Andrew Asiamah Amoako

Andrew Asiamah Amoako

ninsaal

Sex or gender	Dau
Country of citizenship	Ghana
Name in native language	Andrew Asiamah Amoako
Yu'ur Kane ka ba tis o	Andrew
Zak yu'ur	Amoako
Du'am yuum	24 Fulumfug/Nwadisatan' 1966
Duam zin'ig	Adansi
Languages spoken, written or signed	English
Tuuma	politician, lawyer
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Kwame Nkrumah University of Science and Technology, Kwame Nkrumah University of Science and Technology, Kwame Nkrumah University of Science and Technology, Ghana lɔyanam sakur
Work location	Kumasi
Member of political party	New Patriotic Party, Independent candidates
Religion or worldview	Christianity

Andrew Asiamah Amoako (24 February 1966) o anɛ Ghana lɔya, pɔlitis nwɛꞌɛd ka paas Wadmaanib yikanɛ aan anii la, Ghana Republic kanɛ paasi annaasi la ni. Ba da vɔɔt o ka o lieb wadmaan nɛ yʋʋm tusa ayi' nɛ pisi la ni. O da pʋ ziꞌen naꞌadɔsiꞌa nɔbir zugɔ. Nannanna, onɛ an Fomena n bɛ Kumasi sʋꞌʋlim la wadmaan. Onɛ lɛn an Wadmaanib yikpɛɛm kanɛ paas ayi'.

Vʋm nɛ o sakur yɛla

Ba da duꞌa Amoako nɛ yʋʋm tusir kɔbiswai nɛ pisyuobʋ nɛ ayuobʋ 24-02-1966, Wioso-Adansi n bɛ Kumasi sʋꞌʋlim la. O mɔr MSc in |r of Arts Zaba pansigir (Conflict Resolution) nɛ LLB (Law) yi Kwame Nkrumah University of Science and Technology nɛ lɔyanam kasɛta gbaʋŋ (professional law licence (BL) yi Ghana lɔyanam sakurin la.

O tʋʋma yɛla

On daa nam pʋ kpɛnꞌ pɔlitis la, o daa anɛ lɔya bɛ Minka Premo and Co. (Akosombo Chambers). O daa lɛn an Estates Officer, Land Officer nɛ Valuer Kumasi Metropolitant Assembly la ni.

Pɔlitiks

On da gbanꞌe ye o kʋ nyaꞌ yʋʋm tusa ayi' nɛ pisi 2020 vɔɔtʋg la ka di yinɛ o mɛŋ naꞌadɔɔg dim la pʋ maal o sʋꞌʋŋa la, nyaꞌaŋ o da gbanꞌe ye o na nyaꞌa o kɔnꞌɔ-kɔnꞌɔ ka o kʋ dɔl naꞌadɔsiꞌaa.

O da anɛ Wabʋg naꞌadɔɔg la nid, ka dɔlisi ba wada gbaʋŋ la zug 3(9), daa yisi o mɛŋ ka yɛl Wadmaan yikpɛɛm la ka o tien yidim la ye o kʋk la yʋꞌʋŋ anɛ zaalim yʋʋmtusa ayi nɛ pisi la nwadis anii la dabpiinɛ atan daar dɔlisid wada gbaʋŋ la yɛl siꞌem zug 97(1) . Amoako da pʋ siakɛ ka ye ba yis o nɛ naꞌadɔɔgin la ka ba pʋ yis o wada maalʋginɛ. Ka ye di anɛ Wadmaanib yir la maꞌaa na nyaŋi yis o ka naꞌadɔɔg kʋ nyaŋi yis o ye o kaꞌ wadmaan na. Lɔya Kwaku Asare da siaki Amoako yɛl siꞌel la, ka yɛl ye gbaꞌakanɛ ka ba gbanꞌe la anɛ ba dɔlis wada suor, ka di anɛ ba keŋ kɔɔtʋ nwɛnɛ wada gbaʋŋ la 99(1) yɛl siꞌem la.

Amoako da di Fomena kʋk la yʋʋmtusa ayi nɛ pisi vɔɔtʋg la nɛ vɔɔtnam tusa piinɛ Ayi, kɔbisnii nɛ anu ka onɛ dɔl o ka aan o mɛŋ naꞌadɔɔg nid la paam tusa piiga, kɔbisyɔpɔi nɛ piswai nɛ anii. Amoaka maꞌaa da an Wadmaan kanɛ di yʋʋmtusa ayi nɛ pisi vɔɔt la ka pʋ ziꞌen naꞌadɔɔg nɔba zugɔ. On da pʋ dɔl naꞌadɔɔg la da sʋŋ o nɛ naꞌadɔɔg ayi la wabʋg (NPP) nɛ maꞌasim tiig, (NDC) da pʋ gat taaba. Vɔɔt la nyaꞌaŋ ba da buꞌos o buꞌosa ka Amoako yɛl ye on pʋ mɔr taal nɛ wabʋg naꞌadɔɔg la nɛ ban maal o siꞌem la. Wabʋg naꞌadɔɔg (NPP) gbansɔbid, John Boadu, yɛl ye Amoako na nyaŋi sɔb gbaʋŋ ka ba lɛn diꞌe o yaꞌas. Yʋʋmtusa ayi nɛ pisi nɛ yinne yʋʋmpaal nwadig la daba ayɔpɔi daar, ba da gaŋ Asiamah ye paas Wadmaanib yir kpɛɛm nyaꞌandɔl onɛ paas ayi. Ka di kpɛnꞌ Ghana gbana pʋʋgin ye on maꞌa an onɛ pʋ dɔl naꞌadɔɔg keŋɛ ka lieb kpɛɛm nyaꞌadɔl.

Laꞌabanɛ ka o tʋm

Amoako an kʋkdaani tis laꞌaskanɛ yʋꞌʋri an banɛ bɛ ɔfis banɛ mɔr nyɔɔd la, o daa paas banɛ gɔsid wadmaan yin suoya dɔlisʋg, laꞌas kanɛ gɔsid Subsidiary Legislation, laꞌas kanɛ gɔsid gbaʋŋ zamisʋg yɛla, nɛ banɛ gɔsid sanlimanam nɛ bugum yɛla.

Mɛŋ bɛlim

Amoako anɛ karimbiig