Samuel Atta Mills
| Sex or gender | Dau  |
|---|---|
| Country of citizenship | Ghana |
| ཕ་སྐད་ཐོག་གི་མིང། | Samuel Atta Mills |
| Yu'ur Kane ka ba tis o | Samuel |
| Zak yu'ur | Mills |
| Du'am yuum | 26 Vaala/Nwadisanu 1956 |
| Duam zin'ig | Cape Coast, Kissi |
| Languages spoken, written or signed | English, Fante |
| Tuuma | politician, economist, banker |
| Position held | Member of the 7th Parliament of the 4th Republic of Ghana, Member of the 8th Parliament of the 4th Republic of Ghana |
| Educated at | Belmont University, Belmont University, Komenda College of Education, Mfantsipim School |
| Member of political party | National Democratic Congress |
| Candidacy in election | 2020 Ghanaian general election, 2016 Ghanaian general election |
| Religion or worldview | Christianity |
Samuel Atta Mills[1] (du'am yʋʋm anɛ 26 Vaala/Nwadisanu 1956) anɛ Ghana pɔlits nwɛꞌɛd ka an Wadmaani paas Wadmaanib yikanɛ paasi ayɔpɔi la, Ghana Republic kanɛ paasi anaasi la ni ziꞌeni tis Komenda Edina Eguafo Abrem Constituency bɛ Central Region la. O anɛ Maꞌasim tiig Naꞌadɔɔg(National Democratic Congress nid).[2]
On sinꞌiŋ siꞌem nɛ o sakur yɛla
[dɛmisim gbɛlima | dɛmisimi din yi zin'isiana]Ba da duꞌa Mills nɛ Alamis daar yʋma tusir nɛ kɔbiswai nɛ pisnu nɛ ayuobʋ, Nwadisa anaasi la dabpisi nɛ ayuobʋ daar. O yinɛ Kissi bɛ Central Region sʋꞌʋlim, Ghana la.[3] O da keŋi o secondary School nɛ Mfantsipim School, ani ka o da diꞌe o GCE kasɛtta gbaʋŋ. O da tɔlisi keŋ Komenda College sakur tita'ar la ni ani ka o da diꞌe paꞌan kasɛta gbaʋŋ (Diploma in Education). On da keŋ Komenda la zugɔ, Mills da paam suori keŋ Belmont University zamis ka ba da tis o BBA in Economics and Accounting kasɛta gbaʋŋ yʋma tusir nɛ kɔbiswai nɛ pisnii nɛ anaasi (1984), nɛ o MBA in Finance and Banking kasɛta gbaʋŋ yʋma tusir nɛ kɔbiswai nɛ pisnii nɛ ayuobʋ (1986) la ni.[2][4]
Tʋʋma yɛla
[dɛmisim gbɛlima | dɛmisimi din yi zin'isiana]On da nam pʋ lieb Wadmaan la, Mills da tʋmnɛ Ghana Tourism Development Company la ni ka aan ba chief executive officer yʋma tusa ayi' nɛ atan' la ni (2003) ti paae yʋma tusa ayi' nɛ anu la ni (2005). Yʋma tusa ayi' nɛ anu kanɛ da gaad la ni (2005), o da naam Panera Bread la ni lieb Regional Manager. O da tʋmnɛ ala paae ti paae yʋma tusa ayi' nɛ awai la ni (2009) ka ba gaŋ o ye o an onɛ sʋŋid gɔmma zudaan John Atta Mills. O da lɛn tʋm nɛ First American Bank la ni ka an kpɛɛmkanɛ gɔsidi ba ligipɛmisa yɛla.[2][4]
Pɔlitis nwɛ'ɛb yɛla
[dɛmisim gbɛlima | dɛmisimi din yi zin'isiana]Mills anɛ Maꞌasim tiig Naꞌadɔɔg (National Democratic Congress) nid.
Yʋma tusa ayi' nɛ pii nɛ ayuobʋ (2016) vɔɔdʋg la ni la, o da di Komenda-Edina-Eguafo-Abirem Constituency Wadmaan kʋk la. O da paam vɔɔt kal tusa pisi nɛ yinne nɛ kɔbiswai nɛ pisnu nɛ ayɔpɔi (21,957) ka li an pistan' nɛ anii duꞌali anaasi kɔbʋg pʋʋgin la (38.4%), ka Stephen Nana Ato Arthur onɛ an Wabʋg Naꞌadɔɔg(NPP) nid la, mɔr vɔɔt kal tusa pii nɛ anu nɛ kɔbiswai nɛ pisyuobʋ (15,960) ka li an pisi nɛ ayɔpɔi duꞌali awai kɔbʋg pʋʋgin (27.9%), ka John Sterlin onɛ an PPP nid la, mɛ mɔr vɔɔt kal tusa pii nɛ anii nɛ kɔbisnii nɛ pisyuobʋ (18,860) ka li an pistan' nɛ atan' kɔbʋg pʋʋgin (33.0%), Mrs. Rose Austin Tenadu onɛ an Anɔraʋg Naꞌadɔɔg (CPP) nid la paam vɔɔt kal kɔbisnaasi nɛ piiga (410) ka li an nɛɛm duꞌali ayɔpɔi (0.7%).[5]
Laꞌasʋg banɛ ni ka o tʋm
[dɛmisim gbɛlima | dɛmisimi din yi zin'isiana]Wadmaanib yin la, o da tʋm laꞌasʋg nam kɔnꞌɔb kɔnꞌɔb ni. O da paas laꞌaskanɛ gɔsid suoya nɛ laꞌad ziib nam yɛla (Roads and Transport Committee), ka lɛn an kʋkdaan nyaꞌadɔli tis laꞌaskanɛ gɔsid nidibi tuunsid ban di gɔmena ligidi siꞌem (Public Accounts Committee).[2]
Yʋʋm tusa ayi' nɛ pisi (2020) vɔɔdʋg la ni yɛla
[dɛmisim gbɛlima | dɛmisimi din yi zin'isiana]Ba da lɛn vɔɔt Mills Komenda-Edina-Eguafo-Abirem yʋma tusa ayi' nɛ pisi (2020) Ghana wʋsa vɔɔtʋgin la. O da paam vɔɔt kal tusa pisi nɛ ayuobʋ nɛ kɔbisnii nɛ pisnii nɛ ayuobʋ (26,886) ka li an pisnaasi nɛ ayi' duꞌali ayɔpɔi kɔbʋg pʋʋgʋn la (42.7%), ka Samuel Joe Acquah, onɛ an Wabʋg Naꞌadɔɔg (NPP) nid la paam vɔɔt kal tusa pisi nɛ atan' nɛ pistan' nɛ awai (23,039) ka li an pistan' nɛ ayuobʋ duꞌali ayuobʋ (36.6%), ka GUM nid Abubakr Sadiq Cann mɛ mɔr vɔɔt kal tusir nɛ yinne nɛ kɔbiga nɛ pisi nɛ ayi' (1,122) ka li an yinne duꞌali anii kɔbʋg pʋʋgin (1.8%), ka John Sterlin onɛ an Anɔraʋg na'adɔɔg nid la (PPP) paam vɔɔt kal tusa pii nɛ yinne nɛ kɔbiswai nɛ pisyuobʋ nɛ anaasi (11,964) ka li an pii nɛ awai kɔbʋg pʋʋgin (19.0%).[6]
Mɛŋ bɛlim
[dɛmisim gbɛlima | dɛmisimi din yi zin'isiana]Mills anɛ Kristo biig ka ken Methodist pʋ'ʋsʋm, Ghana.[2] o baꞌabiigi an Ghana gɔmena zudaan kʋdʋg John Atta Mills.[7][8]
Gbanvɛɛnsa
[dɛmisim gbɛlima | dɛmisimi din yi zin'isiana]- ↑ https://citifmonline.com/2015/08/new-faces-battling-for-ndc-seats-photos/samuel-atta-mills/
- 1 2 3 4 5 https://www.parliament.gh/mps?mp=18
- ↑ https://ghanamps.com/mp/atta-mills-samuel/
- 1 2 https://mobile.ghanaweb.com/person/Samuel-Atta-Mills-3109
- ↑ http://ghanaelections.peacefmonline.com/pages/2016/parliament/central/komenda_edina_eguafo_abirem/
- ↑ http://ghanaelections.peacefmonline.com/pages/2020/parliament/central/komenda_edina_eguafo_abirem/
- ↑ https://web.archive.org/web/20221209141754/https://www.ghanaweb.com/GhanaHomePage/NewsArchive/How-dare-you-guys-always-bring-out-this-hurt-Samuel-Atta-Mills-to-MPs-seeking-probe-1471982
- ↑ https://www.businessghana.com/