Kwamena Minta Nyarku

Kwamena Minta Nyarku

human

Sex or gender	male
Country of citizenship	Ghana
Name in native language	Kwamena Minta Nyarku
Given name	Kwabena
Family name	Nyarku
Date of birth	7 Samanpiid/Nwadispii nɛ atan 1974
Place of birth	Apewosika
Languages spoken, written or signed	English, Fante
Occupation	politician, senior lecturer
Position held	Member of the 8th Parliament of the 4th Republic of Ghana
Work location	Cape Coast
Member of political party	National Democratic Congress
Candidacy in election	2020 Ghanaian general election

Kwamena Minta Nyarku anɛ Gaana pɔlittiks nwɛ’ɛd ba da du’anɛ Buniya nwarig la ni li daba yɔpɔi yυυm tusir nɛ kɔbiswai nɛ piisyɔpɔi nɛ anaasi la ni, o anɛ Ma’asim Tiig Na’adɔɔg nid. O anɛ wadmaan n tis Cape Coast North linɛ bɛ Gaana Central Region sυ’υlυm la.

O vυm pin’ilυg nɛ o sakυr yɛla

Ba du’a Nyarku nɛ Buniya nwarig la ni li daba yɔpɔi yυυm tusir nɛ kɔbiswai nɛ piisyɔpɔi nɛ anaasi la ni. O yinɛ Apewosika, linɛ bɛ Gaana Cape Coast sυ’υlυm Central Region la. O da naae o sakur linɛ an GCE Ordinary level nɛ GCE Advanced level la nɛ yυυm tusir nɛ kɔbiswai nɛ piiswai nɛ ayi n naae li yυυm tusir nɛ kɔbiswai nɛ piiswai nɛ ayuobu la ni n bɛ Adisadel College sakur, linɛ bɛ Cape Coast la. O da tɔlisi Komenda Training College naae ka di’e kasɛta gbaυŋ linɛ pa’alυg gbaυŋ linɛ an yυυma tan’ Post Sec Teacher Cert yυυm tusir nɛ kɔbiswai nɛ piiswai nɛ anu la ni. Yυυma tusa yi’ la ni, ka o da naae bachelor's digirɛɛ zamisυg linɛ an Business Education n bɛ University of Cape Coast sakurin la. O da lɛn keŋ University of Ghana Business Sakur la ni n naae mɔr Masters of Business Administration (MBA) zamisυg linɛ an da’ diib yɛla la yυυma tusa yi’ nɛ atan’ la ni. O da lɛn keŋ University of Leicester ya’as, ani ka o maal Doctor of Philosophy (PhD) zamisυg kpazɛɛri linɛ an da’ diib yɛla yυυma tusa yi’ nɛ piina wai la ni ka mɛ lɛn maal Chartered Institute of Marketing n bɛ United Kingdom.

O tυυma

Nyarku anɛ pa’an-pa’an kpɛɛm n bɛ Chain Management, School of Business, University of Cape Coast,Ghana n pa’an kati wa’ae linɛ tɔlυŋ nɛ da’ diib yɛla.

Pɔlitiks nwɛ’ɛb

Yυυma tusa yi’ nɛ piisi la ni ka Ma’asim Tiig Na’adɔɔg ye vɔti gaŋ sɔ’ ka o zi’enɛ nya’a wadmaanib kυk la ka ba vɔt ka o di. On da zi’en la sɔ’ɔsɔ’  da pυ nya’a nɛ o.

Buniya nya’aŋ nwaris ayɔpɔi la li dabisim piina yuobu yυυma tusa yi’ nɛ piisi la ni, saŋkan ka ba da yɛl ye o pυ mɔr vɔt la ID card n bɛ suburb of Cape Coast, Nkanfoa teŋin, bɔzugɔ yi teŋin la ka li yυυg hali din ka ti Gaana wada pυ siak la. Nɛ’ɛ da anɛ yɛl hali n tis o bɔzugɔ onɛ an Wabυg nid ka onɛ on da nya’a da pυ siak ye o mɔr vɔt la ID ka ba mɔr tu’am keŋ kpɛɛm banɛ gɔsid District Registration Review vɔt yɛla la ni.Tu’am la bɛ kpɛɛmnam la nu’usin hali ti paae Buniya nya’aŋ nwaris anii la yυυma tusa yi’ nɛ piisi la ni, lin nya’aŋ ka o sɔb gbaυŋ n bɛlim Cape Coast High Court la. Buniya nya’aŋ nwaris awai la li dabisim piisi nɛ ayi yυυma tusa yi’ nɛ piisi, ka o lawyer Godwin Kudzo Tameklo da duoe zi’en Accra High Court la ni pian’a tituaa n tis Justice Stephen Oppong onɛ an saria kat la ka o sɔb gbaυŋ n tis mandamus kpɛɛm banɛ gɔsid vɔt yɛla la ye ba basimɛ o suor ka o gυligi o yυ’υr bɔzυgɔ court si’a pυ kat o saria bɛ’ɛd la zug.

Buniya nya’aŋ nwaris piiga la li dabisim yinne yυυma tusa yi’ nɛ piisi la ni ka ba da bas o suor ka o keŋi sɔb o yυ’υr wυυ Ankara High court la yɛl si’em la.[19][20] Hali la’am ban da bas o suor ka o maal o vɔt ID la naae la ka Wabυg dim la lɛn nyɛ’ yɛl yinne ya’as n lɛn ziinl o amaa la’am nɛ wala o da nyaŋi maal. Yυυma tusa yi’ nɛ piisi la ni ka ba vɔt ka  Nyarku di ka bas Barbara Asher Ayisi onɛ da an Wabυg nid ka zi’in kυk la zug la, O da paamnɛ vɔt bam 22,972 ka o tiraan la mɛn da paam 21,643 vɔt kɔbiga pυυginɛ o da mɔri 51.49% ka o tiraan la mɛ mɔr 48.51% vɔt.

On an wadmaan la

Buniya nya’aŋ nwarig yinne la yυυma tusa yi’ nɛ piisi nɛ yinne ka ba da wa’al Nyarku ka o  kpɛn’ wadmaanib yir la ni n zi’enɛ tis Cape Coast North kυk la wadmaanib yir linɛ paas anii la ti Gaana  Republic linɛ paas anaasi la. Onɛ an Poverty Reduction Strategy kpɛɛmnam yinne.

O mɛŋ bɛllim

Nyarku anɛ Kristo biig Nidib wυsa mi’ o nɛ ye Ragga.