Samanpiid malima

Samanpiid malima

festival

Country	Ghana
Located in the administrative territorial entity	Upper East Region
Location	Bawku

Samanpiid malima anɛ yʋʋm-yʋʋm tigir kanɛ ka Kusasis banɛ bɛ Kusaug Traditional Area bɛ Upper East Region sʋꞌʋlim, Ghana la maan. Malʋŋ la maanɛ ye ba pʋꞌʋs Winaꞌam nɛ on sʋŋ ka zʋʋd maal sɛɛʋng la.

Samanpiid anɛ malʋŋ kanɛ ka kʋsaas maan yʋʋm wʋsa. Samanpiid anɛ malʋŋ kanɛ ka kʋsaas dɔlisidi pʋꞌʋsid kpiꞌimnam, tɛŋgbana nɛ badanam nɛ ban sʋŋi ba ka ba kuꞌa ka zʋʋd maal la.

Samanpiid malʋŋ ɛɛnti bɛnɛ naꞌasaanwadis piinɛ ayi la naarin. Amaa yɛlsieba yɛla tɔnꞌɔn kɛ ka ba tɔlisi li bɛɛ lɛbisi li nyaꞌaŋ.

Samanpiid saŋa yaꞌa ɛɛnti paae, kʋsaa buudi n bɛ zinꞌisiꞌa wʋsa ɛɛnti lɛbnɛ yin, n laꞌas nɛ ba taaba banɛ ka o nyɛ ka li yuug.

Pinꞌilʋg

Samampiid malʋŋ la da pinꞌilnɛ yʋʋm tusir, kɔbiswai nɛ pisnii nɛ ayɔpɔi la ni (1987). Samampiid malʋŋ kanɛ da paas pisi nɛ ayuobʋ la (26th Anniversary) Ghana zuraan kʋdʋg Jerry John Rawlings da an onɛ ka ba kaanbi buol ye o kena pianꞌa tisi ba.

Zinꞌibanɛ maani di.

Kʋsaug mɔr distiriknam ayuobʋ banɛ nidib wʋsa ɛɛnti laꞌasi maal samanpiid malʋŋ la. Distrit ban anɛ Bawku municipal, Binduri district, Pusiga district, Garu district, Tempane district nɛ Bawku West district.

Banɛ gɔsid samanpiid yɛla la na zinꞌini gbanꞌae dabisir la ka Naꞌab tik nuꞌug. Ka ba kɛ ka labaar paae Naꞌabibis la wʋsa ye sɔꞌ wʋsa muk ka yɛl o nidib ka ba tiꞌeb ka yina nwɛnɛ ban ɛɛnti pʋn yit siꞌem la ka ba maal malima. Ka yʋꞌʋn tʋm o tiraan ka o yii pɛs gbada banɛ bɛ wʋsa, ka suor niŋ nyain tisi ba ka ba nyaŋi maal malʋŋ la ka dauŋ da bɛɛ.

Ban maan malʋŋ la si'em

Nwɛnɛ ban ɛɛnti pʋn maan siꞌem la, pʋꞌab daa kʋanꞌ daam, yi bɛʋgʋn biꞌis ka dabisir la mɛŋ nyaan paae.

Samanpiid daar daa sɔ' wʋsa na la'as Naꞌatitaꞌagandabirin yin bɛʋgʋn ye ba dɔl o keŋ Daduri sakur biis ninwisigir paalʋ la ni (zinꞌikanɛ ka sɔꞌ wʋsa na laꞌas la). Ba ya'a paae ka Naꞌab yina ka o pʋꞌakpɛɛm dɔl o nɛ nwam nɛ kuom nɛ zɔm. Ka ti wʋm ka sɔꞌ yɛl ye “ya vʋʋn ka Naꞌab ye tis Baꞌanam ku'om”. Ka sɔꞌ wʋsa niŋ baanlim. Ka labadiꞌesidib zɔɔ liꞌel o, ka Naꞌab sɛbin ka banɛ kpɛlim la wʋsa zinꞌin teŋin nɛ banaya. Ka o  kaanbi buol Baꞌanam la tisi ba ku'om nɛ zɔm nɛ nɔrazinꞌa, ka ye ba gaadim tuon ka maal malʋŋ la tis o, ka di naae nɛ laafi ka puan' kae ka zug kae. O ya'a naae ka duoe, ka sɔ' wʋsa mɛ duoe yurrr nɛ bananya.