Nana Amaniampong Marfo

Nana Amaniampong Marfo

ninsaal

Sex or gender	Dau
Country of citizenship	Ghana
Du'am yuum	6 Dɔnwalig/Nwadisanaasi 1957
Languages spoken, written or signed	English
Tuuma	politician, lecturer, manager
Position held	Member of the 6th Parliament of the 4th Republic of Ghana, Member of the 7th Parliament of the 4th Republic of Ghana
Educated at	University of Ghana, University of Ghana, St Augustine's College
Member of political party	New Patriotic Party
Religion or worldview	Christianity

Nana Amaniampong Marfo (Ba da dʋꞌa o nɛ yʋʋm tusir nɛ kɔbiswai nɛ pisyɔpɔi nɛ ayɔpɔi nwadisa atan' la daba ayuobʋ daar, 6 March 1957) ka o an Ghana pɔlitis nwɛꞌɛd ka da an wadmaani paas 6th Parliament of the Fourth Republic of Ghana.

O sakur nɛ o pinꞌilʋg bɛllim

Marfo da maali o GCE O level certificate nɛ Tetrem School ka maali o GCE A level bɛ St. Augustine's College, Cape Coast. O da maal BSc Admin in Finance and Management nɛ MBA in Marketing bɛ University of Ghana.

Mɛŋ bɛllim yɛla

Marfo yinɛ Tetrem-Afigya bɛ Ashanti Region sʋꞌʋlim, Ghana. O mor pʋꞌa nɛ biisa ayi'. O anɛ Kristo biig.

Pɔlitis nwɛ'ɛb yɛla

Marfo anɛ Ghana pɔlitis nwɛꞌɛd ka an wadmaani paas Seventh Parliament of the Fourth Republic of Ghana tis Afigya-Kwabre North Constituency bɛ Ashanti region sʋꞌʋlim Ghana la wabʋg naꞌadɔɔg (New Patriotic Party) nɔba zug.

Yʋma 2012 vɔɔdʋg la ni yɛla

Marfo da nyiꞌa yʋma tusa ayi' nɛ pii nɛ ayi' (2012) Ghana wʋsa vɔɔdʋgin la wabʋg naꞌadɔɔg, (New Patriotic Party) nɔba zugʋ tis Afighya-Kwabre North bɛ Ashanti region sʋꞌʋlim, Ghana la ka da di nɛ vɔɔt tusa pii nɛ ayɔpɔi nɛ kɔbisnu nɛ piswai nɛ ayɔpɔi (17, 597) dinɛ an vɔɔt pisyuobʋ nɛ awai duꞌal pistan' nɛ anaasi kɔbʋg pʋʋgin (69.34%) yi vɔɔt la wʋsa pʋʋgin. O da di vɔɔt la ka bas Alex Yaw-Poku onɛ bɛ Maꞌasim Tiig Naꞌadɔɔg, (National Democratic Congress), ka Daniel Atta Asenso Preprah onɛ bɛ PPP ni nɛ Duah Hubert onɛ bɛ CPP ni nɛ Francis Boadu onɛ bɛ NDP ni nɛ Joyce Oduro onɛ bɛ PNC ni. Bama wʋsa da paam vɔɔt tusa ayuobʋ nɛ kɔbisyi nɛ ayɔpɔi (6, 207), tusir yinne nɛ pisyɔpɔi nɛ atan' (1, 073), vɔɔt kɔbisyi nɛ anu (205), vɔɔt kɔbʋg nɛ pisyɔpɔi nɛ anu (175) nɛ vɔɔt kɔbʋg nɛ pisi (120) nwɛnɛ ba yʋda la dɔl taaba siꞌem la. Ba vɔɔt la da zɛm nɛ vɔɔt pisi nɛ anaasi duꞌal pisnaasi nɛ ayuobʋ kɔbʋg pʋʋgin (24.46%), vɔɔt anaasi duꞌal pisi nɛ atan' kɔbʋg pʋʋgin (4.23%), vɔɔt nɛɛm pisnii nɛ yinne kɔbʋg pʋʋgin (0.81%), vɔɔt nɛɛm duꞌal pisyuobʋ nɛ awai kɔbʋg pʋʋgin (0.69%), nɛ vɔɔt nɛɛm duꞌal pisnaasi nɛ ayɔpɔi kɔbʋg pʋʋgin (0.47%) nwɛnnɛ ba yʋda la dɔl taaba siꞌem la.

Yʋma 2016 vɔɔdʋg la yɛla

Marfo da nyaꞌ Afighya-Kwabre North wadmaannib kʋk la yʋʋm tusa ayi nɛ piinɛ ayuobʋ (2016) Ghana wʋsa vɔɔtʋg la Wabʋg naꞌadɔɔg, New Patriotic Party nɔba zug ka di nɛ vɔɔt tusa piinɛ ayɔpɔi, kɔbiswai nɛ pisyɔpɔi nɛ anii (17, 978) dinɛ an vɔɔt pisyɔpɔi nɛ yinne duꞌal pisnu nɛ ayi kɔbiga pʋʋgin (71.52%) yi vɔɔt la wʋsa pʋʋgin. O da di vɔɔt la ka bas Kwaku Agyekum Asare onɛ bɛ Maꞌasim Tiig Naꞌadɔɔg, National Democratic Congress onɛ da paam vɔɔt tusa ayuobʋ, kɔbisyuobʋ nɛ pisnii nɛ awai (6, 689) dinɛ zɛm nɛ vɔɔt pisi nɛ ayuobʋ duꞌal pisyuobʋ nɛ yinne kɔbiga pʋʋgin (26.61%), Convention people's party wadmaan naꞌanyaꞌad Frank Opoku da paam vɔɔt kɔbisyi nɛ anaasi (204) dinɛ ziꞌeni tis vɔɔt nɛɛm duꞌal pisnii nɛ yinne (0.81%), PPP wadmaan naꞌanyaꞌad, Francis Boadu da paam vɔɔt kɔbiga nɛ piswai nɛ ayɔpɔi (197) dinɛ zɛm nɛ vɔɔt nɛɛm duꞌal pisyɔpɔi nɛ anii kɔbiga pʋʋgin (0.78%) ka PNC wadmaan naꞌayaꞌad, Joyce Oduro paam vɔɔt pisyuobʋ nɛ anii (68) dinɛ zɛm nɛ vɔɔt nɛɛm duꞌal pisi nɛ ayɔpɔi kɔbiga pʋʋgin (0.27%).

Yʋʋm tusa ayi nɛ pisi (2020) NPP wadmaannib gaansigin la, Marfo da liya ka Collins Adomako Mensah da di ziꞌeni tis Wabʋg Naꞌadɔɔg, New Patriotic Party yʋʋm tusa ayi nɛ pisi (2020) Ghana wʋsa vɔɔtʋgin la.

Tʋʋma yɛla

On da naae University of Ghana yʋʋm tusir, kɔbiswai nɛ pisnii nɛ awai (1989), Marfo da maali national service nɛ National Mobilization. Din yi yʋʋm tusir, kɔbiswai nɛ piswai nɛ yinne (1991) paae yʋʋm tusir, kɔbiswai nɛ piswai nɛ anaasi (1994) o da anɛ Senior Superintendent bɛ Ghana Education Service (GES). On da bas GES la yʋʋm yinne nyaꞌaŋ, ba da gaŋ o ye o an senior manager tis Ghana Commercial Bank ka o da an SME kpɛɛm tis Northern Sʋ'ʋlim. O da tʋm din yʋʋm tusir, kɔbiswai nɛ piswai nɛ anu (1995) paae yʋʋm tusa ayi nɛ piinɛ ayi (2012). Din yi yʋʋm tusa ayi nɛ awai (2009) paae yʋʋm tusa ayi nɛ piinɛ ayi (2012) o da anɛ paꞌan (lecturer) tis University College of Education.