Elizabeth Ofosu-Adjare

ninsaal
Sex or gender	pua
Country of citizenship	Ghana
Name in native language	Elizabeth Ofosu-Agyare
Yu'ur Kane ka ba tis o	Elizabeth
Zak yu'ur	Ofosu, Agyare
Du'am yuum	1 Dɔnwalig/Nwadisanaasi 1974
Duam zin'ig	Berekum
Father	Isaac Kwadwo Adjei Mensah
Languages spoken, written or signed	English, Bono, Twi
Tuuma	politician, minister
Position held	Member of the 8th Parliament of the 4th Republic of Ghana
Educated at	St Monica's Senior High School, Kwame Nkrumah University of Science and Technology, University of Ghana, Ghana lɔyanam sakur
Academic degree	Bachelor of Arts, Bachelor of Laws
Academic major	social science, law
Work location	Techiman North District
Start of work period	2013
Member of political party	National Democratic Congress (NDC)

Elizabeth Ofosu-Adjare (March 1, 1974) anɛ Gaana lɔya nɛ pɔlitiks nwɛꞌɛdi. Pirɛsidɛn John Mahama da gaansi o nidib ye ba tʋmi o gɔmena la ni yʋʋm tusa ayi nɛ piinɛ atan (2013) la ka gaŋ o ye o an Minista tis Tourism, Culture and Creative Arts. O anɛ Maꞌasim tiig Naꞌadɔɔg la (National Democratic Congress).^[1]^[2]^[3]^[4] Nannanna o anɛ Wadmaani paas Gaana Wadmaanib yikanɛ paasi anii la, Gaana Republic ka nɛ paasi anaasi la ni tis Techiman North Constituency sʋꞌʋlim dim.

On sinꞌiŋ siꞌem nɛ sakur yɛla

Elizabeth Ofosu-Adjare an onɛ paasi atan o duꞌadib bipumis piiga la pʋʋgin. O duꞌadib anɛ Girimadaan Adjei-Mensah onɛ an lɔya, kpikpin nɛ Pɔlitiks nwɛꞌɛd nɛ o pʋꞌa Adjei-Mensah onɛ an kpikpin. O da keŋnɛ St Monica's Secondary School bɛ Mampong, Kumasi sʋꞌʋlim la, ani ka da maali o O & A level certificates. Elizabeth Ofosu-Adjare da tɔlisi keŋ Kwame Nkrumah University of Science and Technology ka paami Bachelor of Arts in Social Science kasɛtta gbaʋŋ. O da lɛn tɔlisi keŋ University of Ghana, Legon zamis lɔyanam yɛla tʋgʋ tuon ka diꞌe LLB yʋʋm tusa ayi nɛ ayi (2002) la ni. Din nyaꞌaŋ ka o maali o degree in law yʋʋm tusa ayi nɛ ayi (2004) la ni.^[5]

Tʋʋma

Mrs. Elizabeth Ofosu-Adjare da pinꞌili o lɔya tʋʋmanɛ Holy Trinity Chambers n bɛ Kumasi, Ashanti Region la yʋʋm tusa ayi nɛ anaasi (2004) la ni ka tɔlis onɛ sʋꞌoe zinꞌig la yinne. O da lɛn an Lɔya (lawyer) tis Legal Aid Scheme, Ashanti Region. o paas banɛ gɔsid Multi Trust Financial Company kanɛ bɛ Kumasi la, din yi yʋʋm tusa ayi nɛ anaasi (2004) paae zina. Nannanna o lɛn paas banɛ gɔsid Federation Commodities Limited.^[6]

Gaana pirɛsidɛn da lɛn gaŋ o ye paas banɛ gɔsid Tema Oil Refinery yʋʋm tusa ayi nɛ awai (2009) ni. Ka o tʋm paae yʋʋm tusa ayi nɛ piinɛ atan (2013). Pirɛsidɛn John Mahama da gaŋ Elizabeth Ofosu yʋʋm tusa ayi nɛ piinɛ atan Nwadisa atan la yiiga daar(1 March 2013) la ni ye o an Minista tis Tourism, Culture and Creative Arts zinꞌikanɛ ka ba nan maal paal.

Pɔlitiks tʋʋma

On da an minista tis Tourism, Culture & Creative Arts la yɛla. Pirɛsidɛn John Mahama da gaŋ Elizabeth Ofosu yʋʋm tusa ayi nɛ piinɛ atan Nwadisa atan la yiiga daar(1 March 2013) la ni ye o an Minista tis Tourism, Culture and Creative Arts zinꞌikanɛ ka ba nan maal paal.

On da an minista la,o da tʋmya nɛ lʋga piinɛ anaasi (14) Agencies ka pinꞌil innovative,novelty tourism programsi paas Ghana's Tourism products & Offerings.

ExploreGhana project

Dinɛ nar nɛ pʋdigir anɛ ExploreGhana project ka o da zuŋi di yʋʋm tusa ayi nɛ piinɛ anaasi (2014) ye di kɛ ka nidib mɔr bɔɔdim tisi akaae zinꞌivɛnla Gaana kpɛla.^[7] Zuŋir la nyaꞌaŋ yʋma atan. Gaana zinꞌi vɛnlla la da nyɛ ka labadiꞌesidib nɛ zinꞌis kɔnꞌɔb kɔnꞌɔb piaꞌadi di yɛla. Ka kɛ ka teŋ la nidb gɔsid zinꞌivɛnlla sʋꞌʋŋa, paan zinꞌis la sʋm, ka di mɔr nyɔɔdi tis Gaana nɛ tɛɛns banɛ kpɛlim la.^[7]

National Festival for Arts & Culture

Buudi malʋŋ titaꞌakanɛ nar pianꞌʋk anɛ on da pinꞌil tigir malʋŋʋ tis Ga State la. Ghana pinꞌil, nɛꞌɛ da an yiiga ka lʋgʋkaŋa nyaŋi maal tigir malʋŋ kaŋa Ankara sʋꞌʋlim, Greater Accra Region. o da lɛn tiak National Festival for Arts & Culture (NAFAC)^[8] ka Ghana Carnival da sinꞌiŋnɛ sankanɛ ka o kpɛn ɔfis la.^[9] Onɛ da lɛn pinꞌil Tourism levy secretariat la ye di sʋŋ Tourism lampo an yinne kɔbiga pʋʋgin la (1%) diꞌesʋg nɛ yɔɔb. Lampo la da sʋŋya ka ba paam ligidi tʋm sʋꞌʋlim la tʋʋma da kas kas anɛ di tuon ken yɛla.^[10]

Film Bill

Dinɛ ka Ofosu-Adjare da lɛn nyaŋi tʋm on da an Wadmaan la anɛ on da sʋŋ banɛ kpiꞌed bɛɛ yaꞌabid nam tʋʋma nɛ ba tʋʋma zinꞌig. O da kɛya ka ba sinꞌiŋ Film Bill, dinɛ da keŋ Wadmaanibin ka ba tik ka di lieb wada la. Wad paal kaŋa da keŋi tiak wadkʋdʋg kanɛ da bɛ yʋʋm tusir kɔbiwai nɛ pisyuobʋ nɛ yinne la (Act of 1961) yiiga la ka bʋnkaŋa buudi naam ka Film and Television sʋꞌʋlim la paam wada ye ba tʋm Gaana.^[11]

On da wien lɛb Seychelles

O da gaad nimbanɛ ka gɔmena da tʋm la tuon (Government Delegation ) ye ba biꞌel Kambʋn Naꞌab Asantehene Otumfuo Osei Tutu II keŋ Seychelles Islands zinꞌikanɛ ka ba da kad Kambʋn Naꞌab (King of Ashanti), Nana Prempeh I kpɛnꞌɛs mɔɔg sankanɛ ka Kambumis nɛ Naꞌasaanam da zabid yʋʋm tusir nɛ kɔbis wai la (Ashanti-British war in 1900). Dinɛ da an yiiga ka Kambʋn Naꞌakanɛ nan zinꞌi kʋk la zug kaae Seychelles Islands.^[12]^[13]

Naꞌasaa teŋ tʋʋma

Tɛɛns kɔnꞌɔb kɔnꞌɔb tʋʋma ni, o mɔr Gaana zinꞌivɛnlla la keŋ zinꞌis kbɛdigʋ nwɛnɛ World Travel Market, International Tourism Bourse (ITB), FITUR International Travel Fair, Vakantiebeurs Holiday Fair, & China Outbound Tourism & Travel Market (COTTM). Gaana Zinꞌivɛnla la nan ziꞌi nyɛ kuosʋg anwa nwɛnɛ on da bɛ ɔfis la nɛ o yiib la yʋma nyaꞌaŋ yʋma atan.^[14]

O da pianꞌa tisi o taaba banɛ bɛ ninsabilis teŋin nɛ United Nations World Tourism Organization (UNWTO) ye ba kɛ ka ba maal Brand Africa conference Ankara, Ghana kpɛla yʋʋm tusa ayi nɛ piinɛ anu Nwadisa anii la ni (August 2015).^[15] Nidibi miꞌ o nɛ tʋʋmkanɛ ka o tʋm International Tourism yɛla la da kɛya ka ba da vɔɔt Gaana paas Executive Council tis UN Tourism body di UNWTO Session kanɛ paas pisi nɛ yinne la (21st) Medellini bɛ Colombia.^[16]

Laꞌasbanɛ ni ka o tʋm

O da paas laꞌaskanɛ gɔsid nimmaꞌasim yɛla la (Health Committee) nɛ laꞌaskanɛ gɔsid tʋʋma nyɛɛm yɛla la (Appointments Committee).^[17]

Mɛŋ bɛlim

O ɛlnɛ Lawrence Ofosu-Adjare. O anɛ Isaac Kwadwo Adjei-Mensah da kpi la, onɛ da an Minista gɔsid kuꞌom, tʋʋma nɛ ya yɛla Rawlings gɔmena la ni, ka da an Wadmaani tis Techiman North zinꞌikanɛ ka o nan an wadmaan la.^[18]^[19]

Gbanvɛɛnsa

[1] ttp://www.graphic.com.gh/lifestyle/life/elizabeth-ofosu-agyare-minister-of-tourism-culture-creative-arts.html

[2] ttps://web.archive.org/web/20130217062904/http://www.ghana.gov.gh/index.php/news/general-news/19791-more-ministerial-nominees-appear-before-parliament

[3] ttp://ghanapoliticsonline.com/minister-defends-john-dumelos-appointment/

[4] ttps://ghanapoliticsonline.com/minister-defends-john-dumelos-appointment/

[5] ttps://web.archive.org/web/20180224085000/http://www.motcca.gov.gh/index.php/2013-08-15-03-06-30/minister

[6] ttps://web.archive.org/web/20230326201641/https://3news.com/e-levy-can-be-passed-by-npp-with-their-slim-majority-but-ndcll-still-oppose-it-ndc-mp/

[:0-7] 1 2 https://www.graphic.com.gh/news/general-news/explore-ghana-initiative-launched.html

[8] ttps://www.ghanaweb.com/GhanaHomePage/entertainment/National-Festival-of-Arts-Culture-opens-in-Accra-483198

[9] ttps://web.archive.org/web/20160706163535/http://www.africanews.com/2016/07/04/ghana-carnival-2016-showcases-sub-regional-and-caribbean-culture/

[10] ttps://www.modernghana.com/news/602356/gta-inaugurates-tourism-fund-secretariat.html

[11] ttp://citifmonline.com/2016/12/mahama-signs-ghana-film-bill-into-law/

[12] ttps://www.graphic.com.gh/news/general-news/asantehene-goes-to-seychelles-islands.html

[13] ttp://www.seychellesnewsagency.com/articles/2777/Ghanas+Ashanti+king+set+to+visit+royal+familys+former+site+of+exile+in+Seychelles

[14] ttps://www.modernghana.com/news/635226/un-branding-africa-conference-launched.html

[15] ttps://www.mfa.gov.cn/ce/cegh//eng/zjgx/zzwl/t1206972.htm

[16] ttps://visitghana.com/page/45/?p=pjfx36nm

[17] ttps://www.parliament.gh/mps?mp=210

[18] ttps://www.modernghana.com/news/638713/photos-exclusive-events-ghana-ltd-mourns-with.html

[19] ttps://gbcghana.com/1.4379166

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]