Issifu Pangabu Mohammed

Issifu Pangabu Mohammed

human

Sex or gender	male
Country of citizenship	Ghana
Date of birth	6 Dɔnwalig/Nwadisanaasi 1962
Languages spoken, written or signed	English
Occupation	farmer
Position held	Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Educated at	Tamale Senior High School
Member of political party	National Democratic Congress
Religion or worldview	Islam

Issifu Pangabu Mohammed (ba dʋ’a o nɛ yʋʋm tusir, kɔbiswai nɛ pisyuobʋ nɛ ayi nwadisa atan la daba ayuobʋ, 6 March 1962) ka o an onɛ tʋm kuob nɛ gʋ’ʋl tʋʋma (agriculturist) nɛ pɔlitis nwɛ’ɛd bɛ Ghana. O da zi’en National Democratic Congress nɔba zugʋ nya’ ka di zi’eni tis Ejura-Sekyedumase constituency bɛ Ashanti Region sʋ’ʋlim Ghana la, 4th nɛ 5th parliaments la ni Ghana 4th republic la ni.

On sin’iŋ si’em nɛ o sakur yɛla

Ba dʋ’a Mohammed nɛ yʋʋm tusir, kɔbiswai nɛ pisyuobʋ nɛ ayi nwadisa atan la daba ayuobʋ daar, (6 March 1962). O yinɛ Bawku, tenkanɛ bɛ Upper East Region sʋ’ʋlim, Ghana. O da paami o GCE O Level secondary education yʋʋm tusir, kɔbiswai nɛ pisyɔpɔi nɛ awai la ni (1979).

Tʋʋma

Mohammed sʋ’oe ka an managing director tis Pee Farms dinɛ bɛ Ejura la.

Pɔlitis tʋʋma

Mohammed paasnɛ National Democratic Congress ni. O da lieb wadmaan yʋʋm tusa ayi nɛ anu yʋʋmpaal nwadig la ni (January 2005) on da di vɔɔtkanɛ ka ba da maal yʋʋm tusa ayi nɛ anaasi nwadis piinɛ ayi la ni la (December 2004). O da nya’aya ya’as ka lɛn di. 7,8 O da anɛ wadmaani tis Ejura-Sekyedumase constituency. Ba da vɔɔt o ka o lieb wadmaan constituency kaŋa ni fourth nɛ fifth parliament of the fourth Republic of Ghana.

Vɔɔtʋg

Ba da vɔɔt Mohammed ka o an wadmaani tis Ejura-Sekyedumase constituency bɛ Ashanti Region sʋ’ʋlim, Ghana la yiiga nɛ yʋʋm tusa ayi nɛ anaasi (2004) Ghana wʋsa vɔɔtʋg la ni.O da zi’enɛ National Democratic Congress nɔba zugʋ nya’ ka di. O constituency da paasi atan (3) banɛ ka National Democratic Congress da di Ashanti Region yi kʋgʋs pistan nɛ awai (39) pʋʋgin. National Democratic Congress da di kʋgʋs bi’ela nwɛnɛ kʋgʋs piswai nɛ anaasi (94) yi kʋgʋs kɔbisyi’ nɛ pistan’ pʋʋgin (230 seats). O da paam vɔɔt tusa piinɛ ayɔpɔi nɛ pisnu nɛ anii (17,058) yi vɔɔt tusa pistan’ nɛ atan, kɔbisnaasi nɛ pisnaasi nɛ anii (33,448) pʋʋgin. Nɛ’ da zɛmnɛ nɛ vɔɔt pisnu nɛ yinne kɔbiga pʋʋgin (51%) yi vɔɔt la wʋsa pʋʋgin. Ba da vɔɔt o ka bas Raymond Abuska onɛ bɛ Peoples’ National Convention, Richard Ofori Dwamena onɛ bɛ New Patriotic Party, Mathias N. G. Naala onɛ bɛ Convention People's Party nɛ Dominic Kwabena Anomah B. independent candidate. Bama da paamnɛ kɔbistan nɛ pisi nɛ anaasi (324), tusa piinɛ atan, kɔbisyuobʋ nɛ anii (13,608), kɔbisyi’ nɛ pisnaasi (240) nɛ tusa, kɔbisyi’ nɛ piinɛ nii (2,218) nwɛnɛ ba yʋda la dɔl taaba si’em la. Dinɛ ka ba da paam la zɛmnɛ nɛ vɔɔt yinne kɔbiga pʋʋgin (1%), vɔɔt pisnaasi du’ali ayɔpɔi kɔbiga pʋʋgin (40.7%), nɛɛm du’ali ayɔpɔi kɔbiga pʋʋgin (0.7%) nɛ ayuobʋ du’ali ayuobʋ kɔbiga pʋʋgin (6.6%) nwɛnɛ ba yʋda la dɔl taaba si’em la vɔɔt la wʋsa pʋʋgin.

Yʋʋm tusa ayi nɛ anii la ni (2008), o da zi’en National Democratic Congress nɔba zugʋ lɛn di constituency kʋk la. O constituency da paasi atan (3) banɛ ka National Democratic Congress da di Ashanti Region yi kʋgʋs pistan nɛ awai (39) pʋʋgin. National Democratic Congress da di kʋgʋs bi’ela nwɛnɛ kʋgʋs kɔbiga nɛ piinɛ atan (113) yi kʋgʋs kɔbisyi’ nɛ pistan’ pʋʋgin (230 seats).  O da paam vɔɔt tusa pisi, nɛ pistan nɛ anii (20,038) yi vɔɔt la wʋsa an tusa pistan’ nɛ anii, kɔbisyuobʋ nɛ piinɛ anii (38,618) dinɛ zɛm nɛ pisnu nɛ yinne du’al pisnii nɛ awai kɔbiga pʋʋgin (51.89%) yi vɔɔt la wʋsa pʋʋgin. Ba da vɔɔt o ka bas Dr. Josuah Ayarkwa onɛ bɛ New Patriotic Party, Patrick K. Konadu onɛ bɛ People's National Convention, K.K. Nti Oliver onɛ bɛ Democratic Freedom Party, Joseph Snwok Lambon onɛ bɛ Convention People's Party nɛ Yusif Mohammed Kpajal onɛ an independent candidate. Nimbama da paamnɛ vɔɔt tusa piinɛ ayɔpɔi, kɔbistan’ nɛ piinɛ ayi’ (17,312), kɔbisyi’ nɛ piinɛ anii (218), kɔbiga nɛ pistan nɛ ayuobʋ (136), kɔbistan’ nɛ pisyɔpɔi nɛ ayuobʋ (376) nɛ kɔnisnu nɛ pistan nɛ anii (538) nwɛnɛ ba yʋda la dɔl taaba si’em la. Ba vɔɔt la kanl kɔbiga pʋʋgin zɛmnɛ nɛ pisnaasi nɛ anaasi du’al pisnii nɛ atan (44.83%), nɛɛm du’al pisnu nɛ ayuobʋ (0.56%), nɛɛm du’al pistan’ nɛ anu (0.35%), nɛɛm du’al piswai nɛ ayɔpɔi (0.97%) nɛ yinne du’al pistan’ nɛ awai (1.39%) nwɛnɛ ba yʋda la tun’ taaba si’em la.

Mɛŋ bɛllim

Mohammed anɛ Mɔr. O mɔr pʋ’a nɛ biisa ayuobʋ.

Parliament of Ghana
Preceded by Sampson Atakora	Member of Parliament for Ejura-Sekyedumase2009 – 2013
Political offices
Preceded by Issifu Pangabu Mohammed	Succeeded by Mohammed Salisu Bamba