Samuel Okudzeto Ablakwa

Samuel Okudzeto Ablakwa

human

Sex or gender	male
Country of citizenship	Ghana
Given name	Samuel
Date of birth	11 Mɔtul/Nwadisawai 1980
Place of birth	Aveyime-Battor
Languages spoken, written or signed	English, Ewe
Occupation	politician, journalist, advertising person, marketer
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana
Educated at	University of Leicester, University of Ghana, Presbyterian Boys' Senior High School
Member of political party	National Democratic Congress
Religion or worldview	Christianity

Ba da dua Samuel Akudzeto Ablakwa nɛ Nasaar nwidiga awai di dab pii nɛ yinne daar (11 August 1980). O anɛ Wadmaan tis North Tongu district linɛ bɛ Volta Region O da anɛ deputy minister saŋa kanɛ ka John Atta Mills nɛ John Dramani Mahama da an Ghana Zugraannam la.

O bɛllim pin’ilʋg nɛ Sakur yɛla

Ba da du'a Samuel Okudzato Ablakwa nɛ 11 August 1980 Ayeyime-Battor teŋkanɛ bɛ Volta Region Ghana sʋ’ʋlimin. O da keŋ nɛ Presbyterian Boy’s Secondary school –Legon (PRESEC). Onɛ da an kpɛɛm kanɛ da gɔsid Karimbiis la’asʋg linɛ buon ye Scripture Union la nya’andɔl.

O da keŋ nɛ sakur tita’ar linɛ ka ba buon ye University of Ghana la ka di’e kasɛta gbaʋŋ kanɛ ka ba buon ye Bachelor of Arts, zamis kanɛ an Political Science nɛ Philosophy la yʋma 2002 ti paae yʋma 2006 la ni. O mɛ da keŋ sakur tita’ar linɛ bɛ Nasaa teŋ ka ba buon ye University of Leicester la ka zamis Labaya Tisib yɛla (Communication Media) nɛ A-tu’asi tis Wʋrʋg (Public Relations) ka di’e Master of Arts in Communication kasɛta gbaʋŋ. O mɛ anɛ onɛ gɔsid tʋʋma na ken sʋ’ʋŋa si’em (Project Management Practitioner) – PRINCE

Ablakwa mɛ mɔr Tuongaadʋg tʋʋma (Leadership) kasɛta gbaʋŋ yit Harvard Kennedy Sakur linɛ zamisid Gɔmina tʋʋma yɛla USA nɛ Master of Science in Defense and International Politics Ghana Sogianam Sakur kanɛ Zamisid soogia kpɛɛmnam la.

O pɔlitis yɛla

On da bɛ Univesiti linɛ bɛ Ghana legon la, o da anɛ Ghana sʋ’ʋlim wʋsa Univesti sakurbibis linɛ ka ba buon ye National Union of Ghana Students (NUGS) la kpɛɛm din yi yʋma 2005 ti paae yʋma 2006 la ni. O mɛ da paas banɛ sɔb wada banɛ na sʋŋ dasam nɛ pu’asada NDC Paati Tʋʋma gbaʋŋ yʋma 2008 vɔɔdʋg la ni la. O mɛ da anɛ Committe for Joint Action (CJA) banɛ gɔsid ka gɔmina tʋm linɛ nari tisid Ghana nidib la. O anɛ onɛ mɔr zi’esim bɛ Institute of Public Relation (IPR), Ghana.

O Wada Maalʋg yir tʋʋma la yɛla

Ablakwa da pin’il politis nwɛ’ɛb ka nan an yʋma pisi nɛ anii. O da zi’enɛ wabʋg na'adɔɔg la paati la zi’esim nyi’a North Tongu wadmaan kʋk la yɛla Nasaa yʋʋm 2008 la ni. O da di kʋk la nɛ pisyɔpɔi nɛ anii nɛ pʋdigir (78.6%) vaar kɔbʋg pʋʋgin vɔɔt kal la ni.  Yʋma 2012 la ni la, o da lɛn di vɔɔt la hali ka banɛ da vɔɔti tis o la maligim paas. Bɔzugɔ, vaar kɔbʋg pʋʋgin la, o da paam nɛ vaar piswai nɛ pʋdigir. O da lɛn dii o kʋk la yʋma 2016 la ni, amaa o paati zugraan da pʋ dii. wadmaanib yir kanɛ paas a yuobʋ la ni la ka Ablakwa da paas banɛ vɛɛnsidi gaansid gɔmina tʋmtʋm banɛ ka Ghana Zugraan gaŋ ye ba tʋm tʋʋm sieba la. O da tʋm tʋʋm kaŋa nɛ yʋma 2013 la ni ti paae yʋma 2020 la ni. O mɛ anɛ kpɛɛm Komitii kanɛ gɔsid Ghana tʋʋm nɛ Teŋzʋna yɛla (Ranking Member of Parliament Foreign Affairs).

On da an Minister Nya'aŋ pad la yɛla

O da paas nimbanɛ da sʋŋid Ghana Zugraan John Evans Atta Mills n da nyi’ad ye o di Ghana zugraan la. Atta Mills n da lieb Ghana Zugraan la, o da paas nimbanɛ ti’ebid ye ba tiak  gɔmina la - aan ba gbansɔbid. O da anɛ yʋma pisi nɛ anii ka Atta Mills gɔmina la maal o Deputy Minister of Information. Ablakwa mɛ da anɛ Education Minister nya’apa’ad gɔsid Sakur Titada saŋa kanɛ ka Prof. Jean Naana Opoku Agyemang da an Minister of Education ka John Dramani Mahama an Ghana Gɔmna Zugraan la.

On di ya'an si'em

Piini

Okudzeto Ablakwa anɛ onɛ ka ba tis o piini kɔn’ɔb-kɔn’ɔb ka piin banɛ an:TNG Corporate Excellence Piini – Accra 2010, Dasam Tuongat onɛ Kpɛ’ɛŋidi o Mɛŋ West Africa. West Africa Sakurbibis la’asʋg (WASU) da tis o piini la Kaduna linɛ bɛ Nigeria la yʋma 2009 la ni. Ba mɛ da tis o Piinkanɛ bɛɛ li kɔn’ ka ba buon ye Special Aluminus Award ka Ghana sakur biis wʋsa la'aʋŋ lʋgir la (NUGS) da tis o yʋma 2009 nɛ dinɛ ka ba buon ye Old Vandal Piini n bɛ yʋma 2008 la ni, nɛ Piin kanɛ pa’al ye Volta Hall JCR linɛ bɛ University of Ghana la nif tigi o tʋʋma yɛla yʋma 2005 la ni nɛ gerima Piini ka A-sʋ’oem-mɛŋ bɛɛ Private University Students Association of Ghana (PUSAG) mɛ tis o. Mepe nɛ Tepa Traditional Council nam mɛ da wɔ’ɔg o ka diis o “Mmrantiehene.”

Tʋʋm banɛ ka o tʋm

Labaya Gɔsidib Minista nya’anpa’ad, 2009-2013 (Ghana Gɔmna)

Sakurnam Gɔsib Minista nya’apa’ad, 2013-2016 (Ghana Gɔmna)

Wada Maan , 2009 – till date (Office of Parliament)

Saavi Solutions tʋʋma Kpɛɛm (2007-2009)

O bɛllim yɛla

O pu'a anɛ Nuhela Seidu onɛ saamme an Mumuni Seidu ka o an lɔya. Ba mɔri biis ayi’, bipuŋ nɛ bidibiŋ.

O tʋʋm sʋma yɛla

Nasaa nwadig August 2022 la ka o da tis yʋma anii biig ka o yʋ’ʋr buon Samelia Mekporsigbe ka yit Battor DA Primary School ka bɛ dɔɔd atan’ la sʋŋir zaŋi kennɛ o sakur zamisʋgin. O da dinɛ 2022 Volta Region a-zamisi-gaad taaba ka USAID da gɔsidi li yɛla la. Onɛ da gaad banɛ wʋsa da paas A-zamisi-Gaad Taaba ni, ba circuit, district ti paae region.