Dominic Azimbe Azumah

Dominic Azimbe Azumah

human

Sex or gender	male
Given name	Dominic
Date of birth	1 Yʋʋmpaal/Nwadisayi 1950
Place of birth	Garu
Occupation	politician, accountant
Position held	Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana, Member of the 2nd Parliament of the 4th Republic of Ghana, Member of the 1st Parliament of the 4th Republic of Ghana
Educated at	Local Government tʋʋma zin'ig
Member of political party	National Democratic Congress
Religion or worldview	Christianity

Dominic Azimbe Azumah (du'am yʋʋm anɛ 1 January 1950) anɛ Ghana nid onɛ an politiks daan onɛ da an yiiga nɛ ayi' nɛ anaasi nɛ anu nɛ ayuobu daan M.P. tis Fourth Republic of Ghana. O da an Garu-Tempane Constituency dinɛ bɛ Upper East Region la M.P bɛ Ma'asim-tiig party ka ba ye National Democratic Congress Na'asaalin la

O du'am nɛ o Sakur yɛla

Azumah du'am yʋʋm anɛ 1 January 1950. O nɔbignɛ Garu, teŋbil banɛ bɛ Upper East Region bɛ Ghana la. O da keŋnɛ Institute of Local Government Studies, Ghana ka paam kasɛta bɛ Local Government Administration ni

O nu'ug tʋʋm

Azumah anɛ Accountant (banɛ kaan ligidi bankin la).

O Politiks yɛla

Azumah anɛ Ma'asim-tiig dinɛ ka ba buon ye NDC la nid. O yiiga na'am ka o di MP bɛnɛ January 1993 dinɛ ka ba da vɔɔt 1992 MP nam vɔɔtʋg la. O da bɛnɛ ani ti paae December 2000 ka Akuka Albert Alalzuuga, yʋ'ʋn kena di'e ka bas o, ka o lɛn keŋ zi'en o kɔn'ɔnkɔn' ya'as. O da nya' na'am bɔɔd MP o teŋin 2004 vɔɔtʋg la, ka paam kuk la yʋ'ʋn da an MP bɛ, 4th parliament tis 4th Republic of Ghana bɛ January 2005 yʋʋm la ni. Onɛ da an MP ti paae 6 January 2017. Akuka Albert Alalzuuga da di'e kuk la o nu'usin onɛ mɛ da an NDC nid. Yʋʋm tusa ayi' nɛ piinɛ ayi' la ni (2012), Azumah da an MP nɛ Minister of State tis Atta Mills yʋʋm la ni.

O Vɔɔt yɛla

On ka ba da vɔɔt o ye o an MP tis yiiga MP bɛ gɔmɛnanam anaasi Ghana nwa ni 7 January 1993, banɛ da vɔɔt 1992 Ghana MP nam vɔɔtʋg kanɛ da maal 29 December 1992 la ni. On da li 2000 yʋʋm vɔɔtʋg la ni, Azumah da lɛm di kuk la an MP tis Garu-Tempane sʋ'ʋlʋm bɛ Upper East Region, Ghana bɛ 2004 yʋʋm vɔɔtʋg la ni nɛ Ma'asim-tiig pati. O sʋ'ʋlʋm la da an dinɛ pɛ'ɛs sʋ'ʋlʋmnam 9 banɛ di Mp bɛ Ma'asim-tiig paati yit sʋ'ʋlʋmnam 13 banɛ bɛ Upper East Region nwa ni.

Ma'asim tiig Na'adɔɔg la, National Democratic Congress da di kʋgʋs bi'ela dinɛ an piswai nɛ anu (94) yi kʋgʋs kɔbisyi nɛ pistan' pʋʋgin (230). O da paam vɔɔt tusa piinɛ nii nɛ kɔbisyɔpɔi nɛ anu (18,705) yi vɔɔt la wʋsa an tusa pistan' nɛ naasi nɛ pisi pʋʋgin (34,020). Nɛ' da zɛmnɛ pisnu nɛ nu kɔbiga pʋʋgin (55%) yi vɔɔt la wʋsa pʋʋgin. Ba da vɔɔti tis o ka bas Pullam William onɛ bɛ Peoples’ National Convention, Joseph Akudbilla onɛ bɛ Wabʋg Na'adɔɔg, New Patriotic Party ni la nɛ Anabah Joseph Benibah onɛ bɛ Convention People's Party. Bama wʋsa da paamnɛ vɔɔt tusir yinne nɛ kɔbis nii nɛ pisyɔpɔi nɛ nii (1,878), vɔɔt tusa piinɛ atan nɛ pisyuobʋ nɛ ayɔpɔi (13,067) nɛ vɔɔt kɔbistan' nɛ pisyɔpɔi (370) nwɛnɛ ba yʋda la dɔl taaba si'em la. Ba vɔɔt la zɛmnɛ anu du'ali anu kɔbiga pʋʋgin 5.5%), pistan nɛ anii du'al anaasi kɔbiga pʋʋgin (38.4%) nɛ yinne du'al yinne kɔbiga pʋʋgin (1.1%) nwɛnɛ ba yʋda la dɔl taaba si'em la.

O pʋ'ʋsʋm yɛla

Azumah anɛ Kristo biig (Catholic). O di pʋ'a ka mɔr biis

anaasi.