (ICA) banɛ bɛ Gaana la.

O mɛ lɛn mɔr kasɛta gbaυŋ linɛ an Ligidi tɔlυŋ yɛla la (Financial Markets Association).

O tυυma

Abena Osei-Asare da naae o yiiga digirɛɛ la, ka tυm yυυm yinne tis Gɔmina n bɛ Gɔmina tυυma dɔɔgin Gaana, ti Gɔmina kυdυg John Agyekum Kufour win la. On da naae ani la ka yυꞌυn tυm n an onɛ gɔsid laꞌadnam nɛ ligidi nam yɛla n bɛ New York University linɛ bɛ Gaana la, lin da yi yυυma tusa yi nɛ anaasi n ti paae yυυma tusa yi nɛ ayɔpɔi.

O da lɛn tυm nɛ Absa Bank dim ka lɛn tυm nɛ Barclays Bank Ghana, o da anɛ wada tυmtυmnib la kpɛɛm lin da yi yυυma tusa yi nɛ ayɔpɔi ti paae yυυma tusa yi nɛ awai la ni. O da lɛn tυm nɛ banɛ gɔsidi ti ligidi nam yɛla la ni li da yi yυυma tusa yi nɛ awai ti paae yυυma yi nɛ piina yi la ni.

Yυυma tusa yiꞌ la ni ka o da ziꞌen Wabug Naꞌadɔɔg la zugu nyaꞌa di ka ban da yɔꞌɔg Atiwa East linɛ bɛ Eastern Region yυυma tusa yi ne piina yi la ni ka o lɛn di.

Pɔlitiks 

Abena da ziꞌen Wabug Naꞌadɔɔg la zugu nyaꞌa di Atiwa East wadmaanib kυk linɛ bɛ Gaana Eastern Region sυꞌυlυm la yυυma tusa yi ne piina yi la ni. Ka yυυma tusa yi nɛ piina yuobu vɔt la ni la ka o lɛn di yaꞌas ka bas Asante Foster onɛ da an Maꞌasim Tiig nid la.

O paamɛ vɔtnam bam 17,399 n yi vɔt la kanl wυsa linɛ da an 22,486 kɔbiga pυυginɛ o da mɔri 77.81% vɔt. O da anɛ niŋ kpiυŋ hali bɛ wadmaanib yira ni n ziꞌenɛ tisi Atiwa East sυꞌυlυm la.  O da paasi tυm nɛ kpɛɛm banɛ gɔsid ligidi yɛla, banɛ gɔsid tυυma nɔŋir yɛla, banɛ gɔsid ninsaalib vυm bɛllim nɛ banɛ gɔsidi ti Gaana kpipiuŋ yɛla la ni wadmaanib yir la ni. O da lɛn tum nɛ Annual Auditor General's Report dim ka mɛ lɛn paas Prestigious Parliamentary Service Board(PSB) la ni.

Yυυma tusa yi nɛ piina yɔpɔi ka o da yυma piistanꞌ nɛ anii ka ba gaŋ o yɛ an Ministry of Finance and Economic Planning la kpɛɛm nyaꞌandɔl onɛ da an yiiga daan onɛ ka ba gaŋ ka o an biig bɛɛ o yυυma pɔɔd tυυm kan ni.

On minista banɛ gɔsid ligidi yɛla tυυma la nil aa, o da anɛ gɔsid ti ligidi pɛmisυg yɛla ka mɛ gɔsidi ti yυυm pυυgin wυsa ligidi yɛla. On da tum an minista nyaꞌandɔl la, o da paas banɛ gɔsid ti nami na di ti Gaana ligidi la siꞌem yυυma naasi bɛn la. O da tυm tis Gaana hali . Nana Addo Dankwa Akufo-Addo yiiga yυυma anaasi la ni.

O ziꞌenɛ ti Gaana minista nam la nɔba zug temis wυυ UN mitin kanɛ da maal SDGs nɛ ILO tυmtυmnib yɛla la. O mɛ da lɛn ziꞌen MInista nam la nɔba zug n bɛ bank nam kɔnꞌɔb-kɔnꞌɔb wυυ ADB BANK, SSNIT, NHIA and GIADE.

O vυm bɛllim

Abena anɛ Kristo biig, o anɛ Presby karimbiig. O el sidi mɔr biis atanꞌ, o mɔr ligidi linɛ an sυŋ din linɛ ka o pυd li yυꞌυr ye Waterbrook Foundation n sυŋid sakur bibis banɛ mɔr baŋir amaa ka ligidi kae la.