Kojo Oppong Nkrumah

Kojo Oppong Nkrumah

ninsaal

Sex or gender	Dau
Country of citizenship	Ghana
Du'am yuum	5 Vaala/Nwadisanu 1982
Duam zin'ig	Koforidua
Languages spoken, written or signed	English
Tuuma	politician, lawyer, entrepreneur, journalist, minister
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana, Minister for Information
Educated at	University of Cape Coast, Pope John Senior High School and Minor Seminary, University of Ghana
Member of political party	New Patriotic Party
Religion or worldview	Christianity

Kojo Vincent Oppong Nkrumah (du'am yʋʋm anɛ 5 Vaala/Nwadisanu 1982) anɛ Ghana pɔlitis nwɛꞌɛd ka an lɔya, ba da duꞌa nɛ Burnya nyaꞌaŋ nwaris anaasi la li daba anu yυυm tusir nɛ kɔbiswai nɛ pisnii nɛ ayi' la ni la. O anɛ wadmaan n tis Ofoase-Ayirebi sυꞌυlυm la.

O vυm pinꞌilυg

Ba da duꞌa Nkrumah bɛnɛ Koforidua, linɛ bɛ Ghana Eastern Region sυꞌυlυm la.O duꞌadib anɛ Kwame Oppong Nkrumah nɛ Felicia Oppong Nkrumah. O ma da anɛ paꞌan ka o saam mɛ an paꞌan ka bas ka tɔɔm tυm bankin. O yinɛ Akim Anyinase sʋ'ʋlʋm na.

O gbaυŋ zamisυg

Nkrumah da pinꞌili o yiiga sakur bɛnɛ St. Bernadette Soubirous sakur linɛ bɛ Dansoman sυꞌυlυm la. O da naae ani ka tɔlis Pope John Senior High School and Minor Seminary sakur linɛ bɛ Koforidua la, ka lin nyaꞌaŋ ka o tɔlis University of Cape Coast n zamisi naae ka diꞌe digirɛɛ kasɛta gbaυŋ linɛ an Commerce. Yυυma tusa ayiꞌ nɛ pii nɛ ayiꞌ la ni ka o da lɛn tɔlis University of Ghana, linɛ bɛ Legon la naae ka diꞌe kasɛta gbaυŋ linɛ an MBA linɛ an Kpikpiυŋ zamisυg la. Yυυma tusa ayiꞌ nɛ pii nɛ anaasi la ni ka o da naae GIMPA  sakurin la ka diꞌe wada kasɛta gbaυŋ linɛ an wada zamisυg yɛla la yυυma ayiꞌ pυυgin ka o da zamisi li. Yυυm tusa ayiꞌ nɛ pii nɛ ayuobʋ la ni ka ba da buol o paas Ghana lɔya nam la kanlin.

O tυυma bɛllim

Nkrumah da pinꞌili tυm nɛ British American Tobacco dim n gɔsidi ba ligidi yɛla yυυma tusa aayiꞌ nɛ ayuobʋ la pυυgin. O da yii ani n keŋ tʋm nɛ Joy FM dim n an labaya mɔɔl-mɔɔl, onɛ da ɛɛnti suꞌoe  bɛkɛung saŋa Komla Dumor da kae la. Yυυma tusa ayiꞌ nɛ pii nɛ anaasi la ni ka o da yina mɔɔl ye on yɔꞌɔg ligidi tɔlυŋ nɛ li suꞌak dɔɔg linɛ ka o da pυdi li yυꞌυr ye West Brownstone Capital la. Yυυma ayiꞌ nɛ pii nɛ ayuobʋ la ni ka o pinꞌili tυm o lɔya tυυma la n bɛ Kulendi, Attafuah nɛ Amponsah. Yυυma tυsa ayiꞌ nɛ pisi la ka World Economic Forum dim da gaŋ o ye o an dunia wυsa dasam baanlυg kpɛɛm.

O pɔlitis nwɛ'ɛb yɛla

Yυυm tusa ayiꞌ nɛ pii nɛ anu la ni ka Wabυg Naꞌadɔɔg dim da ye bavɔɔt gaans ba kpɛɛmnam la ka o di Ofoase-Ayirebi linɛ bɛ Ghana Eastern Region sυꞌυlυm la.

Vɔɔt kanɛ da maal yυυm tusa ayiꞌ nɛ pii nɛ anaasi la ni la ka ba vɔɔt ka o di. Da anɛ ti Ghana Minista kanɛ gɔsid labaya yɛla la. O da lɛn paasi tυm nɛ kpɛɛm banɛ gɔsid Ghana ligidi nɛ wada nam yɛla la wadmaanib yir linɛ da paas ayɔpɔi la ni. Nannanna onɛ ziꞌe Gɔmena nɔba zug n bɛ minista banɛ gɔt labaya yɛla la ni.

Yυυma tusa ayiꞌ nɛ pisi la ni ka Nana Akufo-Addo da di la ka yina mɔɔli tis Ghana dim ye Kojo Nkrumah ye o kυ lɛn tυmm.

O da paas minista nam bɛdigυ banɛ da ye ba kυ lɛn tυm la ni, ba yυda da anɛ; Mavis Hawa Koomson nɛ Minista kanɛ da gɔti ti diib yɛla la.

O vυm bɛllim

Kojo anɛ Kristo biig ka mɔr puꞌa ka o yυꞌυr buon Akua. Ba mɔr biis atanꞌ. Kwaku nɛ Afua nɛ Kofi.