Paul Essien
| Sex or gender | Dau  |
|---|---|
| Country of citizenship | Ghana |
| Yu'ur Kane ka ba tis o | Paul |
| Du'am yuum | 8 Mɔraug/Nwadisanii 1975 |
| Languages spoken, written or signed | English |
| Tuuma | politician, education activist |
| Position held | Member of the 7th Parliament of the 4th Republic of Ghana |
| Educated at | University of Cape Coast, Takoradi Technical University |
| Member of political party | New Patriotic Party |
| Religion or worldview | Christianity |
Paul Essien anɛ Ghana pɔlitis nwɛꞌɛd ka an wadmaani paas Seventh Parliament of the Fourth Republic of Ghana ziꞌeni tis Jomoro Constituency bɛ Western Region sʋ'ʋlʋm, wabʋg naꞌadɔɔg (New Patriotic Party) nɔba zug.[1]
Gbaʋŋ zamisʋg
[dɛmisim gbɛlima | dɛmisimi din yi zin'isiana]O da keŋɛ Nass Senior High School ti maali o Ordinary level certificate ka da tɔlisi keŋ maali o Advanced Level bɛ Nsein Senior High School. O mɔri Bachelor Science degree kasɛta gbaʋŋ in Statistics yit University of Cape Coast.[2] Fassi ka o maal dinna, Essien,da maali o Higher National Diploma (HND) kasɛta gbaʋŋ yinɛ Takoradi polytechnic kanɛy yʋ'ʋn an Takoradi Technical University la.[3][4] O da maali o tʋmma tis gɔmena nɛ national service Nɛ GRA (VAT) Din yi yʋma tusa ayi' nɛ ayɔpɔi la ni (2007) ti paae yʋma tusa ayi' nɛ anii (2008).
Tʋʋma yɛla
[dɛmisim gbɛlima | dɛmisimi din yi zin'isiana]Essien anɛ paꞌan. O da paꞌal gɛligir (mathematics) Zamisʋg ka da lɛn an form master nɛ paꞌan kanɛ gɔsid ninwisigir yɛla (sports teacher) tis Annor Adjaye Senior High School din yi yʋma tusa ayi' nɛ anii la ni (2008) ti paae yʋma tusa ayi' nɛ pii nɛ ayuobʋ (2016). O da anɛ District kpɛɛm kanɛ gɔsid Bɔɔl nwɛ'ɛb yɛla yʋma tusir nɛ kɔbiswai nɛ piswai nɛ anii la ni (1998) ti paae yʋma tusa ayi' nɛ atan' la ni (2003).[5][3]
Pɔlitis nwɛ'ɛb yɛla
[dɛmisim gbɛlima | dɛmisimi din yi zin'isiana]Essien paas nɛ wabʋg naꞌadɔɔg (New Patriotic Party) ni. O da paas nɛ 7th parliament of the 4th Republic of Ghana la ni, ka ziꞌeni tis Jomoro Constituency. O da di jomoro constituency sʋ'ʋlʋmwadmaan kʋk la yʋma tusa ayi' nɛ pii nɛ ayuobʋ la ni (2016) Ghana vɔɔdʋg tita'ar. O da di kʋk la ka bas Thomas Elleamo Yankey onɛ an maꞌasim tiig naꞌadɔɔg nid la, (National Democratic Congress), nɛ Samia Yaaba Christina Nkrumah onɛ an Nɔraʋg na'adɔɔg nid la (Convention People's Party) ka an wadmaan kʋdʋg yʋma tusa ayi' nɛ awai la ni (2009) ti paae yʋma tusa ayi' nɛ pii nɛ atan' (2013), ka da lɛn an Ghana yiiga Zugraan kʋdʋg Kwame Nkrumah puꞌayua. O da paam nɛ vɔɔt kal tusa pii nɛ anii nɛ kɔbisyuobʋ nɛ piswai nɛ anaasi (18,694) yit vɔɔt la wʋsa pʋʋgin ka li an vɔɔt pistan' nɛ awai duꞌal pisnaasi nɛ awai kɔbʋg pʋʋgin (39.49%), ka Thomas Yankey nɛ Samia Nkrumah da paam vɔɔt tusa pii nɛ anaasi nɛ kɔbisyiꞌ nɛ pisnaasi nɛ yinne (14,241) ka li an vɔɔt pistan' duꞌali anii kɔbʋg pʋʋgin (30.08%), nɛ vɔɔt tusa awai nɛ kɔbisyɔpɔi nɛ pii nɛ anaasi (9,714) ka li an vɔɔt pisi duꞌal pisnu nɛ ayi' kɔbʋg pʋʋgin (20.52%), nwɛnnɛ ba yʋda la dɔl taaba siꞌem la.[6]
Essien da tʋm bɛ kpikpiʋŋ tʋʋma ni nɛ Industry nɛ Tourism Committee nɛ Judiciary Committee bɛ 7th parliament la ni.
Gbanvɛɛnsa
[dɛmisim gbɛlima | dɛmisimi din yi zin'isiana]- ↑ http://www.ghanamps.com/mps/details.php?id=5301
- ↑ https://web.archive.org/web/20220616202227/http://mcra.gov.gh/profile-of-the-deputy-minister/
- 1 2 https://www.ghanaweb.com/person/Paul-Essien-2356
- ↑ http://www.odekro.org/Profile/Details/179
- ↑ https://anfrebeats.com/2019/06/28/all-you-need-to-know-about-hon-paul-essien/
- ↑ http://ghanaelections.peacefmonline.com/pages/2016/western/jomoro/