Robert Alagskomah

Robert Alagskomah

ninsaal

Sex or gender	Dau
Country of citizenship	Ghana
Yu'ur Kane ka ba tis o	Robert
Duam zin'ig	Bolgatanga
Tuuma	director

Robert Alagskomah anɛ Head of Programmes tis CENSUDI dinɛ aan asʋꞌo-m-mɛŋ lʋgʋr (non-governmental organisation) bɛ Bolgatanga, bɛ Upper East Region. Lʋgʋr la da pinꞌilnɛ yʋʋm tusir, kɔbiswai nɛ anaasi la ni (1994) ye di maal daʋŋ banɛ bɛ dap nɛ pʋꞌab bɛllim pʋʋgin sʋꞌʋlim la ni.

O da pian paꞌal ye Education Support Scheme, dinɛ paas lʋgʋr la tʋʋma ni la, anɛ ye di yɔꞌɔg suori tis pʋꞌasada, pʋꞌab nɛ tadimnam ka ba nyaŋi keŋ sakur ka zamis gbaʋŋ di kas-kas anɛ banɛ bɛ region nama atanꞌ banɛ bɛ North la, pinꞌinɛ Upper East Region.

O paꞌal ye Apoka Scholarship Club la nii, banɛ diꞌed sʋŋir la sieba bɛnɛ dɔɔdi anu (Primary 5) kem paae Senior High School. O paas ye lʋgʋr la yɔɔdi ba zamisʋg ligidi, sakur ligidi, tɛɛs ligidi ka lɛn tisidi ba laꞌasieba yaꞌas.

Bɛllim

Alagskomah anɛ onɛ kpɛmisidi o mɛŋ ka nɔŋ mukkir hali o tʋʋma ni. O tʋmmid sʋꞌʋŋa nɛ nidib ka mɛ lɛn an tuon-gat onɛ na nyaŋi tʋm nɛ o nyaꞌadɔlib ka ba paami ba gbanꞌar. Yaꞌasa, o mɔr bɛllim sʋŋ nɛ nidib, ka mɔr baŋir pianꞌad pʋʋgin ka di kɛ ka o nyaŋidi paamidi o tʋʋma gbanꞌar ka mɛ tʋm tʋʋmsʋŋ. O anɛ ninkanɛ bɔɔd tʋʋma hali ka pʋ diꞌem nɛ o tʋʋma yɛlaa, o mɔr baŋir, miꞌilim dinɛ na nyaŋi sʋŋ ka lʋgʋr la ka di keŋ tuon.

Tʋʋma

Mr Robert Alagskomah, onɛ an Zonal Coordinator tis NDA, Upper East Region sʋꞌʋlim la, wɛlisi paꞌal ye nwadisa atan paae nwadisa ayuobʋ saŋa tʋʋmtitada banɛ ka ba ye ba maal sʋꞌʋlimin la na tʋm naae.

Fassi ka ba pinꞌil Northern Development Authority la, Ministry of Special Development Initiative da mɛ zinꞌigi gɔsid Poverty Eradication Programme (IPEP) Committeenam region wʋsa ye ba vɛɛnsi gɔs dinɛ ka district wʋsa bɔɔd ye di sʋŋ ka ba pʋdig One Million Dollars kanɛ ka ba tis Constituency wʋsa la.

Zonal Coordinator paꞌal ye ba sɔnsid nɛ tɛɛns la tuon-gatib nɛ Municipal nɛ District Assembly nam la ye ba baŋ sʋꞌʋlim wʋsa bɔɔd siꞌeli ba teŋin ye ba tisi ba ligidi ka bam aal.

Mr Alagskomah paꞌal ye yɛlkanɛ daamid sʋꞌʋlimnam nɛ districts bɛdegʋ anɛ suoya yɛla, nimmaꞌasim tʋʋma zinꞌis, Sakuya, kuꞌonuudim, naꞌasaa bugum nɛ banɛ kpɛlim

Zonal Coordinator bɛllim tʋntʋnnib banɛ an teŋimbiis ye ba tʋm sʋꞌʋŋa ka da tʋm yɔɔg-yɔɔgɔ. O kpɛmisi ba ye ba mɔ' ka naae tʋʋma la sankanɛ ka ba ziꞌel la.