Derrick Oduro

Derrick Oduro

ninsaal

Sex or gender	Dau
Country of citizenship	Ghana
Yu'ur Kane ka ba tis o	Derrick
Zak yu'ur	Oduro
Du'am yuum	23 Fulumfug/Nwadisatan' 1958
Duam zin'ig	Ghana
Languages spoken, written or signed	English
Tuuma	civil servant, politician
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Member of political party	New Patriotic Party
Religion or worldview	Seventh-day Adventist Church

Derrick Oduro (Ba da dʋꞌa o nɛ yʋʋm tusir, kɔbiswai nɛ pisnu nɛ anii nwaisa ayi dabpisi nɛ atan daar, (23 February 1958) ka o an Ghana pɔlitis nwɛꞌɛd onɛ da an soogia da bɛ Ghana Army ka o kpɛŋ da an major. O anɛ wabʋg naꞌadɔɔg, New Patriotic Party nid ka da an deputy Minister tis Defence, Ghana. O da lɛn anɛ wadmaani tisi Nkoranza North Constituency dinɛ bɛ zinꞌikanɛ ka ti da buon ye Brong Ahafo region ka yʋꞌʋn an Bono East Region la.

On sinꞌiŋ siꞌem nɛ o sakur yɛla

Oduro yinɛ Dromankese bɛ Brong Ahafo Region ka dio yʋꞌʋr yʋꞌʋn an Bono East Region bɛ Ghana. O mɔrnɛ Masters of Arts, governance and leadership yi Ghana Institute of Management and Public Administration (GIMPA). O lɛm mɔr Diploma in Public Finance yi Institute of Accountancy Training nɛ kasɛta gbaʋŋ yi Cranfield University.

Tʋʋma nɛ pɔlitis

Oduro da pinꞌili o tʋʋma ka anɛ onɛ gɔsid ligiid yɛla (bursar) bɛ Akosas Business College din yi yʋʋm tʋsir, kɔbiswai nɛ pisyɔpɔi nɛ ayɔpɔi (1977) paae yʋʋm tusir, kɔbiswai nɛ pisyɔpɔi nɛ awai (1979). Din nyaꞌaŋ ka o da yi keŋ kpɛnꞌ military yʋʋm tusir, kɔbiswai nɛ pisyɔpɔi nɛ awai (1979) paae tʋʋm tusa ayi nɛ anu (2005). O da naae o soogia tʋʋma ka lieb presiding member tis Nkoranza District Assembly din yi yʋʋm tusa ayi nɛ anu (2005) paae yʋʋm tusa ayi nɛ ayɔpɔi (2007). yʋʋm tusa ayi nɛ ayɔpɔi (2007) la ni, Wabʋg naꞌadɔɔg, New Patriotic Party nid, Derrick Oduro da nyaŋi o taaba nɛ naꞌadɔbanɛ da nyaꞌ nɛ o la ka keŋ ziꞌeni tisi Nkoranza North Constituency ka nan kpɛn an wadmaani paae zina.

O da nyaꞌ yʋʋm tusa ayi nɛ pisi (2020) Ghana wʋsa vɔɔtʋg la wabʋg naꞌadɔɔg, New Patriotic Party ka kɔꞌɔŋ tis Joseph Kwasi Mensah onɛ an maꞌasim tiig naꞌadɔɔg, National Democratic Congress. Joseph Mensah da paam vɔɔt tusa piinɛ anu, kɔbiga nɛ pisi nɛ anaasi (15,124) yi vɔɔt la wʋsa pʋʋgin ka Oduro paam vɔɔt tusa piiga, kɔbiswai nɛ pisyɔpɔi nɛ anii (10,978).

Mɛŋ yɛla

Derrick Oduro mɔr pʋꞌa nɛ biisa ayuobʋ o anɛ Kristo biig ka keŋ Seventh Day Adventist.

Laꞌasʋg nam banɛ ka o tʋm

O da paas Gender and Children Committee, Business Committee nɛ Youth, Sports and Culture Committee.