Simon Atengban Akunye

Simon Atingban Akunye

ninsaal

Sex or gender	Dau
Yu'ur Kane ka ba tis o	Simon
Du'am yuum	2 Fulumfug/Nwadisatan' 1954
Duam zin'ig	Pusiga
Tuuma	politician, nurse
Position held	Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Educated at	Ghana Institute of Management and Public Administration, unknown value
Member of political party	National Democratic Congress (NDC)
Religion or worldview	Catholicism

Simon Atingban Akunye (Ba da dʋꞌa o nɛ 2 February 1954) ka o an Ghana pɔlitis nwɛꞌɛd. O da paasnɛ Wadmaannib yikanɛ paasi anu la Fifth Parliament of the Fourth Republic of Ghana, ziꞌeni tis Pusiga constituency bɛ Upper east region sʋꞌʋlim Ghana la.

On sinꞌiŋ siꞌem nɛ o sakur yɛla

Ba da dʋꞌa Akunye nɛ yʋʋm tusir kɔbiswai nɛ pisnu nɛ anaasi nwadisa ayi la daba ayi daar (February 2, 1954). O yinɛ Pusiga bɛ Upper East Region, Ghana. O anɛ nimmaꞌasim tʋntʋn/ nɛɛs. O da diꞌe o nɛɛs kasɛta gbaʋŋʋ yinɛ Nigeria. Nɛꞌ da naamnɛ yʋʋm tusir, kɔbiswai nɛ pisnii nɛ anaasi la ni (1984). O mɛ lɛm mɔr Executive master's degree in Governance and Leadership dinɛ ka o diꞌe yi Ghana Institute of Management and Public Administration. O da diꞌe kasɛta gbaʋŋkaŋa nɛ yʋʋm tusa ayi nɛ anii la ni (2008).

Tʋʋma

Akunye anɛ senior nursing officer bɛ Akunye Memorial Clinic.

Pɔlitiks

Ba da vɔɔti Akunye yiga ka o keŋ wadmaannib yin lanɛ maꞌasim tiig Naꞌadɔɔg la, National Democratic Congress nɔba zug yʋʋm tusa ayi nɛ anaasi (2004) Ghana wʋsa vɔɔtʋgin la. O da lɛn di nyaꞌ yʋʋm tusa ayi nɛ anii (2008) la ka di. Din nyaꞌaŋ, o da li Maꞌasim tiig Naꞌadɔɔg, National Democratic Congress vɔɔtʋg la yʋʋm tusa ayi nɛ piinɛ ayuobʋ la ni (2016). On da li la ka gbanꞌe ye o keŋi o kɔnꞌɔ kɔnꞌ yʋʋm tusa ayi nɛ piinɛ ayuobʋ (2016) Ghana wadmaanib vɔɔtʋg la, amaa ka da pʋ di Pusiga kʋk la ka Laadi Ayii Ayamba onɛ bɛ Maꞌasim tiig Naꞌadɔɔg la, National Democratic Congress di.

Vɔɔtʋg

Ba da vɔɔti Akunye yiga ka o keŋ wadmaannib yin lanɛ maꞌasim tiig Naꞌadɔɔg la, National Democratic Congress nɔba zug yʋʋm tusa ayi nɛ anaasi (2004) Ghana wʋsa vɔɔtʋgin la.

O constituency da paasnɛ sʋꞌʋlimnam awai (9) yi kʋgʋs piinɛ atan (13) banɛ ka Maꞌasim Tiig Naꞌadɔɔg la, National Democratic Congress da di vɔɔtkan ni Upper East Region sʋꞌʋlim la. Maꞌasim Tiig Naꞌadɔɔg, National Democratic Congress da dinɛ kʋgda dinɛ kʋgʋs piswai nɛ anaasi (94) yi kʋgʋs kɔbisyiꞌ nɛ pistan pʋʋgin (230). O da paam vɔɔt tusa piinɛ ayi, kɔbiga nɛ piinɛ ayi (12,112) yi vɔɔt tusa piinɛ anii nɛ kɔbisyɔpɔi (18,700) pʋʋgin. Nɛꞌ da zɛmnɛ pisyuobʋ nɛ anaasi duꞌali anii kɔbiga pʋʋgin (64.8%) yi vɔɔt la wʋsa pʋʋgin. Ba da vɔɔt o ka bas Yahaya Seidu Awinaba onɛ an Wabʋg Naꞌadɔɔg, New Patriotic Party nid. On da paamnɛ vɔɔt tusa ayuobʋ, kɔbisnu nɛ pisnii nɛ anii (6,588) yi vɔɔt la wʋsa pʋʋgin. Nɛꞌ da zɛmnɛ pistan nɛ anu duꞌali ayi kɔbiga pʋʋgin (35.2%) vɔɔt la wʋsa ni.

Yʋʋm tusa ayi nɛ anii la nii (2008), ba da lɛn gaŋ o ye o an wadmaani tis constituency kan yaꞌas.O da dinɛ Maꞌasim tiig Naꞌadɔɔg National Democratic Congress nɔba zug di. O da paam vɔɔt tusa anii, kɔbisnii nɛ atan (8,803) yi vɔɔt tusa piinɛ anu, kɔbisyuobʋ nɛ pisnii nɛ anaasi (15,684) pʋʋgin. Nɛꞌ anɛ pisnu nɛ ayuobʋ duꞌal piinɛ atan kɔbiga pʋʋgin (56.13%). Ba da vɔɔt o ka basi Azongo Peter Tasiri onɛ bɛ Peoples' National Convention, Mohammed Imoro Asoko onɛ bɛ Wabʋg Naꞌadɔɔg, New Patriotic Party nɛ Abugbila Daniel onɛ bɛ Anɔraʋg paati, Convention People's Party. Bama da paamnɛ kɔbistan nɛ piswai nɛ yinne (391), tusa anu nɛ pisi nɛ yinne (5,021) nɛ tusir yinne, kɔbisnaasi nɛ pisyuobʋ nɛ awai (1,469) nwɛnɛ ba yʋda la dɔl taaba siꞌem la. Nɛꞌɛnam da zɛmnɛ ayi duꞌal pisnaasi nɛ awa kɔbiga pal pisnaasi nɛ awa kɔbiga pʋʋgin (2.49%), pistan nɛ ayi duꞌal yiine kɔbiga pʋʋgin (32.01%) nɛ awai duꞌal pistan nɛ ayɔpɔi kɔbiga pʋʋgin (9.37%) nwɛnɛ ba yʋda la dɔl taaba siꞌem la.

Mɛŋ bɛllim

O anɛ Catholic pʋꞌʋsim nid ka mɔr pʋꞌa nɛ biis anii.