Bawku Youth Parliament

Bawku Youth Parliament

youth organization

Country	Ghana
Headquarters location	Bawku Municipal

Bawku Youth Parliament anɛ dasam nɛ pʋꞌasada laꞌasʋg kanɛ bɛ Bawku bɛ Upper East Region, Ghana. Ba pinꞌilya ka di yuug ka dasam nɛ pʋꞌasada laꞌasidi gbanꞌad gbanꞌabanɛ na sʋŋ ka temmaalʋg kena.

Youth Parliament nwa anɛ dasam nɛ pʋꞌasada banɛ bɛ Bawku zinꞌis kɔnꞌɔb kɔnꞌɔb laꞌas taaba, ka barigaŋ kaꞌasigɛ ka nɔŋgbannwaꞌar mɛ kaꞌasigɛ, asɛɛ sɔnsbanɛ mɔr nɔɔryinne nɛ temmaalʋg maꞌaa.

MCE pʋꞌʋsʋg

Bawku Youth Parliament dim pʋꞌʋs Mr Amadu Hamza ye o zusʋŋ, nɛ Zuraan Nana Akuffo Addo gaŋ o ye lieb Bawku Municipal Chief Executive (MCE) paal tis Bawku sʋꞌʋlim wʋsa.

Dasam nɛ pʋꞌasada la, sɔb gbaʋŋ kanɛ ka Mr Abdulai Majeed Wintimah tik ka yisi tis GNA Bawku paꞌal ye "nidib la bas MCE la suor siꞌem la paꞌal dunia la nɔɔryinne kanɛ ka Bawku dim mɔr laꞌanɛ daʋŋ kanɛ bɛ nidib la sʋʋgʋn la.

"Di paꞌal ye nidib la nɔki ba tiꞌiri niŋ Mr Amadu Hamza ka pʋꞌasada nɛ dasam la nɛ Bawku dim wʋsa niŋ yadda ye o anɛ onɛ bɔɔd temmaalʋg onɛ on da tʋm siꞌem yʋʋmbanɛ gaad la. Ba ye biꞌesʋg kae ye zuraan gaŋir la anɛ nidib la wʋsa bɔɔdim nɛ Municipality la nɔbigir yɛla".

Ban sɔsid Winaꞌam tisid MCE la, dasam nɛ pʋꞌasada la pɛsigi ba mɛŋ ye ba sʋŋ o ka temmaalʋg kenꞌ Bawku Municipal nɛ Upper East wʋsa na.

Wadmaan tiakir

Bawku dasam nɛ pʋꞌasada ye Wadmaankanɛ bɛ la ziꞌenɛ tis constituency la wadmaannib yin vɔɔtʋg anaasi banɛ gaad la ka ba zɛrig o hali ye gʋꞌʋŋnɛ ka pʋ nyaŋi mɔr temmaalʋgʋ ken sʋꞌʋlimin la naa, laꞌanɛ on da tʋm minister kɔnꞌɔb kɔnꞌɔb tʋʋma, gɔmena kanɛ gaad la. On pʋ maal siꞌel la kɛya ka dasam nɛ pʋꞌasada banɛ bɛ constituency la sunf sanꞌam hali ka ba ziꞌ ban na maal siꞌem ka bɔɔd tiakir.

Nɛꞌ zug ka dasam nɛ pʋꞌasada banɛ bɛ Bawku Central constituency la ied tiakir ye ba paam wadmaan kanɛ na tiak constituency la ka mɔr temmaalʋg kenꞌ sʋꞌʋlimin nɛ nɛ tɛɛnsbanɛ kpiꞌe di.