Black Star Square
| Inception | 1961  |
|---|---|
| Native label | Black Star Square |
| Continent | Africa |
| Country | Ghana |
| Located in the administrative territorial entity | Korle-Klottey Municipal District, Greater Accra Region, Accra Metropolitan District |
| Location | Ministries, Accra |
| Coordinate location | 5°32′51″N 0°11′33″W, 5°32′52″N 0°11′33″W |
| Commissioned by | Kwame Nkrumah |
Black Star Square, linɛ ka li yʋꞌʋr lɛm buon ye Independence Square la, anɛ nimbabig laꞌasʋg zinꞌigi bɛ Accra, Ghana, n tɔnd Accra niŋwisigir diꞌema zinꞌig nɛ Nkwame Nkrumah Memorial Park la. Black Star Square anɛ zinꞌig kanɛ ka yʋʋm wusa ka ba maan Independence diꞌema nɛ diꞌem titada bani bɛ Ghana sʋꞌʋlim. Nananna di yʋꞌʋŋ anɛ babiri tis Ghana nidib nɛ sogianam laꞌas titada zinꞌisi bɛ Ghana kpala. Ba da maal zinꞌig la naae nɛ yʋʋm tusir, kɔbis wai nɛ pisyuobu nɛ yinnɛ la ni ka li da kpɛm sial nɛ Queen Elizabeth onɛ pɛɛs ayi o kʋk zuk la kɛn saŋŋa. Black Star Square bɛnɛ 28th Febuary suor la nɛ Accra ya dagɔbʋg baba la tɛŋsʋk. Lɛm pɛꞌɛs yaꞌasaa, di anɛ zinꞌititaꞌar kani pɛɛs dunia wʋsa zinꞌis titada zinꞌis la yinne.[1]
Labakuda
[dɛmisim gbɛlima | dɛmisimi din yi zin'isiana]Gold Coast linɛ yʋꞌʋŋ an nananna Ghana independence yanꞌaŋ la, Kwame Nkrumah da an yiiga piram minista nɛ pirɛsiden yʋʋm tusir, kɔbis wai nɛ pisnu nɛ ayɔpɔi (1957) saŋkan. Kwame Nkrumah da tis nɔɔr ka ba mɛꞌ Black Star Square la ye ba nɔki diꞌem tɛŋ la Independence dabisir diꞌema la. Di da sialnɛ nɛ Queen Elizabeth onɛ pɛɛsa ayi (II) o kʋg zug la kɛn saŋŋa Ghana na. Yʋʋm tusir, kɔbis wai nɛ pisyuobu nɛ yinnɛ saŋŋa ka ba da mɛꞌ Black Star Square la naae.[2][3] Kwame Nkrumah da gaad Ghana dim tuon ka ba paam Independence n yi Britain dim nuꞌusin dinɛ ka ba da buon ye Gold Coast la.[4]
Di Sʋm
[dɛmisim gbɛlima | dɛmisimi din yi zin'isiana]Black Star Square anɛ Ghana dim Independence laꞌasʋg zinꞌig kani ɛnti lut 6th March yʋʋm wʋsa. Linɛ ziꞌie viki ka pʋ tanmid anɛ Golden Jubilee, Ghana yʋma pisnu (50th) annivɛsiri Independence laꞌasʋg dinɛ ka ti faan ti mɛŋi yi British dim nuꞌusin la. Golden Jubilee laꞌasʋg diꞌema la da naamnɛ March 6, 2007 ka di da anɛ Pirɛsiden John Kuffour da gaad tuon.[5][6] Di mɛ lɛm anɛ zinꞌig kani ka laꞌas titada nɛ samampiidnam diꞌemidi ani. Saan wʋsa mɔr suor ka ba na nyaŋŋi kia footonam zinꞌig la wʋsa ni, hali laꞌam pɛɛs nɛ Black Star Square zaꞌanɔɔr la.[7]
Di Zi'esim
[dɛmisim gbɛlima | dɛmisimi din yi zin'isiana]Independence Square la ni mɔr zinꞌisa, dinɛ na yaŋŋi nɔk nidib tusa pistan (30,000). Square la nwɛꞌɛd nyɔꞌɔg nɛ monumɛns banɛ libil Asʋ'ʋ-m-mɛŋ zaba nɛ Labirasin la. Banɛ an Independence Arch nɛ, Liberation Dabisir Monument nɛ Black Star Square zaꞌanɔɔr la, ba lɛm buoni li nɛ ye Black Star Monuments.[8] Sanlim soogia dinɛ ka ba yaꞌabi zi'eli kpaꞌ Independence Arch la paꞌannɛ Ghana nidib banɛ da kɔꞌɔŋi ba nyɔvʋya Asʋ'ʋ-m-mɛŋ zaba la ni.
Laꞌastitada
[dɛmisim gbɛlima | dɛmisimi din yi zin'isiana]March 24, Yʋʋm tusir, kɔbis wai nɛ piswai nɛ anii (1998), nidib da laꞌasi tʋʋg tusa kɔbisnu square la ni ye ba diꞌe U.S Pirɛsidɛn kudug Bill Clinton. Laꞌas kaŋŋa zanbil U.S Pirɛsidɛn la o yiiga kɛn kani ka o kɛŋ Ghana sʋꞌʋlim na.[9]
August 10, yʋma tusa ayi nɛ pii nɛ ayi (2012), ba da maal Ghana pirɛsidɛn kudug John Atta Mills kuur la nɛ Square la ni.[10]
November 18, yʋma tusa ayi nɛ pii nɛ ayi (2012), ba da maal Ghana Pirɛsidɛn nyaŋdɔl kudug Aliu Mahama kuur la nɛ Square la ni.[11]
January 27, yʋma tusa ayi nɛ pisi nɛ yinnɛ la ni, Ghana Pirɛsidɛn kudug Jerry Rawlings kuur la, [12]Square la ni ka ba da maal.
Gbanvɛɛnsa
[dɛmisim gbɛlima | dɛmisimi din yi zin'isiana]- ↑ "Black Star Square". Atlas Obscura. Retrieved 2020-01-16.
- ↑ "Ghana Salutes Queen Elizabeth". New York Times. Nov 19, 1961. ProQuest 115275130
- ↑ "Visit Ghana | Independence Square". Visit Ghana. Retrieved 2020-08-11.
- ↑ "Black Star Square". Atlas Obscura. Retrieved 2020-01-16.
- ↑ Lentz, Carola (2013-09-16). "Ghana@50. Celebrating the Nation. Debating the Nation". Cahiers d'études africaines. 53 (211): 519–546. doi:10.4000/etudesafricaines.17405. ISSN 0008-0055.
- ↑ "Ghana celebrates 50 years that changed Africa". Reuters. 2007-03-06. Retrieved 2019-11-12.
- ↑ "Black Star Gate". NO CoVax Ghana-Net.com. Retrieved 2024-01-18.
- ↑ Unknown (2013-10-15). "TOURING ACCRA: THE BLACK STAR SQUARE". TOURING ACCRA. Retrieved 2019-11-13.
- ↑ Gocking, Roger S. (2005). The History of Ghana. ABC-CLIO. ISBN 1282417908. OCLC 732281154.
- ↑ "Funeral held for Ghana president". 2012-08-10. Retrieved 2019-11-13.
- ↑ "Hundreds attend Aliu Mahama's funeral in Accra". www.ghanaweb.com. 2012-11-18. Retrieved 2021-01-29.
- ↑ "Rawlings funeral: Ghanaians bid farewell to ex-president". BBC News. 2021-01-27. Retrieved 2021-01-29.