Dzifa aku attivor

Dzifa Ativor

ninsaal

Sex or gender	pua
Country of citizenship	Ghana
Yu'ur Kane ka ba tis o	Dzifa
Zak yu'ur	Ativor
Du'am yuum	22 Fulumfug/Nwadisatan' 1956
Date of death	15 Sapal/Nwadispii nɛ ayi 2021
Place of death	Accra
Languages spoken, written or signed	English
Tuuma	politician, minister
Position held	Minister for Transport and Telecommunications
Educated at	Kpedze, Peki, Century University
Academic degree	bachelor's degree, master's degree
Academic major	Administration, human resource management
Start of work period	2009
End of work period	2015
Member of political party	National Democratic Congress (NDC)
Religion or worldview	Congregational churches

Dzifa Aku Attivor (22 Fulumfug 1956-15 Sapal 2021) da anɛ Ghanaian politiks nwɛnꞌɛd nɛ kpikpin. Onɛ da gɔt souken lʋgʋr, Ministry of Transport, Ghana ti paae Samanpiid 2015 kꞌo sig ka li anɛ ye o zaŋ gobina lɔɔm sɔbi tabili li, controversial bus re-branding contract. dinɛ pʋ dɔlis wada suorɛ. President John Mahama da gaŋ o Fulumfug 2013 Ghanaian general election Samanpiid nwadig la 2012 la nyaꞌaŋ.

O vʋm pinꞌilʋg nɛ o sakur ken

Dzifa Aku Attivor da duꞌanɛ 22 Fulumfug nwadig la 1956. O da pinꞌili o sakur nɛ Evangelical Presbyterian Primary School n bɛ Abutia-Teti lin zaŋ 1960 ti paae 1970. O keŋ nɛ Kpedze Secondary School nɛ Peki Secondary School 1970 yʋʋm la ti paae 1975 yʋʋm la, sukuya ayi nwa bɛnɛ Volta Region, Ghana. O da keŋ Government Secretarial  School n zamisi yi nyain nɛ Stenographer Secretary kasɛta gbaʋŋ 1981 yʋʋm la ni. Lin nyaꞌaŋa, o da zamisi diꞌe Secretarial Secretarial Silver Diploma, Pitman College UK teŋ la ni. O sakur kasɛta gbana yinɛ American Century University, ani kꞌo diꞌe Bachelor of Science degree in Administration 2007 yʋʋm la ni nɛ master's degree Human Resource Management kasɛta gbaʋŋ 2012 yʋʋm la ni.

O tʋʋma yɛla

Attivor da tʋm nɛ ligidi zanlim lʋgʋr, Bank of Ghana la 1976 yʋʋm la ti paae 2003 yʋʋm la ni. Zinꞌi kan la, onɛ da sʋꞌoe tʋʋma la vɛɛnsʋg yɛla sɔb, ka da lɛn an onɛ da tʋmɛ sʋŋid tʋʋma la kpɛm-titada kɔnꞌɔb-kɔnꞌɔba  atanꞌ Deputy Governors ba yin-yin tʋʋma saŋa ni. O da yuolim lɛn tʋm sʋŋ kpɛɛm kanɛ da gɔsid tʋʋma kan,bank la zinꞌig la yɛla wʋsa ni.

Suoken lʋgʋr la kpɛɛm

Attivor da bɛnɛ nɛ Maꞌasim Tiig Naꞌadɔɔg, National Democratic Congress la. O da nyaꞌa Ho West Constituency, NDC vɔɔtʋg la 2008 yʋʋm la ni, amaa o da kɔꞌɔŋi li tis nɛ Emmanuel Kwasi Bedzrah onɛ da ti di Samanpiid nwadig, 2008 yʋʋm la vɔɔtʋg la ni. Amaa President John Atta Mills da gaŋ o niŋ o Deputy Minister for Transport din da yi 2009 yʋʋm la ti paae Yʋʋmpaal nwadig la 2012 yʋʋm la ni. John Dramani Mahama da lieb zugraan nɛ naae la, o da kɛ kꞌo lieb Minister for Transport kpɛɛm. o da kɛɛs gɔbina tʋʋma la bas nɛ Samanpiid nadig la 2015 yʋʋm la ni, ka li dɔlisnɛ gɔbina lɔɔm, buses kꞌo da gʋlisi li zug ka li da pʋ dɔlis wada suorɛ.

Dedefund

On da bas gobina tʋʋma la myaꞌŋ, o da kpɛnꞌɛ o mɛŋ kpikpiŋ tʋʋma ni. O m da lɛn yɔꞌɔgi a sʋꞌʋ m mɛŋ tʋʋma zinꞌig ka li yʋꞌʋr da an ”Dedefund”, lin kꞌo da naam ye li sʋŋ biis banɛ mɔr baŋir ka tadimis lɛɛ bɛɛ ba, puꞌab mɔɔr zinꞌigin nɛ bipɔla, NGO la mɛ gɔsid kʋkɔma 120 banɛ da paam tiꞌebig ka bɛ schohaven teŋi nɛ bɛ Ho, Volta Region la.

Sʋꞌʋlim la kʋkraan

Attivor da nie o pʋtnꞌɛri paalʋ ka da zuŋi li ye o nyaꞌa sʋꞌʋlim la National Democratic Congress party la kʋkraan Motul nadig la 2018 yʋʋmla ni. O pinꞌa zug da anɛ ye o na tiak malʋŋ kan an ye dap maꞌa zal tʋʋm kan la ka puꞌab mɛ diꞌe li, o mɛ da lɛn sabis, gɔbina kanɛ da bɛ saŋ kan la nɛ on da pʋ tʋm ka li dɔlisi o nɔdigilig, promises la, amaa o da kɔꞌɔŋ vɔt la, ka lɛɛ da saꞌal paati la nidib n banɛ sʋŋid la ye ba niŋ nɔɔr yinne, kuꞌol guum n sʋŋ onɛ di yaꞌan la kɛ ka paati, party la ti di yaꞌan. O da kɔꞌɔŋ vɔt la nɛ, Senloŋ nwadig la 2018 yʋʋm la ni nɛ vɔtnam 374 ka onɛ da di, John Kudzo Gyapong n aan ba wadmaan la da paam vɔtnam 491, votes.

Kateŋ tʋʋma

Ba da gaŋ Attivor kꞌo an ECOWAS Medical Village (EMV) nɛ Eco-medical kʋkraan, o da diꞌe li I yi nɛ Peter Ahiekpor onɛ da an zinꞌig la kpɛɛm nɛ li kʋkraan la, ka ba lɛɛ da vuug o yis ani tis o kpɛŋ, CEO ka Attivor da niŋ medical project la kʋkraan. EMV anɛ a sʋꞌʋ m mɛŋ tʋʋma lʋgʋr kanɛ gbanꞌae ye li ziꞌel sibiti kanɛ an sʋm hali ka li na tiꞌebid nidib banɛ yit ninsabilis teŋgbaʋŋin, West Africa ied tiꞌebʋg South Africa, North America, Europe, Cuba nɛ India. O tʋʋm da anɛ ye o gɔs ka EMV's formation la naamʋg la ziꞌen. Ba da mɛ tiꞌebʋg zinꞌig la nɛ 40-acre paalʋ zug Accra, Ghana, nɛ satellite sibitinam ninsabilis teŋgbaɔŋin zink wʋsa. Tiꞌebʋg zinꞌig la mɛ lɛn tisid tiima, a na niŋ siꞌem paae ani nɛ tiꞌebʋg paamʋg laꞌad teŋgbaʋŋ, subregion la ni.

O vʋm bɛllim

Attivoe da kul nɛ Raphael Napoleon Kwaku Attivor, onɛ da kpi 2019 yʋʋm la ni. O da mɔr biisa atanꞌ, ka da bɛnɛ Evangelical Prebyterian Church, Ghana.

Attivor da kpi nɛ Sapal nwadig la dapiinɛ ayuobʋ daar,2021 yʋʋm la ni, University of Ghana Medical Centre la ni, ka li anɛ ye banꞌasi da gbanꞌa o saŋa biꞌela pʋʋgʋn on da an yʋʋma 65 la.

Gɔsim nɛꞌ yaꞌas

• ·       List of Mahama government ministers

• ·       National Democratic Congress