Ebenezer Begyina Sekyi Hughes
| Sex or gender | Dau  |
|---|---|
| Country of citizenship | Ghana |
| Yu'ur Kane ka ba tis o | Ebenezer |
| Du'am yuum | 4 Sɛnlʋŋ/Nwadispiigin 1939 |
| Duam zin'ig | Cape Coast |
| Languages spoken, written or signed | English |
| Tuuma | solicitor, barrister, politician |
| Position held | Member of the Parliament of Ghana |
| Educated at | University of Ghana |
Ebenezer Begyina Sekyi Hughes (Ba da duꞌa o nɛ yʋʋm tusir, kɔbʋswai nɛ pistanꞌ nɛ wai nwadis awai la daba anaasi daar, 4 September 1939) ka o da ane gɔmena wada maanib kpɛɛm (Speaker of the Parliament of Ghana) yʋʋm tusayiꞌ nɛ anu la ni, (2005) kem paae yʋʋm tusayiꞌ nɛ awai la ni (2009).[1]
On sinꞌiŋ siꞌem
[dɛmisim gbɛlima | dɛmisimi din yi zin'isiana]Ba da duꞌa Ebenezer Sekyi-Hughes nɛ yʋʋm tusir, kɔbʋswai nɛ pistanꞌ nɛ wai nwadis awai la daba anaasi daar, (4 September 1939) bɛ Cape Coast,[2] line bɛ Central Region sʋꞌʋlim, Ghana. Lin yi yʋʋmtusir, kɔbʋs wai nɛ pisnaasi nɛ anu la ni (1945) kem paae yʋʋm tusir, kɔbʋswai nɛ pisnuꞌ nɛ atanꞌ la ni to (1953),
O sakur yɛla
[dɛmisim gbɛlima | dɛmisimi din yi zin'isiana]O da pinꞌil o sakur kennɛ Cape Coast Government dasam sakur la ni (line yʋn an Philip Quaque dasam sakur la). Philip Quaque, da pinꞌil sakur nwaꞌ yʋʋm tusir, kɔbʋs yɔpɔi nɛ pisyuobu nɛ ayʋobu la niꞌ (1766), onɛ da an yiiga sɔb, ninsabilis teŋin ka Anglican winpʋꞌʋs dɔɔg dim da maal o kpɛɛm.[3] O da keŋ o secondary education nɛ Adisadel College, yʋʋm tusir, kɔbʋswai nɛ pisnuꞌ nɛ anaasi la nii (1954) keŋ paae yʋʋm tusir, kɔbʋs wai nɛ pisyuobu la ni (1960). Yʋʋma tusir, kɔbʋswai nɛ pisyuobu nɛ yinne la ni (1961), O da paam suori keŋ University of Ghana, Legon, ka da zamisi paam Bachelor of Arts kasɛta gbaʋŋ yʋʋm tusir, kɔbʋswai nɛ pisyuobu nɛ anaasi la ni (1964).[4] O da tɔlisi keŋ Ghana School of Law, zamisi yina nɛ kasɛta gbaʋŋ (LLB) yʋʋm tusir, kɔbʋswai nɛ pisyuobu nɛ ayuobu la ni (1966).[2]
Ebenezer Sekyi-Hughes da kilim Ghana kɔɔtʋ ni tʋmtʋm, da anɛ barrister nɛ solicitor tis nɛ Supreme Court of Ghana yʋʋm tusir, kɔbʋs wai nɛ pisyuobu nɛ ayuobu la ni (1966). O da tum kɔɔtɔ tʋʋma nɛ wada tʋʋma bɛ Accra nɛ Takoradi linɛ bɛ Western Region sʋꞌʋlim la yʋʋmtusir, kɔbʋs wai nɛ pisyuobu nɛ ayuobu nwadis piiga la ni (October 1966).[4] O da paam kpɛŋ kanɛ yʋʋri buon Notary Public yitnɛ Ghana banɛ gɔsid wada tʋʋma kpɛɛm (Chief Justice of Ghana) yʋʋmtusir, kɔbʋs wai nɛ pisyɔpɔi nɛ anaasi la ni (1974).[2] O da nɔbigi lieb Senior Advocate yʋʋmtusir, kɔbʋs wai nɛ piswai la ni (1990). Sekyi-Hughes da anɛ Western Region sʋꞌʋlim kpɛɛm tis Ghana Bar Association yʋʋmtusir, kɔbʋs wai nɛ pisyɔpɔi nɛ ayɔpɔi la ni (1977) kem paae yʋʋmtusir, kɔbʋs wai nɛ pisnii la ni (1981). O da paas Judicial Council of Ghana yʋʋm kan la.[4] Sekyi-Hughes tɛŋ naꞌanam nɛ o tɛŋ nidib (Western Region sʋꞌʋlim) da gaŋ o ye o paasi saꞌan Ghana teŋ nɔbigir yɛla (Council of State of Ghana), yʋʋm tusayiꞌ nɛ yinne la ni (2001).[2] On da nyaꞌ naꞌadɔɔg First National Vice-Chairman ka da kɔꞌɔŋ yʋʋmtusir, kɔbʋs wai nɛ piswai saŋa la (1990), o da kpɛn bɛ o naꞌadɔɔg la niꞌ, nɛ on ti nyaꞌ naꞌam ka yʋꞌʋn diꞌ yaꞌan, ka da an National Council of Elders ka lin nyaꞌaŋ ka ba gaŋ o ye o an Ghana wada maanib kpɛɛm (Speaker of Parliament), naꞌadɔɔg kanɛ yʋꞌʋri buon NPP naꞌam saŋa la.
Mɛŋ bɛllim
[dɛmisim gbɛlima | dɛmisimi din yi zin'isiana]Sekyi-Hughes Mɔr pʋꞌa nɛ biis ayuobʋ.[4]
Gbanvɛɛnsa
[dɛmisim gbɛlima | dɛmisimi din yi zin'isiana]- ↑ https://web.archive.org/web/20090117074611/http://news.myjoyonline.com/politics/200901/24711.asp
- 1 2 3 4 https://web.archive.org/web/20070927045829/http://www.parliament.gh/leadershipdetails.php?id=0003
- ↑ https://www.graphic.com.gh/features/features/philip-quaque-school-carries-history-of-ghana-s-education.html
- 1 2 3 4 http://www.ghanaweb.com/GhanaHomePage/people/pop-up.php?ID=233