Amadu Bukari Sorogho

Amadu Bukari Sorogho

human

Sex or gender	male
Country of citizenship	Ghana
Date of birth	5 Sigsaa/Nwadisayuobʋ 1955
Place of birth	Ghana
Languages spoken, written or signed	English
Occupation	politician, manager, administrator
Position held	Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Educated at	University of Ghana, Ghana Institute of Management and Public Administration, World Bank Institute
Member of political party	National Democratic Congress
Religion or worldview	Islam

Amadu Bukari Sorogho anԑ Ghana pͻlitis nwԑ’ԑd. O da anԑ wadmaani tis Abokobi-Madina Constituency din yi yʋʋmtusa ayi nԑ anu yʋʋmpaal nwadig la daba ayͻpͻi daar (7 January 2005) paae yʋʋm tusa ayi nԑ piinԑ atan yʋʋmpaal nwadig la ni (06 January 2013). Din yi yʋʋm tusa ayi nԑ piinԑ atan yʋʋmpaal nwadig la daba ayͻpͻi daar (7 January 2013) paae yʋʋm tusa ayi nԑ piinԑ ayͻpͻi yʋʋmpaal nwadig daba ayuobʋ daar (6 January 2017), o da anԑ wadmaani tis Madina Constituency.

On sin’iŋ si’em nԑ o sakur yԑla

Ba da du’a Sorogho nԑ yʋʋm tusir, kͻbiswai nԑ pisnu nԑ nu nwadisa anu la daba anu daar (5 May 1955). O yinԑ Bawku, bԑ Upper East Region sʋ’ʋlim Ghana la. O da maali o bachelor of arts in political science University of Ghana yʋʋm tusir, kͻbiswai nԑ pisnii nԑ yinne (1981) ka din nya’aŋ ka o tͻlisi keŋ Ghana Institute of Management and Public Administration (GIMPA) maali o post graduate studies ka naae yʋʋm tusir, kͻbiswai nԑ piswai nԑ tan’ la ni (1993). O da di’e o Trade and Finance kasԑta gbaʋŋ yinԑ World Bank Institute, bԑ Washington yʋʋm tusa ayi nԑ awai la ni (2009).

Tʋʋma

Sorogho tʋʋma anԑ Human Resource Manager nԑ Public Relations Consultant. Fassi ka o kpԑn’ pͻlitis la, o da anԑ Human Resource nԑ Public Relations Consultant Manager tis Desimone Group Of Companies Limited bԑ Accra.

Pͻlitis

Sorogho da zi’en ma’asim tiig Na’adͻͻg, NDC nͻba zugʋ kpԑn’ wadmaanib yin yʋʋm tusa ayi nԑ anu yʋʋmpaal nwadig la (7 January 2005) zi’eni tis Abokobi-Madina Constituency. O da zi’eni tisi ba din yi yʋʋm tusa ayi nԑ anu (2005) paae yʋʋm tusa ayi nԑ piinԑ ayi (2012). Ka ban da buak constituency la. Din yi yʋʋm tusa ayi nԑ piinԑ atan yʋʋmpaal nwadig la daba ayͻpͻi daar (7 January 2013) kem paae yʋʋm tusa ayi nԑ piinԑ ayͻpͻi yʋʋmpaal nwadig daba ayuobʋ daar (6 January 2017) o da anԑ wadmaani tis Madina Constituency. O da lԑn nya’ kʋk la ya’as ka pʋ dii amaa ka Saddique Boniface Abu-Bakar onԑ an Wabʋg Na’adͻͻg, New Patriotic Party nid la diyʋʋm tusa ayi nԑ piinԑ ayuobʋ (2016) Ghana dim wʋsa vͻͻtʋg la ni. Yʋʋm tusa ayi nԑ piinԑ anii la ni (2018) o da nya’ Ma’asim tiig na’adͻͻg kʋkdaan nya’andͻl, National Vice Chairman of the NDC, amaa ka pʋ di ka Said Sinare di ka bas o.

Mԑŋ bԑllim

Sorogho mͻr pʋ’a nԑ biisa yuobʋ. O pʋ’ʋsidnԑ mͻͻm pʋ’ʋsim.