Ivor Kobina Greenstreet

Ivor Greenstreet

ninsaal

Sex or gender	Dau
Country of citizenship	Ghana
Yu'ur Kane ka ba tis o	Ivor
Du'am yuum	31 Sigsaa/Nwadisayuobʋ 1966
Duam zin'ig	Accra
Languages spoken, written or signed	English
Tuuma	politician, lawyer
Member of political party	Convention People's Party (CPP)
Candidacy in election	2016 Ghanaian presidential election

Ivor Kobina Greenstreet, dʋꞌam dabisir anɛ yʋʋm tusa kɔbis wai nɛ pisyuobu nɛ ayuobu, nwadisa anu la ni, dabisa pistanꞌ nɛ yinne (31 May 1966). O anɛ naꞌam nyaꞌad Ghana sʋꞌʋlim ka lɛn an kɔɔtɔ tʋmtʋm (lawyer). Onɛ da lieb naꞌadɔɔg kanɛ buon Convention People's Party (CPP) la tuongat, da nyaꞌa naꞌam yʋʋm tusa ayiꞌ nɛ pisi naꞌam,nyaꞌab saŋa la ni (2020 Ghanaian general election)

On sinꞌiŋ siꞌem nɛ o sakur yɛla

Ivor da paas nɛ o saam biis anaasi ni, abʋatanꞌ ni, ka o dʋꞌam dabisir anɛ yʋʋm tusa, kɔbis wai nɛ pisyuobu nɛ ayuobu, nwadis anu la ni, dabisa pistanꞌ nɛ yinne (31 May 1966), asibiti kanɛ ka ba buon ye Korle-Bu Teaching Hospital, Accra sʋꞌʋlim. O saam nɛ o ma anɛ Prof. Dennis Greenstreet nɛ Miranda Greenstreet, O da anɛ paꞌan-paꞌan University of Ghana,ka kɛŋ tuoni da lɛn an kpɛɛm yinne tis nɛ Coalition of Domestic Election Observers (CODEO).

O pʋꞌa anɛ Ghana zugraan kʋdʋg nyaꞌandɔl kanɛ dig o nʋꞌʋg zug ka ba buon o Vice President kʋdʋg Kow Arkaah, onɛ mɛ da an kɔɔtɔ tʋntʋn. Ba mɔr biis atanꞌ; dasaŋ yinne nɛ pʋꞌasada ayiꞌ.

O yitnɛ Ga-Mashie Accra sʋꞌʋlim. O da pinꞌil o sakur kɛnnɛ Ghana sʋꞌʋlim, O mɛ lɛn anɛ onɛ mɔr pɛbisim laꞌadi lugid kuꞌom wʋʋ ziŋ nɛ (Scuba diver), onɛ da an yiiga daani an ninsabilis tɛŋ nidi da paasi nyaꞌa nɛ dunia dim diem kanɛ an a-iank nɛ pɛbisim naani agɔli signa yiiga diema la (parachuting event), o mɛ lɛn anɛ banɛ gɔsid malifʋ nam yɛla Ghana sʋꞌʋlim ka ba buoni ba ye Ghana National Rifle Association la. O da kɛŋ tɛŋ kanɛ buon UK ye o zamis wada yela. On da naae o zamisʋk la, o da nyɛ tʋʋma Middle Temple nɛ Ghana Bar kɔɔtɔ tʋʋma. Yʋʋm tusa kɔbʋs wai nɛ piswai nɛ ayɔpɔi (1997) la ni, o da paam sapʋꞌad bɛ sour kanɛ an Tema Motorway, ka li pɔnꞌɔlim o ti paae zina ka o nan zinꞌi pɔnꞌɔr kɛꞌkɛ ni la.

Tʋʋma pinꞌilʋg

Ivor tʋmnɛ lawyer tʋʋma ka lɛn an onɛ sɔbid gbana.

O nyɛ kɔɔtɔ ni tʋʋma linɛ an Ghana Bar nɛ English Bar (Inner Temple).

Pɔlitis

O anɛ naꞌa,nyaꞌad kanɛ mɔr bɔɔdim kati waae nidib yɔlisim nɛ ba nyaliꞌ yɛla li kaskas anɛ dasam nɛ pʋꞌasada nɛ pʋꞌab nɛ banɛ pʋ,mɔraa bɛɛ nɔŋ dim. Yɛlkpana banɛ ka o gbanꞌe nɛ o nʋꞌʋs ayiꞌ anɛ o tʋm o tʋʋma nɛ nimmua ka lɛn gɔsid ninsabilis yɔlisim yɛla nɛ tɛŋgbaʋŋ nɔbigir yela.

Convention People's Party

O da anɛ niŋkpiꞌeŋi paas People's Convention Party (PCP) naꞌadɔɔg la ni nɛ o naꞌadɔɔg la daa ti nɔki ba mɛŋi laꞌas nɛ naꞌadɔɔg kanɛ an NCP yʋꞌʋn kilim CPP yʋm tusa kɔbʋs wai nɛ piswai nɛ ayuobu la ni (1996). O da tʋm tʋʋma bɛdɛgʋ CPP ni. Yʋʋm tusa ayiꞌ nɛ anaasi la ni (2004), o naꞌadɔɔg dim da gaŋʋ o ye o an wada maan tis Ayawaso West Wuogon constituency nyaꞌa naꞌam yʋʋm tusa ayiꞌ nɛ anaasi la ni votʋʋg la (2004 Ghanaian general election) linɛ ka o da kɔꞌɔŋ ka Akosua Frema Osei-Opare onɛ da an NPP naꞌadɔɔg nid, da diꞌ la. Onɛ da an naꞌadɔɔg kanɛ buon CPP la nii da di naꞌam, an ba gbaʋŋ sɔbid nɔɔr ayiꞌ yʋʋm tusa ayiꞌ nɛ ayɔpɔi la, nɛ tusa ayiꞌ nɛ piiga nɛ yinne la ni (2007 and 2011). O anɛ onɛ mɔr pɛbisim laꞌadi lubid kuom wʋʋ ziŋ nɛ (Scuba diver), onɛ da an yiiga daani an ninsabilis tɛŋ nidi da paasi nyaꞌa nɛ dunia dim diem kanɛ an a-iank nɛ pɛbisim naani agɔli signa yiiga diema la (parachuting event), o mɛ lɛn anɛ banɛ gɔsid malifʋ nam yɛla Ghana sʋꞌʋlim ka ba buoni ba ye Ghana National Rifle Association la (GNRA).

2016 zuraan nyaꞌab

Yʋʋm tusa ayiꞌ nɛ piiga nɛ ayuobu, pinꞌilig nwadig la (January 2016), o da nyaꞌa naꞌam nɛ o taaba naꞌadɔɔg kanɛ buon CPP la zugraan ka da di yaꞌan, bozugo banɛ da vɔɔti tis o la da anɛ nidib tusa kɔbʋsyiꞌ nɛ pisnii nɛ anii (1,288 votes), ka lin da anɛ pisyuobu nɛ anaasi nɛ pʋdigir ayiꞌ (64.2%), kɔbʋga pʋʋgin, ka onɛ daa nyaꞌa nɛ o ka o yʋʋr buon Samia Nkrumah, onɛ an Ghana yiiga zugraan kudug ka o yʋꞌʋr buon Kwame Nkrumah poꞌayua, da nyɛ nidib biela ka ba tɔnꞌ tis o, nidib kɔbʋs nu nɛ pisyɔpɔi nɛ awai maꞌa (579 votes). O yaꞌan la da kɛ ka o an yiiga sɔb Ghana sʋꞌʋlim nyaꞌa gɔmena zugraan naꞌam ka mɔr wintadimis. Onɛ da an naꞌadɔɔg kanɛ buon (CPP) la kpɛɛm nyaꞌ naꞌam yʋʋm tusa ayiꞌ nɛ piiga nɛ ayuobu (2016 Ghanaian general election). O da kɔꞌɔŋ naꞌam la, bɔzugo, nidib tusa pisinɛ anu nɛ kɔbʋsnu nɛ pisnu nɛ ayiꞌ (25,552 votes), ka lin anɛ kɔbʋga pʋʋgin anɛ zaalim nɛ pʋdigir pisi nɛ anaasi (0.24%) ka Nana Akufo-Addo da diꞌ yaꞌan.

2020 zuraan nyaꞌab

Naꞌadɔɔg kanɛ buon Convention People's Party (CPP) da len gaŋ o ye o an ba tuongat yʋʋm tusa sayiꞌ nɛ pisi la ni naꞌam nyaꞌab saŋa la (2020 general elections). Yʋʋm kan nwadis piiga la ni (October 2020) ka o da gaŋ Professor Emmanuel Bobobe  ka o an o nyaꞌandol.