Ahafo region

Regions of Ghana
Continent	Africa
Country	Ghana
Capital	Goaso
Located in the administrative territorial entity	Ghana
Coordinate location	7°0′0″N 2°27′0″W
Shares border with	Bono Region, Ashanti Region, Western North Region

Ahafo Region^[1]^[2] anɛ region paala banɛ bɛ Ghana la yinne ka di tempʋtitaꞌar an Goaso.^[3]^[4] Region la mɔr wada ka mɛ tʋm nwɛnɛ region piinɛ anu bama la tʋm siꞌem Ghana la. Region la da buaki yinɛ Brong Ahafo Region yatuona-datiʋŋand ka li da anɛ ka naꞌadɔɔg kanɛ buon New Patriotic Party da ziel nɔɔr ye ba die naꞌam ka pʋdʋgʋ li la. Yʋʋm tusa yiꞌ nɛ piinɛ ayuobu (2016) Ghanaian general election votug la, ka onɛ da an Nana Akufo-Addo da tis nɔɔr ye ba yaꞌa vɔɔti tis o, o na gɔs ka maal Region paala bɛdegʋ yi Region banɛ pʋn dɛŋim bɛ la ni ka li kɛ ka tɛŋ wʋsa nyaŋi sʋŋi ba mɛŋ. Sʋꞌʋlim kanɛ da gɔsi maal regions la da anɛ sʋꞌʋlim paam kanɛ da an Ministry of Regional Reorganization and Development, ka li tuongat an Girimadaan Daniel Botwe. Government of Ghana , banɛ gɔsid regions nam maalig nɛ ba tʋʋma an siꞌem wʋsa Ghana sʋꞌʋlim.^[5] Yʋʋm tusa yiꞌ nɛ piinɛ ayɔpɔi, nwadis atanꞌ (March 2017), ka ministry la da yis gbaʋŋi paꞌal region nwa maalig nɛ o taaba wʋsa gbana kɛŋ tis Council of State. Council la da laꞌas laꞌasa ka li tʋʋg wʋʋ nɔɔr pistan nɛ ayuobu gbaʋŋ la yiib saŋa ti paae yʋʋm tusa ayiꞌ nɛ piinɛ ayɔpɔi, nwadis anii (August 2017).^[6] Linɛ da an naar linɛ da paꞌal region la maalug yɛla da anɛ ye nidib banɛ da bɛ sʋꞌʋlim kan la da vɔtnɛ bas suor, yʋʋm tusa ayiꞌ nɛ piinɛ anii, nwadis piinɛ ayi la dabpisi nɛ ayɔpɔi daar (27 December 2018).^[7]

Tempʋbɛda

Major Towns of Ahafo Region.
No.	Settlement	Population	Population year
1	Mim, Ahafo	30,753	2017
2	Goaso	24,846	2017
3	Bechem	17,677	2013
4	Duayaw Nkwanta	16,541	2013
5	Techimantia
6	Kenyasi

Din pʋꞌ siꞌem

Region la tʋmmi li tʋʋma dɔlisidnɛ local government system. Nwaꞌ anɛ yɛ, region la da pʋdʋgnɛ MMDA's nam ayuobu (ka li anɛ Metropolitan nam kai, Municipal nam atanꞌ nɛ Assembly nam atanꞌ).^[8] District, Municipal bɛɛ Metropolitan Assembly, bɛnɛ Chief Executive nʋꞌʋsin, one zie gɔmena nɔba zug amaa ka li paŋ bɛnɛ presiding member one ka Assembly members gaŋ o ba mɛŋ.

Districts of the Ahafo Region^[9]
#	MMDA Name	Capital	MMDA Type	Chief Executive	Member of Parliament	Party
1	Asunafo North	Goaso	Municipal	Osei Yaw Boahen	Evans Bobie Opoku	NPP
2	Asunafo South	Kukuom	Ordinary	Frank Aduse Poku	Eric Opoku	NDC
3	Asutifi North	Kenyasi	Ordinary	Anthony Mensah	Patrick Banor	NPP
4	Asutifi South	Hwidiem	Ordinary	Robert Mensah Dwomoh	Collins Dauda	NDC
5	Tano North	Duayaw Nkwanta	Municipal	Ernest Kwarteng	Freda Prempeh	NPP
6	Tano South	Bechem	Municipal	Collins Takyi Offinam	Benjamin Yeboah Sekyere	NPP

Labakʋda

yʋʋm tusa yiꞌ nɛ piinɛ anii, nwadis samanpiid nwadig la dabisa pisi nɛ ayɔpɔi (27 December 2018)^[10] votug la da siak ye ba maalim Ahafo Region. Nidib banɛ daa na nyaŋi vot daa anɛ tusa kɔbis tanꞌ nɛ ayɔpɔi, kɔbiga nɛ anii (307,108), nidib tusa kɔbis yiꞌ nɛ pisyɔpɔi nɛ ayɔpɔi, kɔbisyuobu nɛ pisyuobu nɛ atanꞌ (277,663) da vɔɔt ka nidib tusa kɔbis yiꞌ nɛ pisyɔpɔi nɛ ayuobu, kɔbisyɔpɔi nɛ pisyuobu nɛ atanꞌ (276,763) ka lin anɛ piswai nɛ awai nɛ pʋdigir ayuobu nɛ anii kɔbʋga pʋʋgin (99.68 per cent) da siak yɛ ba maalim region paalig la. Ka nidib kɔbis yuobu nɛ pisyɔpɔi nɛ ani (675) linɛ mɛ an zaalim nɛ pʋdigir ayiꞌ nɛ anaasi, kɔbʋga pʋʋgin (0.24 per cent) da zanꞌas ye ba da maal region la. Ka nidib kɔbis yi' nɛ pisi nɛ anu (225) da pʋ vot ka li dɔl suorɛ, ka lin anɛ zaalim duꞌali anii kɔbiga pʋʋgin (0.08%) banɛ da vot la wʋsa pʋʋgin.^[11]^[12]^[13] Ba da maal region la nɛ yʋʋm tusa yiꞌ nɛ piinɛ awai, nwadis ayiꞌ dabisa piinɛ atanꞌ daar (13th February 2019) ka li dɔl nɛ wada kanɛ an kɔbʋga nɛ piinɛ anaasi (Constitutional Instrument 114). Goaso ka ba da gaŋ ye li an region paal nwaꞌ tempʋtitaꞌar.

Ligidiisim nɛ daꞌ yɛla

Ahafo mɔr laꞌasʋma wʋʋ sanlima (Gold), pielis (Diamonds) nɛ daad (Timber) bɛdegʋ nɛ laꞌasieba. Sanlima bɛdegʋ bɛ Mim, Ahafo, Kenyasi nɛ Yamfo sʋꞌʋlim nam. Newmont Gold Ghana Limited banɛ tuud sanlima ka dunia wʋsa miꞌ ba yɛla, tuud samlima bɛ Kenyasi nɛ Yamfo sʋꞌʋlimnam.

Ahafo anɛ zinꞌig yinne banɛ mɔr tiis Ghana sʋꞌʋlim, ba mɔr tiis bɛdegʋ. Daad tʋʋma an tʋʋm kanɛ ka nidib bɛdegʋ tʋm Region la ni. Region la mɔr daad tʋmtʋmnib ka ba gilig li wʋsa. Daad tʋmtʋmnib region la sieba an Ayum Forest Products Co. Ltd,^[14] Exbo wood Co. Ltd, Ocean-wood Co. Ltd,^[15] Supremo-wood processing Co LTD, ban wʋsa bɛnɛ Mim sʋꞌʋlim, Ahafo.^[16]

Ahafo Region ka diib bɛdegʋ yitna tisid Ghana dim. Tɛŋbaʋŋ la sʋŋid diib banɛ did nɛ diib banɛ kuosid wʋsa. Region la mɔr kooko nɛ atiꞌa tiis bɛdegʋ.^[17] Asʋꞌʋ-m-mɛŋ tʋʋma yinne an Mim Cashew & Agric Products company LTD bɛ Mim, Ahafo sʋꞌʋlim.^[18]

Zinꞌivɛnlla

Zinꞌis banɛ bɛ Ahafo Region ka nidib na nyaŋi kɛŋ gɔs vɛnꞌlim anɛ:

Mim Bour (Mim rock) bɛ Mim, Ahafo^[19]^[20]
Mim Lake mɛ bɛ Mim, Ahafo sʋꞌʋlim
White-necked Rockfowl conservation bɛ Asumura
Okomfo Anokye tiig linɛ bɛ Sankore

Din bɛ zinꞌisiꞌa

Zinꞌig nɛ labisim

Ahafo Region Ya-datiʋŋ titɔdig anɛ Bono region, ka li Ya-yaꞌaŋ an Ashanti Region, ka li Ya-tuona an Bono region, ka li Ya-dagɔbʋg an Western North Region ka li mɔr district nam ayuobu.

Din an siꞌem nɛ tam la yɛla

Ahafo Region anɛ zinꞌig yinne kanɛ mɔr tiis Ghana sʋꞌʋlim, ba mɔr tiis bɛdegʋ ka li tɛŋ la mɔr kʋꞌʋlim nɛ mɔɔd ka li kas-kas anɛ savanna linɛ mɔr tiis banɛ tunꞌe sawak ka ba sieba an tɛꞌɛs bɛɛ acacias. Yʋʋm wʋsa nwadis anaasi kɛŋ paae naar nwadig la an ʋʋn (December and April is the dry season). Sɛɛng saŋa anɛ lin yin nwadis ayɔpɔi (July) keŋ paae piinɛ yinne ni la (November) ka saa ɛɛnti niꞌ wʋʋ kɔbis yɔpɔi nɛ pisnu paae tusir nɛ pisnu (750 to 1050 mm or 30 to 40 inches). Tʋʋlig saŋa ɛnti bɛnɛ ʋʋn naarin la ka waad saŋa mɛ bɛ yʋʋm naar nwadig nɛ yʋʋm pinꞌilig nwadig. Amaa sisiepiilig saŋa linɛ yi Sahara la daꞌadnɛ yʋʋm naar nwadig ti paae yʋʋm paal nwadis ayiꞌ pinꞌilig. Li tʋʋlig bɛɛ li maꞌar anɛ wʋʋ 14 °C (59 °F) yʋꞌʋŋ nɛ 40 °C (104 °F) nintaŋ.

Gbanvɛɛnsa

[1] ttps://ahrcc.gov.gh/newly-appointed-ahafo-regional-minister-hon-george-yaw-boakye-paid-a-courtesy-call-to-nana-sankoremanhene/

[2] ttps://www.statsghana.gov.gh/regionalpopulation.php?population=MTMxOTU3MTAxOC44MjU=&&Bono&regid=2

[3] ttp://citifmonline.com/2017/11/21/commission-of-enquiry-on-creation-of-new-regions-commences-work/

[4] ttps://web.archive.org/web/20190924135011/http://www.ghana.gov.gh/index.php/news/3917-creation-of-new-administrative-regions-council-of-state-recommends-commission-of-enquiry

[5] ttps://web.archive.org/web/20170731040155/http://www.myjoyonline.com/politics/2017/January-11th/2nd-ministerial-list-out-akufo-addo-creates-new-ministries-re-aligns-old.php

[6] ttps://web.archive.org/web/20171212193348/https://www.ghanacrusader.com/council-of-state-met-36-times-on-creation-of-new-regions-nana-otuo-siriboe-ii/

[7] ttps://web.archive.org/web/20171211071727/http://presidency.gov.gh/index.php/2017/10/06/creation-of-new-region-in-your-hands-president-akufo-addo-to-nayiri/

[8] ttps://web.archive.org/web/20190617031734/http://www.ghanadistricts.com/Home/Region/12

[9] ttp://www.geohive.com/cntry/ghana.aspx

[10] ttps://www.ghanaweb.com/GhanaHomePage/NewsArchive/Referendum-Massive-YES-votes-for-6-new-regions-711692

[11] ttps://www.pulse.com.gh/news/local/referendum-6-new-regions-get-massive-yes-votes/6l8qds7

[12] ttps://www.ghanabusinessnews.com/2018/12/29/all-six-proposed-regions-meet-constitutional-threshold-requirements-ec/

[13] ttps://www.graphic.com.gh/news/politics/confirmed-results-of-the-2018-referendum-on-new-regions.html

[14] ttps://www.myjoyonline.com/trade-minister-inaugurates-5-member-board-of-revitalised-ayum-forest-product-ltd/

[15] ttps://www.exportgenius.in/ocean-wood-ghana-company-limited-exporter-in-ghana

[16] ttps://web.archive.org/web/20230210172652/https://3news.com/rising-youth-population-means-more-job-opportunities-should-be-created-bawumia/

[17] ttps://thebftonline.com/2021/08/02/gcx-targets-20000mt-raw-cashew-for-auction-next-season/

[18] ttps://www.businessghana.com/

[19] ttps://visitandtourghana.com/top-10-tourist-attractions-in-ghanas-brong-ahafo-region-you-should-visit/

[20] ttps://myshsrank.com/post/tourtist-attractions-in-ghana-by-region

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]