Kweku George Ricketts-Hagan

Kweku George Ricketts-Hagan

ninsaal

Sex or gender	Dau
Country of citizenship	Ghana
Du'am yuum	21 Mɔtul/Nwadisawai 1963
Languages spoken, written or signed	English
Tuuma	politician, economist, banker
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana
Educated at	UChicago, University of London, University of London
Member of political party	National Democratic Congress (NDC)
Religion or worldview	Christianity

Kweku George Ricketts-Hagan anɛ Ghana pɔlitis nwɛꞌɛd ka paas Ghana Wadmaanib yikanɛ paasi ayɔpɔi la, Ghana Republic kanɛ paasi anaasi la ni ziꞌeni tis Cape Coast South Constituency sʋꞌʋlim bɛ Central Region la dim ka bɛ Maꞌasim tiig Naꞌadɔɔgin la (NDC).

On siꞌiŋ siꞌem nɛ o sakur yɛla

Ba da duꞌa Ricketts-Hagan nɛ yʋʋm tusir nɛ kɔbiswai nɛ pisyuobʋ nɛ atan', Nwadisa anii la dabpisi nɛ yinne daar (21 mɔtul nwadig 1963)  Cape Coast bɛ Central Region, Ghana la. O mɔr MBA kasɛta gbaʋŋ yit University of Chicago Business School nɛ master's degree in Financial Economics kasɛta gbaʋŋ yit University of London.

Tʋʋma yɛla

Ricketts-Hagan da anɛ kpɛɛmtitaꞌar (managing director) tis SAS Finance Group.

Pɔlitis nwɛ'ɛb yɛla

Ricketts-Hagan anɛ Maꞌasim tiig Naꞌadɔɔg la nid. Nannanna o anɛ Wadmaani tis Cape Coast South Constituency sʋꞌʋlim dim.

Yʋʋm tusa ayi' nɛ pii nɛ ayuobʋ (2016) vɔɔtʋg la yɛla

Yʋʋm tusa ayi' nɛ pii nɛ ayuobʋ (2016) kanɛ da an Ghana wʋsa vɔɔtʋg la, o da di Cape Coast South Constituency Wadmaan kʋk la nɛ vɔɔtnam tusa pisi nɛ kɔbisnaasi nɛ pisnu nɛ ayuobʋ (20,456) dinɛ an pisnaasi nɛ awai duꞌali anii kɔbiga pʋʋgin (49.8%) vɔɔt la wʋsa pʋʋgin, ka Wabʋg Naꞌadɔɔg (NPP) nid Michael Arthur Dadzie mɛ paam vɔɔtnam tusa pii nɛ awai nɛ kɔbisyɔpɔi nɛ pii nɛ anii (19,718) dinɛ an pisnaasi nɛ anii kɔbiga pʋʋgin (48.0% ), ka PPP nid Bright Edem Droefenu da paam vɔɔtnam kɔbisyuobʋ nɛ ayuobʋ (606) dinɛ an yinne duꞌali anu kɔbiga pʋʋgin (1.5%), ka Mr. Albert Isaac Kofi Cobbinah onɛ da pʋ mɔr Naꞌadɔɔg la da paam vɔɔtnam kɔbisyi nɛ atan' (203) dinɛ an nɛɛm duꞌali anu kɔbiga pʋʋgin (0.5%), ka Anɔraʋg Naꞌadɔɔg nid Ato Aidoo-Nyanor da paam vɔɔt pisyɔpɔi nɛ anii (78) dinɛ an nɛɛm duꞌali ayi' kɔbiga pʋʋgin la (0.2%).

Yʋʋm tusa ayi' nɛ pisi (2020) vɔɔdʋg la yɛla

Yʋʋm tusa ayi' nɛ pii nɛ ayuobʋ(2016) kanɛ da an Ghana wʋsa vɔɔdʋg la, o da di Cape Coast South Constituency Wadmaan kʋk la nɛ vɔɔt tusa pisi nɛ yinne nɛ kɔbiga nɛ pii nɛ anii ((21,118) dinɛ an pisnu nɛ yinne duꞌali ayɔpɔi kɔbiga pʋʋgin (51.7%) vɔɔt la wʋsa pʋʋgin ka, ka Wabʋg Naꞌadɔɔg nid Ernest Arthur da paam vɔɔt tʋsa pii nɛ awai nɛ kɔbisyɔpɔi nɛ pii nɛ anaasi (19,714) dinɛ an pisnaasi nɛ anii duꞌali atan' kɔbiga pʋʋgin (48.3%) yi vɔɔt la wʋsa pʋʋgin.

Minista tʋʋma yɛla

Yʋʋm tusa ayi' nɛ pii nɛ ayuonʋ (2016) la ni la, Ricketts-Hagan da lieb Central Region sʋꞌʋlim la wʋsa minista. O da lɛn an minista kanɛ gɔsid Ghana ligidi yɛla nyaꞌandɔl di yi yʋʋm tusa ayi' nɛ pii nɛ atan' la ni (2013) ken paae yʋʋm tusa ayi' nɛ pii nɛ anaasi (2014) ka lɛn an Trade and Industries minista nyaꞌandɔl yʋʋm tusa ayi' nɛ pii nɛ anaasi (2014) ti paae yʋʋm tusa ayi' nɛ pii nɛ ayuobʋ (2016).

Laꞌasbanɛ ni ka o tʋm

Ricketts-Hagan anɛ kpɛɛm bɛ laꞌakanɛ yʋꞌʋri an Privileges Committee la, o lɛn paas laꞌaskanɛ gɔsid dap, pʋꞌab nɛ biis bɛlim yɛla ka lɛn bɛ laꞌaskanɛ gɔsid kpikpiŋ nɛ duorim / zinꞌivɛnla yɛla la.

O mɛŋ bɛlim

Ricketts-Hagan anɛ Kristo biig. O mɔr pʋꞌa nɛ biisa anu.

Daʋŋ kanɛ da paae o

Yʋʋm tusa ayi nɛ pisi nɛ yinne Nwadis piiga (October 2021) la nii, Mr. Ernest Arthur onɛ da an Diisi (Metropolitan Chief Executive) tis Cape Coast la da mɔr Ricketts-Hagani keŋ kɔɔtʋ ye o sanꞌami o yʋꞌʋr. Cape Coast High Court da yɛl Ricketts-Hagan ye o yisim pianꞌakanɛ ka o pianꞌa la ka nwɛꞌ Mr. Arthur nuꞌug. Ba da lɛn kɛ ka Ricketts-Hagan yɔ Gaana siidi tusa kɔbiga (GH¢100,000).