Kobina Tahir Hammond

Kobina Tahir Hammond

human

Sex or gender	male
Country of citizenship	Ghana
Name in native language	Kobina Tahir Hammond
Given name	Tahir
Family name	Hammond
Date of birth	16 Sigir/Nwadisayɔpɔi 1960
Place of birth	Asokwa
Languages spoken, written or signed	English
Occupation	lawyer, politician
Educated at	University of Ghana, Gray's Inn
Work location	London
Member of political party	New Patriotic Party
Candidacy in election	2020 Ghanaian general election
Religion or worldview	Islam

Kobina Tahir Hammond anɛ Ghana pɔlitis nwɛ’ɛd. O anɛ wadmaan n paas wadmaanib yir linɛ paas atan’, anaasi, anu, ayuobʋ, ayɔpɔi, nɛ anii la ti Ghana Republic linɛ paas anaasi la ni n tis Adansi-Asokwa linɛ bɛ Gaana Ashanti Region sυ’υlυm la. O anɛ wabʋg Na’adɔɔg la nid. Ba da du’a o nɛ Burnya nya’aŋ nwaris anu la li dabisim pii nɛ yuobʋ yʋma tusir nɛ kɔbiswai nɛ piisyuobʋ la ni.

O vυm pin’ilυg nɛ o sakur yɛla

Ba da du’a Hammond nɛ Burnya nya’aŋ nwarisa anu la li dabisim pii nɛ yuobʋ yʋma tusir nɛ kɔbiswai nɛ piisyuobʋ la ni. O yinɛ Asokwa tempʋʋg linɛ bɛ Ghana Kumasi sυ’υlυm la. Hammond pin’li o sakuri n bɛ Adisadel College la ni. O da tɔlisi keŋ University of Ghana naae ka di’e digirii kasɛta gbaυŋ linɛ an Law nɛ Political Science la. O da di’e Digirɛɛ la nɛ yυma tusir nɛ kɔbiswai nɛ pisnii nɛ ayuobʋ la ni. O mɛ da keŋ Gray's Inn sakur la ni linɛ bɛ London UK la n zamis wada (Law) yɛla yυma tusir nɛ kɔbiswai nɛ piiswai nɛ yinne la ni.          

Tυυma

Hammond da anɛ tυmtυm n bɛ Chancery Chambers linɛ bɛ London la.

O pɔlitis Nwɛᛌɛb

Hammond anɛ Wabυg Na’adɔɔg la nid. Burnya nya’aŋ nwarig yinne la yυma tusa ayiᛌ nɛ yinne la ni ka o da lieb wadmaan vɔt kanɛ da maal yυma tusa ayiᛌ, Bυrnya nwarig la ni. O zi’in kυk la zug hali nɔɔra nu. O anɛ wadmaan n tis Adansi-Asokwa sυ’υlυm la. O da anɛ wadmaan n paas wadmaanib yir linɛ paas atan’, anaasi, anu, ayuobu nɛ ayɔpɔi, la ti Gaana Republic linɛ paas anaasi. Ka yυυma tusa yi nɛ piisi la vɔt la ni ka ba da lɛn vɔt ka o di ya’as wadmaan yir linɛ paas anii la ni Gaana Republic linɛ paas anaasi la ni. Kobina da paas kpɛɛm banɛ gɔsid ligidi nam yɛla la ni ka mɛ da lɛm paas kpɛɛm banɛ gɔsid Mines and Energy la ni wadmaan yir linɛ da paas ayɔpɔi nɛ anaasi la ni Gaana Republic linɛ paas anaasi la.    

Vɔt la da keŋ si’em

Yυυma tusa la ni ka ba da vɔt ka Hammond di Adansi-Asokwa linɛ bɛ Gaana Ashanti Region sυ’υlυm wadmaanib kuk la. O da zi’enɛ Wabυg Na’adɔɔg la zugu nya’a di. O sυ’υlυm la mɛ da paas sυ’υlυm nam bam piistan’ nɛ yinne banɛ an Wabυg dim ka da di yυυm kanna n yi sυ’υlυm nam bam piistan’ nɛ atan’ banɛ bɛ Ashanti Region la. Wabυg Na’adɔɔg la da paam wadmaanib bɛdigu n gaad na’adɔɔg banɛ da kpɛlim la ba da mɔri wadmaanib bam piiswai nɛ awai n yi wadmaanib kanl wυsa ni linɛ da an tusa yi la. O da paam Vɔt wυυ bam 10,306 n yi kanl la wυsa ni linɛ da an 19,407 la. Kɔbiga pυυginɛ o da mɔri 54.4%. Onɛ Theresa Mensah Ma’asim Tiig Na’adɔɔg nid, Nana Yaw Frimpong anɛ an People's National Convention la nid, Kwame Amoh onɛ an Convention People's Party la nid, Peter Kofi Essilfie onɛ an National Reformed Party nɛ Prince Lawrence United Ghana Movement onɛ banɛ da nya’a ka o di ka basi ba, ba da mɔri 7,230, 1,001, 241, 92 nɛ 61 kɔbiga pυυginɛ ba paamnɛ 38.2%, 5.3%, 1.3%, 0.5% and 0.3% vɔt. Hammond da di Adansi-Asokwa linɛ bɛ Gaana  wadmaanib kυk la nɔɔra yi Ashanti Region sυ’υlυm la yυυma tusa yi nɛ anaasi vɔt kanɛ da maal la. O da zi’enɛ Wabυg Na’adɔɔg la zugu nya’a di. . O sυ’υlυm la mɛ da paas sυ’υlυm nam bam piistan’ nɛ ayuobu banɛ an Wabυg dim ka da di yυυm kanna n yi sυ’υlυm bam piistan’ nɛ awai la ni ka Wabυg Na’adɔɔg la da di n bɛ Ashanti Region sυ’υlυm la. Wabυg Na’adɔɔg la da mɔri wadmaanib bam 128 n yi wadmaanib kanl wυsa line da an 230 la. O da paamɛ vɔt bam 15,176 n yi vɔt la kanl wυsa linɛ da 24,112. Kɔbiga pυυginɛ o da mɔri 62.9% vɔt Seidu S. Adams onɛ an Peoples’ National Convention nidi da nya’and ka o di ka bas o.

Yυυma tusa yi nɛ anii ka o da zi’enɛ Wabυg Na’adɔɔg la zugu nya’a di kυk la. O sυ’υlυm da paas Wabυg wadmaanid bam piistan’ nɛ anaasi n yi kanl la wυsa linɛ da an piistan’ nɛ awai n bɛ Ashanti Region sυ’υlυm la. Wabυg Na’adɔɔg da mɔr wadmaanib bam kɔbiga nɛ awai n yi kanl la wυsa linɛ da an tusa yi nɛ piistan’ la. O da mɔr vɔt bam 13,659 n yi kanl la wυa linɛ da an 24,524 la, kɔbiga pυυginɛ o da mɔri 55.7% vɔt. Onɛ Alhaji Abdul-Lateef Madjoub onɛ da an. Ma’asim Tiig Na’adɔɔg la nid nɛ Amoako Anaafi onɛ an Democratic Freedom Party nid la ka on nɛ ban da nya’a ka o di ka basi ba. Kɔbiga pυυgin ban da paam vɔt si’a anɛ 37.59%, 5.43% and 1.28%.      

O vυm bɛllim

Hammond anɛ mor. O anɛ Ahmadiya moom la nid. O mɔr pu’a.