Mary-Margaret Issaka
| Sex or gender | pua  |
|---|---|
| Country of citizenship | Ghana |
| Duam zin'ig | Bolgatanga |
| Tuuma | director of programming |
Mary- Margaret Issaka anɛ Program Manager tis Centre for Sustainable Development Initiatives (CENSUDI)[1], asʋꞌʋ-m-mɛŋ lʋgʋr kanɛ tʋm nɛ pʋꞌab Region la ni. O yinɛ Bolgatanga bɛ Upper East Region sʋ'ʋlim, Ghana.
Mrs Margaret-Mary Issaka onɛ an Director tis Centre for Sustainable Development Initiatives (CENSUDI) dinɛ an lead agency tis NNED la pianꞌa ba NNED laꞌastitaꞌarin Bolgatanga ye, ba yaꞌa na sʋŋ gbaʋŋ zamisʋg, asɛɛ ka ba gɔs ka mɛꞌ sakur dɔɔdi sʋŋ Sakuya banɛ dɔɔdi li nɛ banɛ kaꞌ dɔɔd la.[2] O da yɛl ye Assembly nam la sʋŋya hali gbaʋŋ zamisʋg yɛla region bama ni.
O da yɛl ye pʋꞌab bɛdegʋ sʋꞌʋlimin la sʋŋ temmaalʋg ni bɛdegʋ nwɛnɛ gbaʋŋ zamisʋg ni, nimmaꞌasim ni, pɔlitis ni nɛ asʋꞌʋ-m-mɛŋ tʋʋmanamin.
Vɛɛnsʋg
[dɛmisim gbɛlima | dɛmisimi din yi zin'isiana]Madam Issaka yɛl ye vɛɛnsʋg labaya la mɛ lɛm paꞌal ye gbaʋŋ zamisʋg suopaal kanɛ ka gɔmena mɔrna la pinꞌili tʋm Sakuya ni, amaa gbana kae na sʋŋ ka zamisʋg nɛ paꞌalʋg keŋ sʋꞌʋŋaa. O bɛlim Ghana Education Service (GES) ye ba bɔ suobanɛ ka ba na dɔl ka gbambanɛ nar ye ba nɔki zamis paae sakuya la ni sankanɛ nari ka sakur biis nyaŋi zamis sʋꞌʋŋa. O paꞌal ye ban pʋ kpɛmisid paꞌannib la nɛ piini yɛla kɛ ka dasam nɛ pʋꞌasada pʋ mɔr yaꞌalɛog ye ba lieb paꞌaniba.
Dɔlisid vɛɛnskanɛ ka NNED maal la, Madam Issaka ye vɛɛnsʋg labaya la paꞌal ye sakur biis banɛ bɛ Kassena-Nankana District la bɛdegʋ pʋ bɔɔd ye ba lieb paꞌaniba amaa ka lɛɛ gaansid tʋʋmsieba.
O paꞌal ye pʋꞌasada yʋꞌʋm paamid sakuri ken sʋꞌʋŋa gaad din da an siꞌem, pʋꞌab sʋŋir sʋꞌʋlimin la nɛ temmaalʋg ni na maligim gaad din an siꞌem la.[3]
Mrs Margaret-Mary Issaka saꞌal banɛ ka ba daamidi ba yaan ye ba zamis act la sʋꞌʋŋa ka baŋ dinɛ bɛ di ni ka di nyaŋi sʋŋi ba ka ba zab daʋŋ kanɛ na paae ba wʋsa.
O da yɛl banɛ bɛ laꞌasʋg la ni ye ba da zɔꞌ nyan bɛɛ dabiꞌem nɛ ban na pɔɔtim domestic violence yɛla tis lʋgʋr kanɛ gɔsidi di yɛl ka ba sʋŋi maal yɛl la tisi ba ka lɛn yɛl ye sʋꞌʋlimnam wʋsa mɔɔm ka guꞌoe Domestic violence dɔlisid ban na pɔɔtim tis lʋgʋr kanɛ gɔsidi di yɛla.
Mrs Issaka bɛlim buudi kpɛɛmnam ye ba mɔꞌ ka yis Domestic violence wʋsa ba sʋꞌʋlimin.
Region banɛ paam sʋŋiri yi lʋgʋr la ni anɛ Brong Ahafo, Volta, Upper West, Northern nɛ Upper East Region.
Gbanvɛɛnsa
[dɛmisim gbɛlima | dɛmisimi din yi zin'isiana]
- ↑ https://www.ghanaweb.com/GhanaHomePage/NewsArchive/Education-Director-Appeals-for-help-for-Women-119705
- ↑ https://www.ghanaweb.com/GhanaHomePage/NewsArchive/Northern-and-Upper-East-Schools-land-encroached-148279
- ↑ https://books.google.com.gh/books?id=Hc_4CgAAQBAJ&pg=PA126&lpg=PA126&dq=mary-margaret+issaka&source=bl&ots=05YvoSiktf&sig=ACfU3U1bwYkgUs5SEE0Vg0Xtb4SQWl7rIg&hl=en&sa=X&ved=2ahUKEwixnY62mMuBAxXdQEEAHRo5A3o4ChDoAXoECAIQAw