Sʋ’ʋraag
| Subclass of | saber, boarding sabre  |
|---|---|
| Country of origin | Europe |
Sʋ’ʋraag anɛ giŋa, ka mɔr kʋnt zin’ig kanɛ nwaad ka di labis, zin’ig kanɛ waad la tɔn’oe an sappi bɛɛ gɔŋ bi’ela, ka mɔr gban’asig ka di an gbiliga bɛɛ wan wʋʋ pɛɛg nɛ. Di da anɛ zaba laʋk kanɛ ka ba da mɔri zabid yʋʋm banɛ ka ba da mɔr anrin nami tuud suor la.
Yʋ’ʋr la yi si’el na
[dɛmisim gbɛlima | dɛmisimi din yi zin'isiana]Sʋ’ʋraag na’asaalin ka ba buon ye "cutlass" la da pin’il nɛ 17th-century ka na’asaalin da an coutelas, din yinɛ 16th-century Fariŋ yʋ’ʋr kanɛ ka ba pʋd sʋ’ʋraag kanɛ an giŋa ka ka nɔɔr yinne ma’a dit (dinɛ an "sʋ’ʋg" nannanna la, ba da buoni di giŋa nɛ ye couteau; yʋʋma 17th- nɛ 18th-century na’asaalin, ba da buoni di ye "cuttoe"). Fariŋ dimi buon ye coutelas la tɔn’oe yina Latin sɔb ni na, ka Italian dim mɛ buon ye coltellaccio bɛɛ cortelazo;[1] ka di gbin pa’al ye "sʋ’ʋg tita’ar". Italy tɛŋin, dinɛ ka ba buon cortelazo la mɛ da anɛ ala giŋʋ, ka zin’ig kanɛ wan’ad la labis, din da bɛnɛ 16th century saŋa.[2] Ban buon ye coltell la, da yinɛ Latin dim buolig cultellus ni na ka di gbin an "sʋ’ʋg bil"; yʋ’ʋr kanɛ yi Latin sɔb ni na ka Italian dim nɛ Fariŋ dim mɛ yʋ’ʋn buoni di ala.[3]
Tɛɛns banɛ ka ba pian’ad na’asaal la ni, ba buon sʋ’ʋs titada ye "sʋ’ʋraag".[4][5]
Pin’ilig nɛ tʋʋma
[dɛmisim gbɛlima | dɛmisimi din yi zin'isiana]Banɛ da tʋm daad tʋʋma nɛ soogianam 17th nɛ 18th centuries saŋa, ba da mɔr sʋ’ʋs wala buudi ka ba gim ka labis ka ba da buoni di ye hanger, ka German dim da buon ye messer, ka di gbin an "sʋ’ʋk". Di da mɔr kʋnt kanɛ gban’ae gban’asig la, di tita’am bɛnɛ sʋ’ʋg bibis gaad sʋ’ʋg titada ni Europe tɛŋin.
England tɛŋin, yʋʋm tusir, tusayuobʋ nɛ kɔbisnii nɛ anu (1685) saŋa la sʋ’ʋraad banɛ ka ba zin’ig kanɛ waand an sappi la da bɛ ka sʋ’ʋs banɛ buon "hanger" la kɛna di’e. Sʋ’ʋs ban da anɛ bʋnginma ka nɔɔr yinne dit, ka ba gban’asa la an kʋnt ka labis. Gban’asa la tita’am da anɛ daag ka waya vilig, ama aba si’eba mɔr vɔnya ka kʋntnam tʋʋ anina gban’ae zin’ig kanɛ waand la tabil nɛ gban’asig la. Bama anɛ banɛ da dɛŋi bɛɛ la. Zin’ig kanɛ waand la wa’alim tita’am ɛɛnti anɛ 24 inches (61 cm).[6]
Pin’ilig
[dɛmisim gbɛlima | dɛmisimi din yi zin'isiana]Baa ban mɔr sʋ’ʋs la tʋm tʋʋma tɛngbaŋ zug la, ba mi’i sʋ’ʋraag nɛ ye banɛ da an suor kɛnnibi dɔlisid kuomin da mɔri di ka di an ba zaba la’ad kanɛ ka ba na nyaŋi nɔki nwaae wiins banɛ an bɛda, anriŋ wiins, nɛ mɔɔg banɛ la’asi zuoe, ka lɛn mɔr sʋ’ʋs bibis la zaba yela, wʋʋ ban na si’al faandib. Dinɛ da lɛn kɛ ka ba mɔr sʋ’ʋraad la anɛ ye di tʋʋma pʋ tɔi ya, di anɛ na’ana’a nɛ ban na mɔri di zamisid zaba gaad ban na ye ba nɔk sʋ’ʋg bibis la zamis.
Banɛ an kuomin faandib mɛ da mɔr sʋ’ʋraad, baa kasɛti kae pa’an ye banɛ da kɛn kɔlisin pin’il sʋ’ʋs maalig wʋʋ si’eba yɛl si’em la.[7] Amaa, di sɔb gbana nii pa’al ye kuomin faandib da mɔr sʋ’ʋraad, banɛ nyɛ yʋ’ʋr anɛ kuomin faandib banɛ da paas William Fly, William Kidd, nɛ Stede Bonnet zug la. Fariŋ nid kanɛ zamis kʋdʋmin yela ka ba buon o Alexandre Exquemelin yel ye one da an kuomin sourkɛn ka o yʋ’ʋr buon François l'Ollonais la da mɔr sʋ’ʋraag hali yʋʋm tusir, kɔbisyuobʋ nɛ pisyuobʋ nɛ ayɔpɔi (1667). Kuomin faandib la da mɔr sʋ’ʋraad la ye ba vɔlis nidib ka lɛn mɔri zabid, ban maan si’em anɛ ba gban’ae gban’asig la ma’a ka nidib basi ba la’ad, bɛɛ nɔk sʋ’ʋg la zin’ig kanɛ pʋ dit la bʋ’ʋ ba ka ba basi ba la’ad.[8][9][10][11]
Gbanvɛɛnsa
[dɛmisim gbɛlima | dɛmisimi din yi zin'isiana]- ↑ Wedgwood, Hensleigh (1855). "On False Etymologies". Transactions of the Philological Society (6): 66.
- ↑ Ossian, Rob, The Cutlass (accessed Jan. 25, 2015)
- ↑ "Cutlass | Etymology, origin and meaning of cutlass by etymonline".
- ↑ John Klein, "What Is a Machete, Anyway?", "The Atlantic, Oct 21, 2013 (accessed Jan 25 2015)
- ↑ Teresa P Blair, A–Z of Jamaican Patois (Patwah), Page 49 Google Books Result
- ↑ Hopkinson, E. C. (October 1932). "The Swords of the British Army". Journal of the Society for Army Historical Research. 11 (44): 238–247. JSTOR 44226060.
- ↑ "Pirate Weapons". Brethren of the Coast. Archived from the original on 23 December 2007. Retrieved 30 March 2009.
According to legend, buccaneers invented the cutlass, but this may not be factual. It is said to have evolved from the long knives used by the early buccaneers to butcher their meat.
- ↑ Lawson, John Davis (1915). American State Trials. St. Louis: F.H. Thomas Law Book Co. p. 668.
But as soon as they came up the shrouds, they clapped all hands to their cutlasses. Then I saw we were taken...
- ↑ John Richard Stephens, ed. (2006). Captured by Pirates. New York City: Barnes & Noble. p. 6. ISBN 0-7607-8537-6.
They immediately drew their weapons and, after beating us up severely with their cutlasses, drove us below.
- ↑ John Richard Stephens, ed. (2006). Captured by Pirates. New York City: Barnes & Noble. p. 9. ISBN 0-7607-8537-6.
[N]ine or ten men of a most ferocious aspect armed with muskets, knives, and cutlasses . . .ordered Captain Cowper, Mr. Lumsden, the ship's carpenter, and myself to go on board the pirate, hastening our departure by repeated blows with the flat part of their cutlasses over our backs.
- ↑ John Richard Stephens, ed. (2006). Captured by Pirates. New York City: Barnes & Noble. p. 40. ISBN 0-7607-8537-6.
[T]he man who gave the order commenced beating me severely with the broad side of his cutlass.