Ras Mubarak

O Pin'ilʋg Bɛllim Nɛ Sakur Ken

Ba da duꞌa Ras Mubarak bɛnɛ tamal teŋ kanɛ bɛ Northern Region sʋꞌʋlʋmin la amaa ka o yit Satani linɛ bɛ kumbungu distrik teŋ kanɛ ka o saam yaaŋ da an naꞌatitaꞌar la ni na. O mɔr labaya tʋʋma Diploma kasɛta gbaʋŋ yit London labaya sakur la ni yʋma tusa ayiꞌ nɛ awai la ni, nɛ International Development Studies Post Graduate Diploma kasɛta gbaʋŋ (NIBS) yit Uniersity of Oslo Norway School la ni yʋma 2010 ni, nɛ Business Administration Post Graduate kasɛta gbaʋŋ yit Nobel International Business School kanɛ bɛ Accra sʋꞌʋlʋmin la.

Pɔlitis Nwɛ'ɛb Yɛla

Ras Mubarak da ziꞌen maꞌasim tiig nɔba zug nyiꞌa ye ba gaŋ o ka o na nyaŋi mɔr suor nyiꞌa Alekuma North wadmaan kʋk la yʋma 2011 la ni. O da di gaansʋg la ka ziꞌen tis paati la nɔba zug nyiꞌa wadmaan kʋk la yʋʋm vɔɔdʋg titaꞌar kanɛ da bɛ 2012 la ni. Laꞌam nɛ wala o da kɔꞌɔŋ ka bas ka wabʋg naꞌadɔɔg nid la di. Ka o lɛn keŋ tuon nyiꞌa maꞌasim tiig naꞌadɔɔg nidib banɛ ye ba ziꞌen nyiꞌa kʋk naꞌam la vɔɔdʋg bɛ kumbungu yʋma 2015 la ni. O da lɛn di yaꞌas ka ziꞌen nyiꞌa kumbungu kanɛ bɛ Northern Region Ghana sʋꞌʋlʋm nwa ni la wadmaan kʋk la yʋma 2016 vɔɔdʋg titaꞌar la ni. O da di kumbungu linɛ bɛ Northern Region sʋꞌʋlʋmin la wadmaan kʋk la nɛ vɔɔt kal tusa pii nɛ anii nɛ kɔbisyɔpɔi nɛ pisyɔpɔi nɛ ayɔpɔi (18,777 votes) ka li an pisnu nɛ anu nɛ duꞌalʋg atanꞌ kɔbʋg pʋdʋgir pʋʋgin (55.03%). O da di vɔɔt la ka bas Amadu Moses Yahaya onɛ an CPP naꞌadɔɔg nid ka mɔr vɔɔt kal tusa anii nɛ kɔbisnaasi nɛ anu (8,405) ka li an pisi nɛ anaasi nɛ duꞌalʋg pisyuobʋ nɛ atanꞌ pʋdʋgir kɔbʋg pʋʋgin la (24.63%), nɛ Iddrisu Mutaru onɛ da an wabʋg naꞌadɔɔg nid ka mɔr vɔɔt kal tusa anu nɛ kɔbiga nɛ piswai nɛ ayuobʋ (5,196) ka li an pii nɛ anu nɛ du'alʋg pisi nɛ atanꞌ pʋdʋgir kɔbʋg pʋʋgin la (15.23%), nɛ Abukari Abdul Fatawu onɛ an PPP naꞌadɔɔg nid ka mɔr vɔɔt kal tusir nɛ kɔbisyuobʋ nɛ pisi nɛ atanꞌ (1,623) ka li an anaasi nɛ duꞌalʋg pisyɔpɔi nɛ ayuobʋ pʋdʋgir kɔbʋg pʋʋgin la (4.76%), nɛ Mohammed Mutaru Sulemana onɛ an APC naꞌadɔɔg nid ka mɔr vɔɔt kal kɔbiga nɛ pisi nɛ yinne (121) ka li an duꞌalʋg pistanꞌ nɛ anu kɔbʋg pʋʋgin la (0.35%) vɔɔtnam la wʋsa kal yaꞌa laꞌas taaba.

Ras Mubarak da nyiꞌa maꞌasim tiig coŋgerɛs kanɛ da bɛ yʋma 2019 la amaa ka kɔꞌɔŋ vɔɔtʋg la ka Hamza Adam di.

Mɛŋ Bɛllim Yɛla

Ras Mubarak Anɛ mɔr, o mɔr nɛ biis atanꞌ