Sung Bi'ela Foundation
| Industry | non-governmental organization  |
|---|---|
| Inception | 2013 |
| Country | Ghana |
| Located in the administrative territorial entity | Ghana |
| Headquarters location | Ghana |
Sung Bi'ela Foundation Ghana [SBF-Gh] anɛ laꞌaskanɛ pʋ ied nyɔɔdɛ ka lɛɛ sʋŋid nidib nɛ la'asʋma kɔn'ɔb kɔn'ɔb. Onɛ pinꞌil ka an Executive Director tis Sung Bi'ela Foundation Ghana anɛ Zenabu Awinbe Salifu. O yɛl ye di malis o hali nɛ on ia ligidi sʋŋ tembanɛ o mɛŋ nidib bɛ la. Bɔzugɔ, on mɛ yinɛ Bawku na ka miꞌ tɔɔg kanɛ ka sakur biis nyɛt.
O paꞌal on da an kpiibʋg ka namis siꞌem ka naam paam keŋ sakur Manga JHS ka ye sʋŋkaŋa na kɛ ka biis nyaŋi paam sakuri keŋ sʋꞌʋŋa ka daʋŋ kae.
Yʋma bɛdegʋ nwa ka paꞌannib nɛ sakur bisieba banɛ bɛ biis sakuyanamin Upper East Region la pʋ paam paꞌalʋg nɛ zamisʋg laꞌadi yi gɔmena sanꞌanɛ. Yɛlkaŋa kɛya ka biis zamisʋg lɛbid nyaꞌaŋ ka di mɔr daʋŋ hali tis sakuya la. Paꞌannib la kpɛɛm sieba yɛl siꞌeli nwa,
“Ti mɔrɛ gbankʋda paꞌan yʋma ayɔpɔi banɛ gaad la. Ka gbana mɛ pʋ zʋ'oe la zug, paꞌannib la yiiti sɔb si'el wʋsa tabil zaŋguom sabil la zug ka biis sɔbi di wʋsa niŋi ba gbana ni. Dina sanꞌamidnɛ saŋa pamm ka zamisʋg pʋ nyaŋidi ken nwɛnɛ din nar siꞌem.”
“Pitmisyɔpɔi kanɛ ka ba nɔki tis zamisʋg ayi laꞌas la pʋ nyaŋidi siꞌan na nwɛnɛ din na aan siꞌem la, ka di mɔr daʋŋ biis zamisʋg pʋʋgin nɛ ba sɔbʋg pʋʋgin”. Amadu Karim, onɛ an paꞌannib kpɛɛm bɛ Manga Junior High School bɛ Bawku Municipality yɛl nwa.[1]
zin'ibanɛ ka ba sʋŋ
[dɛmisim gbɛlima | dɛmisimi din yi zin'isiana]Paꞌannib kpɛɛm la paꞌal nɛꞌɛŋa Sung Bi'ela Foundation Ghana [SBF-Gh], laꞌaskanɛ pʋ ied nyɔɔdɛ piinli ba sakur la paꞌalʋg nɛ zamisʋg laꞌad la.
Ba da lɛn sʋŋ sakuya ayɔpɔi banɛ bɛ Binduri, Bawku West Districts nɛ Bawku Municipality banɛ da mɔr zitɛsbiskaŋa buudi mɛ da diꞌe gbaʋŋ zamisʋg laꞌad yi laꞌasʋg la ni.
Di kaꞌ paꞌalʋg nɛ zamisʋg laꞌad la kaꞌalim maꞌanɛ, daʋn nwɛnɛ kʋgʋs kaꞌalim, zinꞌisieba sakur dɔɔd la pʋ ziꞌe sʋꞌʋŋaa.
Binduri Junior High School A nɛ B bɛ Binduri district la, paꞌannib kpɛɛm la, Joseph Abugre yɛl ye o pʋ tɛnr sankanɛ ka o sakur la diꞌe gbana yi.
O fabil ye kʋgʋs la pʋ paae sakur biis la ka di kɛ ka biis la gbaʋŋ zamisʋg pʋ ken tuonɛ.
Sakur sieba nwɛnɛ Kpalwega JHS, Zabugu JHS, Azariya JHS, Buabula Primary nɛ JHS, Asobelaga Primary School, nɛ Watania JHS da mɔr daʋŋ kan buudi dinzug ka Sung Biꞌela Foundation Ghana gaŋi ba ye ba diꞌe piini la.[2][3]
la'abanɛ ka ba da sʋŋ
[dɛmisim gbɛlima | dɛmisimi din yi zin'isiana]Laꞌabanɛ ka ba nɔki piinl Sakuya la anɛ mathematical sets, textbooks, pens, pencils, exercise books, erasers nɛ compiled past questions nɛ answers booklets.
Hajia Zenabu Awinbe Salifu yɛl ye Sung Bieꞌla Foundation Ghana na keŋ tuoni sʋŋ sakur biis nwɛnɛ pisi (20) banɛ di yaꞌans ʋꞌʋŋa Basic Education Certificate Examination o sakur kʋdʋgin la, ka ba keŋ Senior Hiogh School.
“Ziꞌesim la anɛ banɛ nyaŋi paam diib nwɛnɛ piiga (10) paae piinɛ nu (15). Laꞌanɛ SHS an zaalim la, sakur biis la na bɔɔd laꞌad nwɛnɛ shoes, chop boxes, nɛ laꞌasieba. Yʋʋm kaŋa, ti sʋŋ biisa yi banɛ an tadimnam yi Zabugu, ka ba zamisid science, Bolgatanga Senior High School. Foundation la mɛ sʋŋ nidiba atan banɛ an zʋnzɔɔs ka yi Bawku ka ba yʋꞌʋm bɛ University of Ghana zamisid”.
Sung Bi'ela Foundation Ghana mɛ sʋŋi paꞌal pʋꞌasada ban na nyɛ ba nuꞌug ka an nyain siꞌem Sakuya banɛ ka ba keŋ la ni ka lɛn tisi ba sanitary pads dinɛ ka Lexta Ghana Limited sʋŋi tis.[4]
Pʋ'ʋsʋg
[dɛmisim gbɛlima | dɛmisimi din yi zin'isiana]Hajia Zenabu Awinbe pʋꞌʋsi o tʋntʋntaaba banɛ bɛ Lands Commission la nɛ Lions Club International banɛ sʋŋi ba nɛ ligidi ka ba nyaŋi tis piini la.
O mɔr tiꞌir ye laꞌas sieba pʋʋr pieya nɛ ban maal siꞌel la, ka na sʋŋi ba ka ba nyaŋi sʋŋ biis la sʋŋa.
Gbanvɛɛnsa
[dɛmisim gbɛlima | dɛmisimi din yi zin'isiana]
- ↑ https://web.archive.org/web/20230827075045/http://beta.myjoyonline.com/sung-biela-foundation-supports-upper-east-schools-burdened-with-challenges/
- ↑ https://m.facebook.com/p/Sung-Biela-Foundation-Ghana-100069941438231/
- ↑ https://dailyviewgh.com/tag/sung-biela-foundation-supports-deprived-schools-with-teaching-and-learning-materials/
- ↑ https://cedisroom.com/news/19536/ngo?page_no=2