Isaac Kwame Asiamah

Isaac Kwame Asiamah

ninsaal

Sex or gender	Dau
Country of citizenship	Ghana
Name in native language	Isaac Kwame Asiamah
Yu'ur Kane ka ba tis o	Isaac
Zak yu'ur	Asiamah
Du'am yuum	24 Samanpiid/Nwadispii nɛ atan 1975
Duam zin'ig	Mampong
Native language	Asante
Languages spoken, written or signed	English
Tuuma	politician, policy analyst, minister
Educated at	University of Ghana, Ghana Institute of Management and Public Administration
Member of political party	New Patriotic Party
Religion or worldview	Christianity

Ba duꞌa Isaac Kwame Asiamah nɛ Burnya nwarig la ni li dabisim pisi nɛ anaasi daar yυυm tusir nɛ kɔbisiwai nɛ pisyɔpɔi nɛ anu la ni O anɛ Ghana pɔlitis nwɛꞌɛd. O anɛ wadmaan n tis Atwima Mponua sυꞌυlυm la. O siꞌiŋi an wadmaan n bɛ wadmaanib yir linɛ paas anaasi, anu, ayuobʋ, ayɔpɔi hali ti paae anii ti Ghana Republic linɛ paas anaasi la ni. O anɛ Wabυg Naꞌadɔɔg nid. Onɛ da an Naꞌakim nɛ puꞌasada nɛ ninwisigir diꞌema Minista lin da yi Burnya nyaꞌaŋ nwaris ayi' yυυm tusa ayiꞌ nɛ pii nɛ ayɔpɔi n ti paae Burnya nyaꞌaŋ nwarig yinne, yυυm tusa ayiꞌ nɛ pisi nɛ yinne la ni.

O vυm pinꞌilυg nɛ o sakur yɛla

Ba da duꞌa Isaac Asiamah n bɛnɛ Mampong ti Ghana sυꞌυlυm Burnya nwarig la ni li dabisim pisi nɛ anaasi daar yυυm tusir nɛ kɔbisiwai nɛ pisyɔpɔi nɛ anu la ni ka ba da duꞌa o. Yυυm tusa ayiꞌ la ni ka o da keŋ University of Ghana sakur la ni naae ka diꞌe o Digirii kasɛta gbaυŋ linɛ an Geography nɛ Political Science la. Lin nyaꞌaŋ ka o tɔlis Ghana Institute of Management and Public Administration maal o mastɛs Digirii linɛ an Governance and Leadership n naae yυυm tusa ayiꞌ nɛ anii la ni.

O Tυυma

Asiamah mɔr tυυma miꞌilim hali bɛdigʋ, Wabυg Naꞌadɔɔg la da nɔk o ye o an onɛ gɔsidi ba wada maalυg yɛla n bɛ ba Headquarters Ankara sυꞌυlυm. Onɛ da an Wabυg Naꞌadɔɔg la naꞌakim nɛ puꞌasada gbaυŋ sɔbid.

O pɔlitis nwɛ'ɛb yɛla

Asiamah siꞌiŋi o pɔlitis nwɛꞌɛb ka an bipɔl ka da ziꞌen Wabυg Naꞌadɔɔg la zugu nyiꞌa di Atwima Mponua sυꞌυlυm wadmaanib kυk la yυυm tusa ayiꞌ nɛ anu la ni. On da diꞌe kυk la ka anɛ yυma pisi nɛ awai, onɛ an bipɔl yiiga n bɛ Ghana wadmaanib yir la ni. onɛ an Bipɔl wadmaan n bɛ wadmaanib yir la nannanna anɛ Francisca Oteng-Mensah on ka ba da vɔɔt ka o di yυυm tusa ayiꞌ nɛ pii nɛ ayuobʋ la ni, o da mɔri yυma pisi nɛ atanꞌ ka lieb wadmaan la.

On da an naꞌakim nɛ puꞌasada nɛ ninwisigir Minista la

Burnya nyaꞌaŋ nwarig yinne la yυυm tusa ayiꞌ nɛ pii nɛ ayɔpɔi la ni ka Ghana Gɔmina Nana Akuffo-Addo da gaŋ o ye o an naꞌakim nɛ puꞌasada nɛ ninwisigir Minista n bɛ ti Ghana sυꞌυlυm kpɛla. O da sυŋ ya hali ka ti Ghana ninwisigir yɛla keŋ tuon hali pamm, o da sυŋi yɔꞌɔs ninwisigir diꞌema kɔnꞌɔb-kɔnꞌɔb Ghana kpɛla. Ti Ghana Gɔmina da saꞌal o ye o mukim ninwisigir diꞌema nwa n bɛ naꞌasaa sɔɔng dɔɔgin ka dunia dim wυsa mɛ nyɛ ti ninwisigir diꞌema la gɔs ka li sυŋ ka li nɔbig.

Ban da nan ye ba kpans o gɔs ka o nyiꞌa naꞌam la

Burnya nyaꞌaŋ nwaris ayi' la li daba ayɔpɔi yυυm tusa ayiꞌ nɛ pii nɛ ayɔpɔi la ni ka kpɛɛm banɛ gɔsid banɛ siak ye ba ziꞌenɛ nyiꞌa naꞌam la da buol Asiamah ye ba vɛɛns o gɔs ye o sid paae ye o nyiꞌa naꞌam la bɛ. Ban da vɛɛnsidi o ye ba gɔs la, o da yɛl ye on yaꞌa kena, o na gɔs Ghana ninwisigir diꞌema yɛla ka li nɔbig.

Ban da ye ba waꞌal o ka o an Minista la

Ti Ghana Gɔmina Akuffo-Addo da waꞌal Minista nam la wυsa ka wadmaanib yidim la mɛ siak tisi ba ye ba tυm Burnya nyaꞌaŋ nwaris ayi' la li dabisim piiga daar yυυma tusa ayiꞌ nɛ pii nɛ ayɔpɔi la ni. Asiamah mɛ da paas Minista nam piiga banɛ ka ba da gaans ye ba tυm Minista nam tυυma la ni.

Yυυm tusa ayiꞌ nɛ anaasi ni vɔɔt la

Yυυm tusa ayiꞌ nɛ anaasi la vɔɔt la ni ka ba da vɔɔt ka Asiamah di Atwima Mponua kυk la linɛ bɛ Ghana Kumasi sυꞌυlυm la. O da ziꞌenɛ Wabυg Naꞌadɔɔg la zugu nyiꞌa di. O sυꞌυlυm la da paas Wabυg Naꞌadɔɔg wadmaanib bam pistanꞌ nɛ ayuobʋ (36) nɛ yi wadmaanib la kanl wυsa linɛ da an pistanꞌ nɛ awai ( 39) la ni la n bɛ Ashanti Region la. Yυυm kan Wabυg Naꞌadɔɔg la da mɔri wadmaanib bam kɔbiga nɛ pisi nɛ anii (128) n yi wadmaanib la kanl wʋsa linɛ da an tusa ayiꞌ nɛ pistanꞌ la ni (230). Ban da vɔt la o da paamnɛ vɔt bam 30,012 n yiꞌ vɔt la kanl wυsa linɛ da an 44,217 la ni, kɔbiga pυυginɛ, o da mɔri 67.9%. Onɛ John Macitse Oduro H. onɛ an Maꞌasim Tiig Naꞌadɔɔg nid la nɛ Stephen Osei Bossman onɛ mɛ da an  Convention People's Party ka o di ka basi ba. Kɔbiga pυυginɛ Maꞌasim Tiig Na'adɔɔg nid la da mɔri 30.5% ka CPP nid la mɛ mɔr 1.7% vɔt la wυsa pυυgin.

Yυυma tusa yiꞌ nɛ anii ni vɔɔt la

Yυυm tusa ayiꞌ nɛ anii vɔɔt la ni ka o da ziꞌen Wabυg Naꞌadɔɔg la zugu nyiꞌa di ba teŋin la wadmaan kυk la yaꞌas. O sυꞌυlυm la da paas Wabυg Naꞌadɔɔg wadmaanib bam pistanꞌ nɛ anaasi (34) n yi wadmaanib la kanl wυsa linɛ da an pistanꞌ nɛ awai ( 39) Wabυg naꞌadɔɔg nidib banɛ da di Ashanti Region sυꞌυlυm la. Yυυm kanna Wabυg Naꞌadɔɔg la da mɔr wadmaanib bam kɔbiga nɛ awai n yi wadmaanib la kanl wυsa ni linɛ da an kɔbisyiꞌ nɛ pistanꞌ la. Vɔɔt kanɛ ka o da paam anɛ 25,350 n yi vɔɔt la kanl wυsa linɛ da an 44,948 la ni, ka kɔbʋg pυυgin ka o mɔr 56.4%. Onɛ Amoah Sarpong onɛ an People's National Convention nid la nɛ Ali Yeboah onɛ da an Maꞌasim Tiig nid nɛ Kofi Takyi onɛ da an Democratic People's Party nid nɛ Appiahhene Peter onɛ an Convention People's Party la da nyiꞌad ka o di ka basi ba, kɔbiga pυυginɛ ba wυsa da mɔri 0.68%, 32.01%, 0.42%, 1.12% and 9.37% n dɔl nɛ ba yυda la siꞌiŋi buoli kena naae siꞌem la.

Yυυma tusa yiꞌ nɛ piina yiꞌ ni vɔt la

Yυυma tusa yiꞌ nɛ piina ayiꞌ la vɔt la ni ka ba vɔt ka o lɛn di n bɛ Wabυg Naꞌadɔɔg naba zug. O da paamnɛ vɔt bam 33,961 n yi vɔt la kanl wυsa linɛ da an 59,300 la ni kɔbiga pυυginɛ o da mɔri 57.27% vɔt. Onɛ Kwaku Agyemang-Mensah Maꞌasim Tiig nid la nɛ Frank Tachie Mensah onɛ da an  Convention People's Party da nyaꞌand ka o di ka basi ba. Kɔbiga pυυginɛ Maꞌasim Tiig nid la da mɔri 41.94% ka Convention People's Party nid la mɛ mɔr 0.79% vɔt. Yυυma tusa yiꞌ nɛ piina yuobu la ni nɛ yυυma tusa yiꞌ nɛ piisi la ni ka ba da lɛn vɔti gaŋ o yaꞌas ye o an wadmaan n bɛ wadmaanib yir linɛ paas ayɔpɔi nɛ anii la Ghana Republic linɛ paas anaasi la ni.

O vυm bɛllim

Asiamah di puꞌa mɔr biis atanꞌ. Onɛ Kristo biig,  Anglican karimbiig.