Mumuni Alhassan

Pinꞌilʋg Bɛllim yɛla

Ba da duꞌa Mumuni nɛ sɛɛʋng nwadig la li dabisim pisi nɛ atanꞌ daar yʋma tusir nɛ kɔbiswai nɛ pisyuobʋ nɛ ayɔpɔi la ni (23 September 1967) n bɛ Gbung teŋ kanɛ bɛ Northern Region Ghana sʋꞌʋlʋm nwa ni la.

Sakur ken yɛla

Mumuni keŋi University of Education, Winneba sakur la ni, ka naae nɛ o Bachelor of Education degree kasɛta gbaʋŋ.

Mɛŋ bɛllim yɛla

Mumuni anɛ maalim daan, ka di puꞌa duꞌa biisa ayuobʋ.

Pɔlitis Nwɛꞌɛb Yɛla

Mumuni anɛ Maꞌasim tiig naꞌadɔɔg la nid. Yʋma 2012 kanɛ da gaad la, o da nya' Salaga North wadmaan kʋk la n bɛ NDC wadmaanib yir kanɛ paas ayuobʋ ka an Ghana Republic kanɛ paas anaasi la nɔba zug ka di.

Yʋma 2012 vɔɔdʋg la ni yɛla

Mumuni onɛ an maꞌasim tiig naꞌadɔɔg nid la da ziꞌen nyiꞌa Salaga North teŋ kanɛ bɛ Northern Region sʋꞌʋlʋm la wadmaan kʋk ka dii li nɛ vɔɔt kal tusa ayuobʋ nɛ kɔbisyɔpɔi nɛ pisyɔpɔi nɛ ayiꞌ (6,772) ka li an pisyuobʋ nɛ ayiꞌ nɛ duꞌalʋg pistanꞌ nɛ awai kɔbʋg pʋʋgin (62.39%). O da di vɔɔdʋg la ka bas Adam Mahammed Kamarudeen onɛ an Wabʋg Naꞌadɔɔg nid (NPP) ka mɔr vɔɔt kal tusa atanꞌ nɛ kɔbisnaasi nɛ pisyuobʋ nɛ ayiꞌ (3,462) ka li an pistanꞌ nɛ yinne nɛ duꞌalʋg pisnii nɛ awai kɔbʋg pʋʋgin (31.81%) la, nɛ Abdul-Fataw Abdul-Wahab onɛ an IND naꞌadɔɔg nid ka mɔr vɔɔt kal kɔbisyuobʋ nɛ pisi nɛ yinne ka li an anu nɛ duꞌalʋg pisyɔpɔi nɛ ayiꞌ  kɔbʋg pʋʋgin la (5.72%).

Yʋma 2016 Vɔɔdʋg La i yɛla

Ghana yʋʋm vɔɔdʋg titaꞌar kanɛ da bɛ yʋma 2016 la ni la, ba da lɛn vɔɔt tis Mumuni onɛ an maꞌasim tiig naꞌadɔɔg nid la ka o an Salaga North sʋꞌʋlʋm wadmaan. O da di vɔɔt la nɛ vɔɔt kal tusa ayuobʋ nɛ kɔbistanꞌ nɛ pisyuobʋ nɛ atanꞌ (6,363) ka li an pisnu nɛ ayiꞌ nɛ duꞌalʋg pisi nɛ ayiꞌ kɔbʋg pʋʋgin (52.22%) vɔɔt la wʋsa yaꞌa laꞌas taaba. O da di wadmaan kʋk la ka bas Lucas Alhassan Abilla onɛ an wabʋg naꞌadɔɔg nid ka mɔr vɔɔt kal tusa atanꞌ nɛ pistanꞌ nɛ ayɔpɔi (3,037) ka li an pisi nɛ anaasi nɛ duꞌalʋg piswai nɛ ayiꞌ kɔbʋg pʋʋgin (24.92%) la, nɛ Abdul-Fataw Abdul-Wahab onɛ an PPP naꞌadɔɔg nid la ka mɔr vɔɔt kal tusa ayiꞌ nɛ kɔbisyɔpɔi nɛ pistanꞌ nɛ atan ꞌ (2,733) ka li an pisi nɛ ayiꞌ nɛ duꞌalʋg pisnaasi nɛ atanꞌ kɔbʋg pʋʋgin (22.43%) la, nɛ CPP naꞌadɔɔg nid kanɛ da nyiꞌad naꞌam la ka mɔr vɔɔt kal pisnu nɛ ayiꞌ (52) ka li an duꞌalʋg pisnaasi nɛ atanꞌ  kɔbiga pʋʋgin(0.43%) la.

2020 vɔɔdʋg yɛla

Mumuni onɛ an Maꞌasim Tiig Naꞌadɔɔg nid la da lɛn ziꞌen nyiꞌa Salaga North wadmaan kʋk la Ghana vɔɔdʋg titaꞌar kanɛ da bɛ yʋma 2020 la ni la, amaa ka kɔꞌɔŋ ka Alhassan Abdul Iddi onɛ an wabʋg naꞌadɔɔg nid la di ka bas o.

Tʋʋma yɛla

O da anɛ kpɛɛm kanɛ gɔsid Ghana sakur ken tʋʋma nɛ Rural North ‘B’ Circuit dim lʋgir kanɛ bɛ Salaga sʋꞌʋlʋmin la.

O da anɛ East Gonja Distrik la kpɛɛm(DCE) vaanda nwadig, 2009 ken paae yʋʋm paal nwadig, 2013 la ni.