Osei Bonsu Amoah

Osei Bonsu Amoah

human

Sex or gender	male
Country of citizenship	Ghana
Date of birth	15 Mɔtul/Nwadisawai 1961
Place of birth	Ghana
Native language	Asante
Languages spoken, written or signed	English
Occupation	lawyer, politician
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 8th Parliament of the 4th Republic of Ghana
Educated at	University of Ghana, Ghana lɔyanam sakur
Academic degree	Bachelor of Arts
Academic major	law
Residence	Aburi
Member of political party	New Patriotic Party
Religion or worldview	Christianity

Osei Bonsu Amoah anɛ Ghana pɔlitis nwɛ’ɛd, o anɛ Wabυg Na’adɔɔg nid n bɛ wadmaanib yikanɛ paas ayɔpɔi la Ghana Republic linɛ paas anaasi la. O anɛ wadmaan n tis Akwapim South linɛ bɛ Ghana Eastern Region sυ’υlυm la, ba da du’a o nɛ yʋma tusir nɛ kɔbiswai nɛ piisyuobʋ nɛ yinne, Burnya nya’aŋ nwaris anii la li dabisim pii nɛ anu daar.

O vυm pin’ilυg nɛ o sakur yɛla

Ba da du’a Amoah nɛ yʋma tusir nɛ kɔbiswai nɛ piisyuobʋ nɛ yinne, Burnya nya’aŋ nwaris anii la li dabisim pii nɛ anu daar. O yinɛ Aburi, tempυυg kanɛ bɛ Ghana Eastern Region sυ’υlυm la.

O si’iŋi o secondary school n bɛ Prempeh College sakur la ni ka tɔlisi maal o Digirii kasɛta gbaʋŋ linɛ an Bachelor of Science linɛ an wada zamisυg  n bɛ University of Ghana yʋma tusir nɛ kɔbiswai nɛ piisnii nɛ anu. O da lɛn tɔlisi keŋ Ghana wada sakur n di’e Bachelor of Law digirii kasɛta gbaυŋ yʋma tusir nɛ kɔbiswai nɛ piswai nɛ anu la ni.

^{O pɔlitis nwɛ'ɛb yɛla}

O anɛ Wabυg Na’adɔɔg la nid. Nannanna onɛ an wadmaan n tis Akwapim South sυ’υlυm la.

Yυma tusa ayi’ nɛ pii nɛ ayi’ la vɔɔt la yɛla

Yʋma tusa ayi’ nɛ pii nɛ ayi’ la vɔɔt la ni la, ka ba da vɔɔt ka o di Akwapim South wadmaanib kυk la ka kɔbʋg pʋʋgin ka o mɔr 49.73% ka o tiraan kanɛ an Ma’asim Tiig Na’adɔɔg nid ka o yʋ'ʋr buon William Ntow Boahene la mɛ da mɔri vɔɔt kal 8,694 kɔbiga pʋʋgin ka o mɔr 33.99%, ka CPP nid Isaac Opare Addo mɛ da mɔr vɔɔt kal 3,713 ka kɔbʋg pʋʋgin o da mɔri 14.52%, ka ala mɛn ka PPP nid Micheal Asante mɛ da paam vɔɔt kal kɔbʋg pʋʋgin o da mɔri 1.76% vɔɔt la wʋsa pυυgin.

Yυma tusa ayi’ nɛ piinɛ ayuobʋ vɔɔt la yɛla

Yυma tusa ayi’ nɛ pii nɛ ayuobʋ vɔɔt la ni ya’as ka ba vɔɔt ka o di Akwapim South sυ’υlυm wadmaanib kυk la, o da mɔri vɔɔt kal 14,049 kɔbʋg pυυgin bigis ye o da mɔri 52.8% ka o tiraan onɛ an Ma’asim Tiig Na’adɔɔg nid ka o yʋ'ʋr buon Lawrencia Dziwornu la mɛn da paam vɔɔt kal 8,417, ka kɔbʋga pυυgin bigis ye o da paamɛ 31.6% ka CPP nid Isaac Opare Addo mɛ da paam vɔɔt kal 4,153 kɔbiga pυυgin o da mɔri 15.6% vɔɔt la wυsa pυυgin.

Yυma tusa ayi’ nɛ pisi la vɔɔt la yɛla

Yυma tusa ayi’ nɛ piisi la vɔɔt la ni ka ba lɛn vɔɔt ka o di nɛ vɔɔt kal 21,247 ka kɔbʋg pυυgin bigis ye o da paamnɛ 65.41% vɔɔt la wυsa pυυgin, ka o tiraan onɛ an Ma’asim Tiig Na’adɔɔg nid Winston Kwadwo Afari-Djan da paam vɔɔt kal 11,237 ka kɔbʋg pυυgin bigis ye o da paamnɛ 34.59% vɔɔt la wυsa pυυgin.

On paas kpɛɛmnam sieba ni

Yυma tusa ayi’ nɛ pii nɛ ayuobʋ (2016) la ni, ka ba da gaŋ o ye o an kpɛɛm banɛ gɔsid Subsidiary Legislative n bɛ ti Ghana wadmaanib yir la kυkdaan. O paas kpɛɛm banɛ gɔsid Standing Orders la ni, ka mɛn paas kpɛɛm banɛ gɔsid Subsidiary Legislation la ni, o mɛ lɛn paas kpɛɛm banɛ gɔsid ka ba gaansid kpɛɛmnam wadmaanib yir la ni mɛn.

O Minista zi’esim an si’em

Nannana, onɛ an Minista kanɛ gɔsid Local Government yɛla la nya’andɔl, nɛ Decentralization and Rural Development.

O tυυma yɛla

Poi ka o naan kena an wadmaan la, Amoah da tυmnɛ n an kpɛɛm kanɛ gɔsid lampɔ di'esʋg yɛla nɛ kpɛɛm kanɛ da gɔsidi ti Ghana lampɔ di’esυg yɛla, yii ani n tυm nɛ IRS lin da yi yʋma tusir nɛ kɔbiswai nɛ piisnii nɛ anii la n ti paae yʋma tusir nɛ kɔbiswai nɛ piiswai nɛ ayuobʋ la ni. Ba nɔk o ye o tυm n bɛ Gɔmina tυυma dɔɔgin ye o an Special Assistance lin da yi yυma tusa ayi’ nɛ anu la ti paae yυma tusa ayi' nɛ anii la ni.

O vυm bɛllim yɛla

O anɛ Kristo biig. O di pu’a onɛ da aan ti Ghana lɔya tita’ar amɛŋa, ka mɔr biis atan’.