Zuwera Ibrahimah

Zuwera Ibrahimah

ninsaal

Sex or gender	pua
Country of citizenship	Ghana
Du'am yuum	27 Mɔraug/Nwadisanii 1970
Languages spoken, written or signed	English
Tuuma	politician, administrator
Position held	Member of the 8th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Tamale Senior High School, University of Ghana, University of Cape Coast
Religion or worldview	Islam
Hair color	black hair
Eye color	blue

Zuwera Mohammed Ibrahimah anɛ Ghana pɔlitis nwɛꞌɛd, ba da duꞌanɛ Buniya nyaꞌaŋ nwaris ayɔpɔi la li dabisim piisi nɛ ayɔpɔi yυυm tusir nɛ kɔbiswai nɛ piisyɔpɔi la ni. O anɛ Maꞌasim Tiig Naꞌadɔɔg nid. O anɛ wadmaan n tis Salaga South constituency linɛ Ghana Savannah Region sυꞌυlυm la. O anɛ da an yiiga puꞌa onɛ zinꞌin kυk la zug Salaga sυꞌυlυm la ba da vɔɔti gaŋi o ye o paas wadmaanib yir la ti Ghana republic linɛ paas anaasi la ni.

O vυm pinꞌilυg nɛ o sakur yɛla

Ba da duꞌa Ibrahimah nɛ Buniya nyaꞌaŋ nwaris ayɔpɔi la li dabisim piisi nɛ ayɔpɔi yυυm tusir nɛ kɔbiswai nɛ piisyɔpɔi la ni, o saam onɛ maal kaꞌalim la yυꞌυr buon Kuntundawura, Alhaji Mohammed Zublilah Ibrahimah onɛ yi Kpembe la, da anɛ Tamale Polytechnic la linɛ ka ba yυꞌυn buonɛ li nannanna Tamale Technical University and Adisah Nassamu Ibrahimah la zugdaan.

O yinɛ Kpembe linɛ bɛ Ghana Northern sυꞌυlυm la. O biillimin bɛllim wυsa o zinꞌinɛ Winneba ani ka o siꞌiŋi o biilimin sakur ken. O keŋi o secondary sakuri n bɛ Tamale Senior High Scool la ni Ka lin nyaꞌaŋ ka o keŋ Nigeria ani ka o saam da paꞌan n bɛ Adu Bayero University linɛ bɛ  Nigeria Kano sυꞌυlυm la. O maal  Bachelor of Arts digirɛɛ linɛ an Management Studies  University of Cape Coast sakur la ni yυυm tusir nɛ kɔbiswai nɛ piiswai nɛ anii la ni ka maal o Diploma linɛ an Community Development la Trent University sakur linɛ bɛ Canada. O lɛn mɔr Digirɛɛ kasɛta gbaυŋ linɛ an Master of Arts (MA) in Communication Studies, University of Ghana sakυr la ni yυυma tusa yiꞌ nɛ ayuobu la ni, ala yaꞌas ka o da lɛn maal Executive Master of Business Administration (EMBA) zamisυg linɛ an daꞌ diib yɛla (Marketing) n bɛ University of Ghana Business School yυυma tusa yiꞌ nɛ ayɔpɔi la ni.[1][4]

O mɛ da maal o mastɛs digirɛɛ linɛ an Diplomacy and International Trade Business (Diplomacy) n yi University of East Anglia linɛ bɛ UK yυυma tusa yiꞌ nɛ piina yiꞌ la ni. Nannanna o bɛɛ ani n zamisid ye o maal o PhD zamisυg kpazɛɛri linɛ an Media and Communication n bɛ Goldsmiths College, sakur linɛ bɛ London United Kingdom la.

O tυυma

Ibrahimah tυm bɛ ziꞌis kɔnꞌɔb-kɔnꞌɔb li sieba anɛ development planning, administration and diplomacy la. On da nam pυ kpɛnꞌ pɔlitis la o da tυmnɛ an Information Services Department tυυma la director nyaꞌandɔl.

Onɛ da an project officer Northern Regions nam atanꞌ (Upper East Region, Upper West Region nɛ Northern Region) la wυsa ni n gɔsid Small Town Water Supply Systems project la ka lɛn an project officer tis Catholic Relief Services ye o gɔs lin na niŋ siꞌem ka  Primary sakur nam tυυma la nɔbig Northern Regions sυꞌυlυm la.

Ibrahimah da an Joint Monitoring tυυma la saawada nwɛꞌɛd n tis Water Supply Sanitation nɛ Hygiene (JMP) linɛ an ye WHO/UNICEF n bɛ Ghana la. O mɛ da lɛn tυmnɛ an Manager tis ti Ghana Association of Chartered Certified Accountant (ACCA) ka da lɛn an onɛ ziꞌe ti Gaan nɔba zug n bɛ Discovery Channel Global Education Partnership la ni.

Pɔlitis yɛla

Yυυma tusa yiꞌ nɛ piina wai la, waris anii la ni, ka Maꞌasim Tiig Naꞌadɔɔg dim da ye ba vɔt n gaŋ sɔꞌ ka o ziꞌenɛ nyaꞌa Salaga South sυꞌυlυm wadmaanib kυk la ka ba da vɔt ka o di ye o ziꞌenɛ nyaꞌa kυk la yυυma tusa yiꞌ nɛ piisi la ni. Zuwera Ibrahimah da paamnɛ vɔt bam 472 ka o tiraan Ibrahim Dey Abubakari onɛ da bɛ kυk la zug nɔɔr ayiꞌ la, nɛ Ahmed Saaka Shaibu Dan nɛ Lukman Jawula mɛ da paam 260, 116 nɛ 1 vɔt wυυ ba yυda la pυd siꞌem kena la.

Ban da vɔt yυυma tusa yiꞌ nɛ piisi la naae la ka Ibrahimah di Salaga South sυꞌυlυm kυk la li da anɛ labaar hali dig bɔzugɔ onɛ an yiiga puꞌa onɛ  zinꞌin Savannah Region sυꞌυlυm kυk la zug. O da paamnɛ vɔt bam 20,525 kɔbiga pυυginɛ o da paamnɛ 49.5% ka o tiraan Salifu Adam Braimah onɛ da an Wabυg nid onɛ da an da an Minista n tis Savannah Regional sυꞌυlυm nɔɔr ayi la, da paamnɛ 19,086 kɔbiga pυυginɛ o da paamnɛ 45.90%.

On an wadmaan la

Ibrahimah da kpɛnꞌ wadmaanib yir la ye o ziꞌenɛ tis Salaga South sυꞌυlυm la wadmaanib yir line paas anii la ti Gaana Republic linɛ paas anaasi Buniya nyaꞌaŋ nwarig yinne la li dabisim ayɔpɔi yυυma tusa yiꞌ nɛ piisi nɛ yinne la ni. Buniya nyaꞌaŋ nwarig yinne la li dabisim ayɔpɔi yυυma tusa yiꞌ nɛ piisi nɛ yinne la ni da paas puꞌab bam piisnaasi banɛ kpɛnꞌ wadmaanib yir la ni, o mɛ da anɛ puꞌa onɛ paas ani n ziꞌenɛ tis Savannah Region sυꞌulum la wadmaanib yir linɛ paas anii la ni. O da paas kpɛɛm banɛ gɔsid Foreign Affairs la ni ka ka lɛn an kpɛɛm banɛ gɔsid ka ba gaansid kpɛɛmnam wadmaanib yir la ni mɛn.