Sakur

school

Subclass of	educational institution, educational organization
Has characteristic	type of educational institution, educational stage, educational accreditation
Intended public	teenager, Biig
Uses	school building
Model item	Franklin School, Pomona College
Related category	Category:Songs about school
Unicode character	🏫
Category for the view from the item	Category:Views from school buildings

Sakur anɛ zamisig zin’ig bɛɛ dɔɔd banɛ ka ba mɛ ye paalʋ bɛ ka pa’an-pa’anib pa’an nidib anina ka guri ba. Tɛns bɛdigʋ mɔr zamisig yela ba wada pʋʋgin, ka si’eba maal ka di an tilas ye sɔ’ wʋsa paas zamisig la ni. zin’is bama ni, sakurnam kɛn tuon, ka gɔmɛna sakurnam bɛ ka asʋ-ʋm-mɛŋ sakurnam mɛ bɛ. sakurnam yʋda bɛ kɔn’ɔb-kɔn’ɔb tɛns bɛdigʋ ni, amaa, bɛdigʋ ni, si’eba an primary school ka din anɛ bibibis sakurnam nɛ secondary school, din anɛ bikpɛɛmnam banɛ naae primary education la tɔlisid anina. Sakur bɛda zin’is banɛ ka ba zamisid kpɛɛmnam la yʋ’ʋr anɛ university college bɛɛ university.

Banɛ lɛn paas sakur bama ni, sakur biis banɛ bɛ tɛnsi’eba ni mɔr sakurnam ka ba kɛn ka nyaan paad primary (U.S. dim buon ye elementary) ka primary school nya’aŋ an secondary (U.S. dim buon ye middle school) education. Kindergarten bɛɛ preschool anɛ zin’is banɛ ka ba pa’an bibibis paa la (banɛ mɔr yʋʋma atan’ paae anu). University, vocational school, college bɛɛ seminary mɛ bɛɛ tis banɛ naae secondary school. Sakur tɔn’ɔ zamisid zamisig yinne ma’a, wʋʋ da’a diib zamisig bɛɛ wa’a zamisig. Sakurnam si’eba bɛɛ zamisid zamis kanɛ bɛɛ di kɔn’ɔ nɛ ba taaba.

Sakurnam banɛ ka’ gɔmɛna sʋ’ʋe ya, ka ba buoni ba asʋ-ʋm-mɛŋ sakurnam, bɛ tɛŋ si’eba, gɔmɛna sakurnam la ya’a  pʋ nyaŋi paae nidib la wʋsa bɛɛ zamisid tutua nɛ. sʋ-Aʋm-mɛŋ sakurnam la si’eba anɛ winpʋ’ʋs nami sʋ’ʋe, wʋʋ kiristo biis sakurnam, gurukula (Hindu winpʋ’ʋsnam sakur), madrasa (Arabic sakurnam), hawzas (Shi'i Mɔɔm sakurnam), yeshivas (Jewish dim sakurnam), nɛ si’eba banɛ bɛ; bɛɛ sakurnam banɛ ka ba zamisig bɛɛ di kɔn’ bɛɛ ba pa’anɛ tʋʋm si’eba pa’alig anina. Sakurnam banɛ an kpɛɛmnam bʋn si’eba anɛ zamis si’eba sakurnam, soogianam zamisig nɛ pa’alig, nɛ da’a diib zamisig.

Banɛ pian’adi pɔ’ɔgid sakur kɛn yela yet ye sakurnam la pʋ zamisid sakur biis titua guri ba bɛʋg yellɛ, ka pʋ kpɛmidid tʋʋm si’eba tʋmmigɔ, ka pa’an sakur biis ban nar ye ba tʋm si’el, ban na tʋm saŋ si’a, ban na tʋm saŋsi’a, ban na tʋm lɔsia nɛ ban na tʋm nɛ si’eba, ka di kɛt ka ba pʋ mɔri ba mɛŋ ya’am maan si’ela, ban lɛn dɔlisid suor si’eba makidi ba zamisig la pʋ mɔr nyɔɔdɛ wʋʋ ban tisidi ba yin tʋʋma ye ba gɔsi ba zamisig bɛn la, di kɛt nɛ ka biis la pʋ tɛnsid ye ba zamis nɛ ba mɛŋ ya’am.

Yaan zamisig nɛ banɛ zamisidi yit tɛŋ lalli la, pa’alig nɛ zamisig ka’a sakur dɔɔginɛ ka lɛɛ anɛ na’asaasɔɔng ni ka ba mɔri zamisid ka ka’a sakur dɔɔg kanɛ ka ba mɛɛ zi’el pʋʋginɛ. Sakurnam pʋdis nɛ bɛ kɔn’ɔb-kɔn’ɔbi bɛ sakur la mɛŋ pʋʋgin, ka ba si’eb an departmental, nidib bi’ela zamisig zin’is, gbaŋ zamisig zin’is, zamisig bɛdigʋ zin’is, nɛ sakur bibis, sakur titada pʋʋgin.

Sɔb la yi zin’ig si’a

Sakur ka ba buon na’asaalin ye school la yinɛ Greek sɔb kanɛ an σχολή (scholē), di gbin da pin’ili anɛ "vʋ’ʋsʋm" bɛɛ "dinɛ ka azin’ini-vʋ’ʋs bɛɛ di pʋʋgin", ka di ya’aŋ ka di yʋ’ʋn ti’aki an "nidib banɛ la’as taaba ka pa’an-pa’an zamisidi ba".